Jeremaya 1:5 - Anatunya Buku Baepole Ole Testamene Pii Lapo dee Nuu Tesamene

⁵ Nambame emba endakinyinya ingi anda dokona wane ingyalana karo dokopa wambo rombo palyiyu. Dee emba manjipa nayaminyipa wambu rara dupwana peparae emba poropeta karare lao wambo rombo palyuo kaeyo, leya.

Jeremaya 1:5 Iomraidhean Croise

Samu 139:15

Nambana anyinya rombanda dokona nee pyuo andeyonopa kuli dupwa kimbu sera sera piyamo dokopa embame dokona palene lao soo karee.

Samu 139:16

Namba manjapa nayamopa embame kando sii. Namba ene ando karo yuu gii kararole dupwa wambo embame sepala embena buku dokona pyao retee.

Ekesetase 33:12

Dokopa Mosese Kamongo doko lamaiyuo lao, Doko kinyi. Emba namba langyuo, Wambu dapwa minyuo yuu dokona puu lee. Leenepape embame wambu mende nambapa role parambi peeyaro lao namba langi nae. Embame lao, Namba emba soo oto rae mailyu, lee.

Ekesetase 33:17

Dokopa Kamongome Mosese lamaiyuo lao, Nambame emba soo giso rae maiyuo pilyu dokona embame piso silinyili pyuo piru, leya.

Aisaya 44:2

Namba Kamongo dokome nakama wasiyu. Nakama ene nyaŋa manjo nyiyami dokona piso nambame nyiso epeyo. Nakama paka nalapape. Nakama nambana kendemande wambu. Namba rangena rombo palyiyu dokona nambame mona retelyo.

Aisaya 49:1

Wambu yuu muu ree lao nanesa palyuo pelyaminyi dupwame nambana pii dake selapape. Doko yuu wamba namba manjipa nayaminyi dokopa Kamongo dokome namba banya kendemande ingyuo karareŋe lao rombo palyiya.

Aisaya 49:5

Kamongo dokome namba manjipa nayami dokopa banya kendemande ingyapala Isaraele wambu dupwa sukusa sukusa pyuo nyuo kapu kyuo lanyuo epare lapala rombo palyiyapya. Dopa pyuo Kamongome nambana kingi ketae pyambuo pingi. Yulu peparaena porai renge dupwa baa keta piso epenge.

Jeremaya 1:10

Epapu dakepa nambame emba pawa jepala yuu muu wakale wakale dupwa kiŋinya yuu wakale wakalena iso karape lao rombo palyipunu pilyamoŋo. Pyao lalyinyi nembo pyao kokwa sinyi nembo pyao rakapyanyi nembo pyao ralyuo neta kupinyi nembo apa yuu pyao dee minyalyuo pyuo pyuo pupi lao rombo palyilyu kande, leya.

Jeremaya 1:4

Kamongo dokome namba Jeremaya langyuo lao,

Jeremaya 20:15

Akali mendeme namba mandeyaminyi dokopa wane mende manjakalaminyi lao epo rakane lamaiyuo rae mainyi pyambuyamo akali dokona kingi kopyali ingyuo penale.

Jeremaya 36:2

Pepa yoko kao pele pele lasi doko nyepala nambame Isaraele wambunya laope Juta wambunya laope dee rara peparaena laope langiyunu pii dupwa peparae pepa dokona pyao retape. Yuu gii Josaya baa kiŋi kareyamo dokopa wambo langyuo pao epapu langipunupape dupwa peparae pyao retape.

Luku 1:15

Baa Anatunya lenge kambu dokona andake ingyuo karara. Baa waene ipwange dokope ipwange porai dupwape dokona mende naa nara. Endangimi baa manjo nyeramo gii dokopa Imambu Poo Pyasi baa keta palyuo simbwaramo karara.

Luku 1:41

Yako leyamo pii doko Ilisapetame siyamo dokopa banya rombanda dokona wane paleyamo doko pyuku leya. Dokopa Ilisapeta Imambu Poo Pyasi dokome baa palyuo simbuyamopa

Luku 1:76

Anyi emba Anatu Wakasa Karamo dokona poropeta akali larami. Dokona lao Kamongo enakana eparamo dokona emba wambo pao banya kata wapwakamyuo pare,

Jone 10:36

Doko suu pyao Rakaneme rombo palyapala isa yuu dakena namba mapanyi peeyamo dokome namba Anatunya Ikinyingi lapunupa nakamana akipamo Anatunya lenge kambu dokona kokwa soo lapinyisa pipya letamisi?

Orome 1:1

Namba Pole Yesu Koraisana kendemande ingyuo Anatunya waili pii keyange doko lare lao rombo palyuo nembeyamo dokome pepa dake pyao jilyu.

Orome 8:29

Anatumi wambo rombo palyiya wambu dupwa nakama banya Ikinyingi yale isa komba pyao parami lapala yapalyuo nyiya. Yapalyuo nyiyamo dokome banya Ikinyingi doko yangonge dolomana baame siki nyuo karara ingilyamo.

1 Korina 8:3

Dopa pilyamo dokona mendeme Anatu mona retelyamo doko Anatu baa silyamo.

Epesasa 1:22

Baa karamo dokona lungwa lungwarename peparae karena lao, dee Elyambu Pinginya kyawa ingyuo karena leya.