Jeremaya 15:10 - Anatunya Buku Baepole Ole Testamene Pii Lapo dee Nuu Tesamene

¹⁰ Namba keta rae maingi renge pali nalyamo doko aki akalinde karose? Akipamo nambana anyi dokome isa yuu dakena manjo nyiyase? Nambame yuu dakena wambu peparae kando laiya lao apiyanda pyuoko kararolyamo. Nambame kana lapo kyanju pyao nyakamyuope dee nambame lapo mainyi palyuowape pii nangeko. Doŋo wambu peparaeme namba koo keta palyuo letaminyi.

Jeremaya 15:10 Iomraidhean Croise

1 Kiŋi 21:20

Ayapeme Ilainja kandapala dopa leya, Nambana nyisu petenge, embame namba minyarapala nyela epelese? leya. Leyamo dokopa Ilainjame isingi lao, Emba Kamongona lenge kambu dorena emba rangeme koo pipala nyisa rekya lao pao otapi dokona waa nambame emba nyela epelyo.

1 Kiŋi 22:8

Dokopa Ayapeme isingi lao, Imilana ikinyingi poropeta Maekaya karamo. Karapyamopape baame namba rengya mende pira lao keyange dokona langya napala yuu peparae koo dupwanako langingi dokona nambame baa awa nalyo, leya. Jiosapatame isingi lao, Emba dopa laa nare ingilyamo, leya.

Samu 15:5

Bange mailyamo dokona mende konda pyuo nyipulinya suu pyaa nao mailyamo dolapoko range nyingi. Wambu koo pii nange dupwa kando wambu lapome bange jeramaŋa wambu lapo kando pii kyatepa pyuo lakana lenge dokona lakami nange. Yulu doo letamo dusipa piramo wambu doko range kame pyuo minyarasa pira.

Samu 69:4

Renge angi mende palya napyamopa namba awa nao karaminyi dupwa ama malu ingyapyasa nambana kyawasi malu karamo dupwa manda manja nalyamo. Nambana yanda pimwai dupwame kando kyambo lao yanda pimwailyaminyi. Nakamame namba pyalana poraiyuo kaelyaminyi. Dopa pipala bange dupwa waa nyiyu ingyuo range maiyakami letaminyi.

Jeremaya 15:20

Nambame emba kone kana yale kapa dupwame kana kame porai pingi dopale ingyuo kareene lao suu pyapala nakamame emba isa palya narami ingyara. Nambame emba kyawa minyuo lete wai pyao nyuo kararo.

Apakuku 1:3

Akipamo namba randa dupwanako lenge lenge rao kara, letese? Embame dee apa pyuo koo dupwa pyuo karena lapala mee kando karese? Pyao kokwa singi yulupi randa dupwape namba karapu dokona minyuo buale minyuo laiya lao pyakando pyuo epelyaminyi.

Matyu 24:9

Dokona lao yuu gii enakana dokopa akali dupwame nakama randa andake dokona nyuo minya sepala pyao kumakarami. Dokopa rara wakale wakale dupwame nakamame nambana kingi lao kararaminyi dokona kando awa narami.

Matyu 5:44

Dopa leyaminyiko doŋo nambame nakama pii mende langiru. Nakama pipya nyisu petenge wambu dupwa mona reto, randa nalamisi lao piyami dupwa ateŋa lakamyuo pyuo karalapape.

Luku 2:34

Dokopa Simione baame nakamba elya pyuo penale lao endangi Maria kando dopa lamaiya. Wane dakeme renge kuiramopa Isaraele wambu malu isa paraminyipa maluko ketae pao kararami ingilya kande. Baa Anatu dokona lyakai pyuo kararamo kandapala yanda pimwaiyuo lao kararami.

Luku 6:22

Ikinyingi Akali dokona reke lao karaminyi lapala wambu lapome nakama kando yulu koo pilyaminyi lao nakama awa nao mata joo kilya kando larami dokopa rae maiyuo parami.

APOSELENA YULU 28:22

Laa naminyipape embame suu pilinyili pyuo langirinyipa simwali yaka. Nakama kata wakale palyuo lao karaminyi doko wambu peparaeme kapa ingya nalyamo letaminyi doko range silyamano.