Jeremaya 14:10 - Anatunya Buku Baepole Ole Testamene Pii Lapo dee Nuu Tesamene

¹⁰ Kamongo dokome wambu dapwana lao leya. Nakama namba yaki nyuo ralo makando pena mona nyilyaminyi. Dopa pipala nakama range kame pyuo minya narami. Dokona lao nambame nakama pipya rae mai nalyo. Dokona nakamana yulu kopetame pilyaminyi dupwa nambame suu pyaro. Suu pyapala nakamana koo dupwana randa mairu, leya.

Jeremaya 14:10 Iomraidhean Croise

1 Kiŋi 17:18

Dokopa enda dokome Ilainja kando lao, Anatunya akali doko. Embame namba keta akipamo yulu dake pilisi? Anatumi nambana koo dupwana kamba suu pyapala dokona dee nambana wane kumungi dokona pyambwakana lao ipisi? leya.

Samu 119:101

Emba suu pingi doo minyalana suu pyapala Satanena kata dupwa wasinyi nembo karo.

Samu 95:10

Ee kana akalisa kisima namba imbu singi nyakayami. Nambame endakalipi yuu peparae kopetame suu pyao karenge, leyo. Nambana nenge rambo lao piso karo pingi doko kamba lao mana nyii nalu nao nayami.

Ekesetase 32:34

Dokona epapu nambame emba langiyunu yuu dokona wambu dupwa lanyuo pupi. Parene dokopa nambana aŋala dokome emba rapu pyuo karara. Dopa piramopape wambu dupwa koo piyami dokona randa mairunu yuu gii doko pyaka sera, leya.

Jeremaya 2:36

Pamuku enda kepo pyuo papingi doko suu pyao nakamana suu pingi alowa pilya pyana pyuo kata wakale wakale pelyaminyi. Dokona Asiria wambu dupwame nakama nyisa nayami. Dopaleko ingyuo Isipi wambu dupwame nakama nyisa naramiko ingyaramopa nakama mona randarami.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Jeremaya 6:20

Yuu Sepa piso nakamame rendamu pingi doko namba keta minyuo epeyaminyipape mona karo nyaka nalyo. Panda yuu wakale nanesa rae bange lapo nenge rende pinya lao minyuo epeyaminyipape dupwana lao mona nyii nalyo. Nakamana nenge kiso jeraminyi dupwa nambame rae maiyuo nyakami naro. Dee mena pyao kiso jeraminyi dupwana nambame rae maiyakami naroko.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

Osia 11:9

Dokona lao namba mee akali daa namba Anatu. Nambana imbu singi dokome nakama randa jii naro dee Isaraele wambu dupwa dee kamba pyao kokwa see naroko. Namba doko ama Poo Pyasi ingyuo karo. Namba doko nakama role pyao karo. Dokona namba imbu singi paleta nakama keta epa naro, leya Kamongo dokome.

Emosa 3:2

Wambu malu mee isa yuu dakena karaminyipape nambame nakama iki kando nyuo mondo lao rapu pingi. Renge dokona nakamana koo doko andake wakasa ingyuo pelyamo. Dopa pilyamo dokona nakama randa jero.

Emosa 5:22

Nakamame nenge kiso mukinyi nembo maingipi witi jingi maingipi dolapo minyuo epo jeraminyi dokopa nambame rae maiyuo ama nyii naro. Nakamame mena susu lao nenge maipala ando rondo lapyamo minyapala namba jela eparaminyi dupwa kando aiyaka lao nyii naroko.

Ipuru 8:12

Nakama koo pirami dokopa nambame sakame kumuo karapala nakamana koo dupwa nyuo kame silya sana pyuo kaeyaro leya.

1 Samyuele 15:2

Isaraele wambu dupwa yuu Isipi piso epeyaminyi dokopa Amaleke wambu dupwame pyao randa maiyaminyi dokona Kamongo Anatu baame nakama randa maira.