Jeremaya 15:16 - Anatunya Buku Baepole Ole Testamene Pii Lapo dee Nuu Tesamene

¹⁶ Embame namba pii langii dokopa pii mende isa nemba nao siyu kande. Kamongo Anatu Porai Wakasa doko, namba embena kandale. Dokona lao embena pii doko nambana monarena rae maingi mona pyakalyuo pingipi renge dupwa pipya palyuo simbulyamo.

Jeremaya 15:16 Iomraidhean Croise

Niyamaya 8:12

Pii doko soo nyiyaminyi dokome wambu peparae kata nyuo papala nenge nao ipwa nao nenge mokwa soo maiyuo raeme kumuo piyami.

Samu 119:111

Embena mawa pii dupwa namba rangena ingyuo minyuo karalu kararo. Mawa pii dupwa nambana monarena raeme kumunginya renge doko ingyuo silyamo.

Samu 119:97

Nambame embena mawa pii dupwa mona nyepala yuu peparae kaeya nao suu pyao karo.

Samu 19:10

Anatunya mawa pii rungi rungi pingi dupwame kana golo ama keyange doko nyuo isa palyingi. Dee mende suu pyao doko amburalinya ipwange rende pipyamopape Anatunya mawa pii doko ama rende wakasa pingi.

Jeremaya 14:9

Emba akipamo akali mona nembako kamenge walu lao nyingi dopale ingyuo dee akipamo emba yanda singi lapo porainya renge pali napala nyisalana pako karenge dopale ingilisi? Kamongo emba namwa role karene doko siyamano. Namwa embena wambu embame namwa kyawa yaki nyii napipi, lao letaminyi, leya.

Isikiolo 2:8

Makwa isa ingyuo karo kuku pyaa nare akali doko emba nambana pii langilyu doko sepe. Nambame jiyu kande dupwa nenge kata ŋaa lapala nape. Nakamba pilyaminyi doko suu pyao kamba lao kara napipi, leya.

Maeka 2:7

Isaraele wambu dupwa kapa koo keta palirami lao silisi? Kamongo baa waiya lao imbwa nange doko kame sipyase? Baame letene dupwa kinyi pirase? Baame wambu yulu rolae pingi dupwa kando pii anjiki pyuo laa nangese? lao langilyaminyi.