Jeremaya 15:13 - Anatunya Buku Baepole Ole Testamene Pii Lapo dee Nuu Tesamene

¹³ Dokopa Kamongo dokome namba langyuo lao, Nambame yanda pimwai dupwa epena lapala nambana wambunya kanape kamongonge bangepe yuu dokona silyamo dupwa nyuo soo pena laro. Renge doko nakama yuu palaminyi dokona kapa kapa pyuo koo pilyaminyi dokona randa maiyuo dopa piru.

Jeremaya 15:13 Iomraidhean Croise

Aisaya 52:3

Kamongome banya wambu dupwa kando lamaiyuo lao, Kana mendeme nakama ropo pyao nyuo karapusi palyiyaminde daa. Dokona ingyuo nakama nyisa moko eparami lao kana reto nyeraminde daa.

Aisaya 52:5

Epapu yuu Bapilone dokona doo piyami dopako pyuo pilyaminyi. Nakama karapusi ingyuo nyuo papala bange mendepe nakama ropo pyao reta nayami. Wambu dupwame nakama iso karapala range mupwa ulipiliŋi lao suu pyao nambana kingi pendewa nembo lao karaminyi.

Jeremaya 15:8

Nakama rangena yuu dokona enda waiya dupwa ipwa kota kee kana dupwa manda manja nao kamame wakasa petaminyi. Nambame nakamana wane parange andengena dupwa pyao kumakapala endangi dupwa mona rumbingi petena lao piyu kande. Aopa nambame nakama keta yuu mendaki paka rengepe mona randange rengepe paleta epo piyu.

Jeremaya 20:5

Nambame nakamana yanda pimwai dupwame yuu taone andake dakena panda maiyuo kaeyaronopa epo nakambana mena bangepe kamonganyi nembengepe rungi rungi pingipi dupwa peparae andambupi nao nyuo pao dokopa Juta kiŋi dupwana kana bangepe dupwa opetae nyuo yuu Bapilone dokona nyuo pao kaki pirami.