Firimooni 1:7 - Iimuuma Iinyaaya

⁷ Mukiriisitu weejaasu, obhwendi bhwawo bhunjomisiishe na okunsimbiisha muno, kwa okubha usaasamuuye emitima gya Abhakiriisitu.

Firimooni 1:7 Iomraidhean Croise

1 Abhakorinto 16:18

kwa okubha bhasambaarusiishe omutima gwani, na egyemwe. Woori, mumenye kujomu abhaanu rwa bhayo.

2 Abhakorinto 7:13

Ku-riyo mukikomeesiishe. Na okukira okukomeesibhwa kuyo, ꞉kyajomeeywe muno bhunu ꞉kyarorere Tiito ajomeeywe, kwa okubha emwe bhoone kutyo ꞉mwariga musambaarusiishe omutima gwaye.

2 Abhakorinto 7:4

Enitura okwaika na emwe niri na riibhaasi muno, na eniikumangya muno ku-nsonga yeemwe. Muuwooyeresiishe muno na munkorere nijomerwe muno, raabhé kutyo ekinyanka muno.

1 Abhateesaroonike 1:3

Eswe kyone bhunu ekibha nkibhasabhira ku-Raata Nyamuwanga ekiyiita emirimu gyemwe ginu omukora okuriingʼaana na obhwikirisha bhwemwe. Ekiyiita ekituunyo kyemwe kinu ekyeresha obhwendi bhwemwe ku-bhandi, na okurindirira kwemwe ku-bhwisige bhunu muri nabhwo ku-Raatabhugenyi Yeesu Kiriisitu.

1 Abhateesaroonike 2:13

Ku-nsonga iyo eswe kyone ekikumya Nyamuwanga kiyana, kwa okubha bhunu ꞉mwoonguuywe Riingʼana rya Nyamuwanga okusooka kw-iswe, ꞉mutaariramiiye muna engʼana rya bhaanu, tari muna engʼana rinu erisooka ku-Nyamuwanga, kimari nikwo kutyo gari. Riingʼana riyo niryo erikora emirimu mu-mitima gyemwe, emwe bhanu mwikirisiishe.

1 Abhateesaroonike 2:19

Ni emwe omukora nkibha na obhwisige ku-Raatabhugenyi Yeesu bhunu ariija. Ni emwe omukora nkijomerwa. Okugenderera kwemwe okwikirisha Raatabhugenyi, okukora nkiirora ati, ꞉kitaakoreeye bhusa.

1 Abhateesaroonike 3:9

Woori ni nkumyoki ginu ekitura okuriya Nyamuwanga, ku-nsonga ya obhwikirisha bhwemwe, na ku-bhujomerwa obhunene bhunu kiri nabhwo ku-nsonga yeemwe mu-meeso ga Nyamuwanga?

2 Timoteeyo 1:16

Enisabha Raatabhugenyi Yeesu afwire ekigongo abhayiiri Nesifworo, kwa okubha Nesifworo akaafu niwe ꞉aariga ˆnaawooyeresha, na atanyiiswaririraga bhunu ꞉naariga niigariiywe.

Firimooni 1:20

Woori, Mukiriisitu weejaasu, nunkorere riingʼana riyo ku-nsonga ya riisiina rya Raatabhugenyi. Nunkorere kutyo, usambaarushe omutima gwani.

2 Yowana 1:4

꞉Neejire naarora abhaana bhaawo abhandi kutyo bhagwatiriiye ekimari kinu Raata Nyamuwanga ꞉aakiragiriiye, ꞉naajomeeywe muno.