Jeremaya 1:1 - Anatunya Buku Baepole Ole Testamene Pii Lapo dee Nuu Tesamene

¹ Pii dapwa akali Jeremaya Ilikayana ikinyingi doko pii leyamo dupwa palamo. Ilikaya baa yuu taone Anatote lenge akali Benjamena yuu lili dokona purisi yulu pyuo karenge.

Jeremaya 1:1 Iomraidhean Croise

Esera 1:1

Ee kana mupwa dokopa Kiŋi Sairose baa yuu Pesa dokona kiŋi ingyuo kareyamo dokopa Kamongo dokome Sairosena monarename pyongo pyao lamaiyamopa baame lowa lapo lao wasapala pyao palyapala yuu muu baame rapu piyamo dusipana maiyuo kapa piya. Doo piyamo doko wamba Kamongo Anatumi poropeta Jeremaya keta lamaiyamo pii dupwa angi kinyi ingyuo peya.

Aisaya 1:1

Buku dakeme Juta wambu Jerusaleme paleyami dupwana lao kiŋi Usaya Jotame Easa Esekaya kiŋi yulu pyuo kareyami dokopa Anatumi poropeta Aisaya Emosena ikinyingi keta epo leyamo dokona lasi silyamo.

Aisaya 2:1

Pii dake Anatumi Juta wambu Jerusaleme paleyami dupwana lao Aisaya Emose ikinyingi doko lamaiya.

Jeremaya 37:12

Dokopa namba yuu Jerusaleme piso yaki nyuo Benjamenena yuu dokona nambana ree palunya yuu dokona namba kararo panda dokona lama nyela peyo.

Isikiolo 1:3

Yuu Bapilone dokona ipwa Sepa nemba nemba namba Kamongome pii langiyamo siyunu dokopa banya porai renge doko namba keta ipuyamo soo kareyo.

Daniele 9:2

Ee kana mupwa dokona akali baa kiŋi ingyuo kareyamo dokopa namba Danieleme buku poo pyasi dokona mana nyuo kareyo. Doko ee kana akalisa yanda ipingi dusipana yuu Jerusaleme doko kwaeyo momo nao paraŋa lao poropeta Jeremaya lamaiyamuli pyuo mana nyiyu.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

Emosa 7:10

Yuu Betele range purisi akali Amasaya dokome Isaraele wambunya kiŋi Jeropome renge lapo paleyamo dupwa dopa pilyamoŋo lao lamaiyala pena lao wai nembeya. Emosa baame Isaraele wambu dupwa pipya embamoo yanda pimwai inginya lao dupwa kunji kunji pilyamo. Embame baa yuu dakena karena lao kaeyare ramo dokopa banya pii dokome yuu dake minyuo kwaeyaralyamo.

Matyu 16:14

Dokopa nakamame lao, Lapome emba Jone bapitisimo nyakamaingi akali doko, lami. Lapome Ilainja lenge, lapome Jeremaya, panda akali Anatunya poropeta akali ingyuo karene lenge, leyami.

Matyu 2:17

Doko Anatunya poropeta akali Jeremaya dokome pii mende leya doko leyamuli pyuo pyaka siya. Baa dopa leya.

Matyu 27:9

Dopa piyami doko Anatunya poropeta akali Jeremaya lenge dokona leyamo pii doko pyaka siya. Baa dopa leya. Isaraele akali lapome akali mende kana dusipame ropo pyao nyerami leya. Kana dusipako nyiyami.