Jeremaya 1:16 - Anatunya Buku Baepole Ole Testamene Pii Lapo dee Nuu Tesamene

¹⁶ Nambana wambu dupwame yulu koo pyuo namba kame sepala yaki nyilyaminyi dokona nambame nakama randa mairu. Nakamame anatu wakale dupwa mena pyao kiso mailyaminyi dee mee bange anatu lao kingimi wasapala lakandelyaminyi.

Jeremaya 1:16 Iomraidhean Croise

2 Kiŋi 22:17

Nakamame namba kilya kando mata joo dee mee bange kingimi wasisi anatuŋu lenge dupwa mena pyao kiso maiyuo dee yulu peparae piminyi dupwame nambana imbu singi doko sipurao nakao pilyaminyi. Dokona nambana imbu singi doko Jerusaleme wambu pipya sipurao epelyamo doko dee lokwalyuo isa paa naralyamo, leya.

Aisaya 44:15

Akalimi isa dokonako nyepala pakirena dorena isarena yangapala soo piso borete minyuo yango pingi. Dee pakirena dorena anatuŋu lao wambu yale wasapala kingi wapambupi lakao kingi lenge.

Aisaya 65:3

Nakama elya pali napala namba imbu singi nyakao pyuowako karaminyi. Nakamame semango imambu suu pyapala mena yakape yaonge mare dupwana yao maiyuo karaminyi. Dopa pyuo dokopa loma soo semango yao maingi kana pyare lasi dupwana rendamu pingi dupwa kiso maiyuo karaminyi.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Jeremaya 18:15

Dupwa alowa pii napyamopape nambana wambu nakamame namba kame soo kaeyapala mee bange kingimi wasisi dupwana lao rendamu pingi bange kiso mailyaminyi. Nakama paraminyi kata rolae doko ranilyaminyi. Wamba paenge kata doko yaki nyuo kaeyapala nakama kata kyakana pelyaminyi.

Jeremaya 19:4

Nambame doo pirunu doko wambu dupwame namba kame soo yaki nyepala yuu dake koo inginyi pyambuo kokwa soo mena pyao kiso anatu wakale dupwa maiyami. Nakamape dee nakamana rora ambasupi dee Juta wambunya kiŋi dupwape mee bange anatu see nange dupwa kiso maiyami. Nakamame wambu yulu koo pii nange dupwana ranjama dupwa kulimbuo nembo kareyami dokona dopa piru.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Jeremaya 2:17

Nambame nakama Isaraele wambunya kata wapwakao pupunu dokopa nakamame namba nakamana Kamongo Anatu doko kame soo yaki nyiyami dokome randa dake nakama range keta nyilyaminyi.

Jeremaya 2:19

Nakama rangena koo dokome nakama randa jera. Dee nakamame namba mata jiyami dokome koo ingyuo karaminyi lao lasaka pirasa pira. Dopa piramo dokopa nakamana Kamongo Anatu namba doko yaki nyuo kaeyamo doko yulu ama koo wakasa lao soo nyerami. Namba Kamongo Mupwa Andake Wakasa Ama Porai dokome lapunu pilyamo.

Jeremaya 2:28

Nakama rangena anatu kingimi wasiyami dupwa anja karamisi? Nakama koo keta palipala rangena anatu dupwame nyisingi ramo doko nyisinya larami. Juta wambu dupwa nakamana yuu taone malu karenge dokoko suu pyao nakamana mee bange malu anatuŋu lao karaminyi.

Jeremaya 7:17

Yuu Jerusaleme kata dupwanape dee yuu Juta taone dupwanape yulu pilyaminyi doko emba kanda nalese?

Jeremaya 7:18

Doko wane wanake dupwame isa ponale yapo nyuo malu palyilyaminyi. Akali dupwame isare pete wasilyaminyi dokopa enda dupwame mee bange kingimi wasisi enda anatu yake pandana kuini lenge dokona nenge palawa doko ipwa pipya pyaso minyapala nenge kyake wasakamilyaminyi. Dopa pipala nakamame namba randa jelana suu pyao ipwa waene dupwa kamame kulimbuo anatu wakale dupwa mailyaminyiko.

Jeremaya 7:9

Dopa pyuo pao nakamame waa nyuo wambu yango pyamwalinya suu pyao enda kepo pyuo dee kinyi angi lete lao kingi ketae nembo kyambo lengepe mee bange anatu kingimi wasisi kingi Bealo lenge doko mena pyao kiso maiyuo dee kingimi wasisi bange wakale anatuŋu lenge lapo nakama wamba soo kanda nange dupwa lakando pelyaminyi.

Osia 11:2

Lapala nambame nakama epenako lao kyakale lao nyuo peyonopa nakamame koo doko konda konda pyuo pyuo puu pao peyami. Nambana wambumi mee bange anatu lao wasisi kingi Bealo doko mena pyao kiso maiyuo. dee isa kanapeme wasisi dupwa rendamu pingi bange kiso maiyuoko pyuo kareyami.

Joele 2:11

Kamongo dokome yuu gala lele lao banya ami akali dupwa dopa pinya dapa pinya lao pii poraiyuo lamaira. Yanda singi banya pii warombo singi dupwa ama malu mee dupwa porai wakasako. Kamongona yuu gii doko koo mangepe nao randa nyuo epara dokona api mendeme paka nao mona porayapala kararase?

APOSELENA YULU 7:41

Lapala bulamakao ikyane mende dopale pyuo wasiyami. Pyuo wasapala doko anatu ingilyamo lapala mena pyao kiso kingi lao kareyami. Rangena kingimi pyuo wasiyaminyipape bange doko kyanyi kando ketae pyambuyami.

Dutaronome 31:16

Panapala dokopa Kamongo dokome Mosese lamaiyuo lao, Emba repeta kumare ingilyamo. Kumaparene dokopa enakana wambu dupwame namba mona jii napala nambana nakama pipya kana minyuo lalu lao leyamo pii dupwa kamba larami. Nakamame namba kame soo kaepala yuu nyuo palya panya pilyaminyi dokona mee bange anatuŋu lao lakandenge dupwa lakandaramilyamo.

Josua 24:20

Dee mende nakamame Anatu yaki nyepala rara wakalena kyambo anatu lenge dupwana yulu pyakamyuo kararami ramo Anatu baame nakamana yanda pimwai ingyuo randa joo pira. Wamba baame nakama keta elyape ingyuo pisiyamopape epapu baame nakama pyao kokwa sera, leya.

Orepalaisane 9:20

Randa maiyuo piyaminyipape wambu lapo pyarepala peyamo dupwa rangena kingimi wasiyami dupwana paka paa nayami. Nakamame imambu koope dee bange golo dee kana kulingi kone kana pingi mee kanape dee isame wasisi lenge rao kando, pii soo kata papi nao pingi dupwa kando, kingi lao karalu kareyami.