Jeremaya 14:13 - Anatunya Buku Baepole Ole Testamene Pii Lapo dee Nuu Tesamene

¹³ Dokopa nambame lao, Kamongo Mupwa Andake Wakasa, poropeta akali dupwame wambu dupwa lamaiyuo, Liti dakena yanda mende pii nao lopo see nara. Renge doko embame lalu lao lao mona kyuu lao singi renge doko iki yuu dakena seramo pisirami lapiŋi lao lao karaminyi, leyo.

Jeremaya 14:13 Iomraidhean Croise

Jeremaya 1:6

Dopa leyamosa nambame isingi lao, Kamongo Mupwa Andake Wakasa, namba wane ene. Namba pii lalana saka nange, leyo.

Jeremaya 20:6

Pasa emba doko embena ree palu dupwape peparae minyarapala nyepala yuu Bapilone dokona lanyuo parami. Dokona emba kumarenepa embena puu minyingi lapo kyambo malu lamaiyuo kareene dupwa pipya malu pirami.

Jeremaya 23:17

Poropeta dupwame wambu lapo nambame lapunu pii dupwa selana kamba letaminyi dupwa kando lao wambu nakama keta mee kapa ingyuo para lyakande letaminyi. Karapala mona kana poko lao karenge wambu dupwa peparae lamaiyuo, Nakama dupwa keta randa andake doko epa nara, letaminyi.

Jeremaya 37:19

Embena poropeta akali yuu Bapilone kiŋi dokome embape dee embena yuupi dupwa pyao nyii nara lao emba langiyaminyi dupwa apa piyamisi?

Maeka 3:11

Taone andake dokona lita dupwame panga soo bange nyelana lao palyapala iso karaminyi. Purisi dupwame kana nao sisi Anatunya mawa pii polo lamailyaminyi. Poropeta dupwame ene mende piramo duwpa kana jinya lao polo lamailyaminyi. Nakama peparaeme nakama keta Kamongo role pyao karamo, letaminyi. Nakamame lao, Kamongo doko namwa role pyao karamo. Randa dupwa namwa keta epa naraŋa letaminyi.

2 Pita 2:1

Wambo dokopa akali lapo poropeta akali angi daa kyambo lenge dupwa lao epeyami doko suu pyao dokore lapo dee kamba eparami ingilyamo. Nakama Lete Wai Pyao Nyiyamo Kamongo doko mata maipala nakamana kyambo pii dokome Elyambu Pingi wambu ukiaki minyarami. Yulu koo doko nakama keta lalyuo ingyuo eparamopa nakama waiya lao kokwa sera ingilyamo.