Firimooni 1:6 - Iimuuma Iinyaaya

⁶ Enikusabhira ku-Nyamuwanga ati obhwikirisha bhunu wuyimbeene amwi na eswe, bhukore uture okumenya kujomu giinonkwe ginu kiri nagyo ku-bhugwatani bhweswe na Kiriisitu.

Firimooni 1:6 Iomraidhean Croise

Mataayo 25:16

“Omugaya unu ꞉aayaaywe taranta etaanu, ayoayo ˆnaagenda ku-bhusuruja ˆnaagiibhusha, ˆnaanyoora taranta egindi etaanu.

Mataayo 5:16

Nikwo kutyo eyeendwa obhweru bhwemwe bhumirikire abhaanu, insonga bhagungye Esomwana unu ari mu-rwire, bhakarora ebhikorwa bhyemwe ebhijomu.”

1 Abhakorinto 14:25

Na ganu geeyibhisire mu-mutima gwaye, agabha ku-bhweru, niwe omuunu uyo ˆneefumbika ansi, ˆnaaramya Nyamuwanga ˆnaaika ati, “Kimari Nyamuwanga ari agati weemwe!”

1 Abhakorinto 16:9

Enikora kutyo, kwa okubha Nyamuwanga aanyiiguriiye njira nene eya okukora emirimu mu-musi gunu, na bhariwo abhaanu bhaafu bhanu abharema emirimu giyo.

Abhafiripi 4:8

Mmbe, Bhakiriisitu bheejaasu, amangʼana goonegoone aga ekimari, goonegoone aga ekibharo, goonegoone aga obhurengeresi, goonegoone amajomu, goonegoone ganu ageendwa na abhaanu, goonegoone ganu abhaanu abhakumangya, na bhukabha-wo obhujomu bhwa omutima bhwonebhwone, amwi ati ntungwa njomu yooneyoone, gayo nigo mwiganiirishega.

Abhakorosaayi 1:9

Ku-nsonga iyo, ekibhasabhira kiyana, okwambira orusuku runu ꞉kyoonguuywe amangʼana geemwe. Ekisaasaama ku-Nyamuwanga abhayaane obhumenyi bhwone kutyo ku-ganu omwene keenda. Abhayaane obhwenge bhwone kutyo na obhumenyi bhunu obhusooka ku-Mwoyo Omutaakatiifu.

Abhakorosaayi 3:10

woori mufwaye obhurame obhuyaaya. Nyamuwanga omwene niwe ꞉aabhumbire obhurame bhuyo, kaagenderera okubhuroosha kw-imwe insonga mususane muno nawe, na mumumenye kujomu.

Tiito 3:14

Wiiyigishe na Abhakiriisitu bheejaasu bhoone, bhakomeere okukora amajomu, insonga bhature okusakira abha obhukene obhunene. Bhaakakora kutyo, bhurame bhwebhwe bhutakutura okubha bhwa bhusa.

Abhaebhuraaniya 6:10

Nyamuwanga ni murengeresi, atakutura okurabhirwa ebhikorwa ebhijomu bhinu mwakorere na obhwendi bhunu ꞉mweeresiishe ku-nsonga yaaye, okuturira ku-bhusakisi bhwemwe obhwa okwamba ku-Bhakiriisitu bheejaanyu, na woori mukyagenderera.

Yakobho 2:14

Bhakiriisitu bheejaasu, ari na bhweraki omuunu unu kaaika ati ari na obhwikirisha enu ataabha na bhikorwa bhijomu? Angu obhwikirisha bhuyo obhutura okumwerusha?

Yakobho 2:17

Nikwo kutyo, mukabha na obhwikirisha, mutaabha na bhikorwa, obhwikirisha bhuyo obhubha bhufuuye obhwene.

1 Peetero 2:12

Mubhe na ntungwa njomu agati wa bhanu abharema Nyamuwanga, insonga raabhe bhakabhakuurisha ati omukora amabhiibhi, bharore ebhikorwa bhyemwe ebhijomu bhagungye Nyamuwanga orusuku runu ariija.

1 Peetero 3:1

Nikwo kutyo, na abhagasi abhagabhurwa emwe mwone, muungwe abharume bheemwe. Insonga raabhe bhakabha-wo abharume bhanu bhatakwikirisha iingʼana ya Nyamuwanga, bhakaringira gintungwa gya abhagasi bheebhwe, bhafutwe na akatungiiye keebhwe, bheekirishe bhakyari na kubhwirwa engʼana.

1 Peetero 3:16

Mwere emitima gyemwe, kwa okubha muri bheeyigira bha Yeesu Kiriisitu, insonga bhanu abhabhakuurisha amabhiibhi, gintungwa gyemwe ginjomu gikore bheesware.

2 Peetero 1:8

Raabhe gintungwa giyo gyone kutyo gikabha nyafu gigendeeye-ko kw-imwe, egibhasakira musige okubha bharenga, na bhaanu bhanu mutakukora ganu Nyamuwanga keenda, mu-kumenya kwemwe Raatabhugenyi weeswe Yeesu Kiriisitu.