Firimooni 1:10 - Iimuuma Iinyaaya

¹⁰ Enikusabha waabhire Wonesimo. Wonesimo ari rwa omwana waani, akabhaga kanu nibhoyerwe mu-jeera, ꞉naamubhwiriiye Amangʼana Amajomu aga Yeesu, ˆneekirisha.

Firimooni 1:10 Iomraidhean Croise

Maariko 9:17

Omuunu owumwi mw-isangi rya abhaanu ˆnaasubhya ati, “Mwiyigisha, naareeta omwana waani ku-awe, awungirwe ekiwi, kimuyaaye obhujibhi.

Abharuumi 12:1

Woori Bhakiriisitu bheejaasu, mumenyere kutyo Nyamuwanga kaakifwira ekigongo. Mmbe, enibheesaasaama ati, mwisooshe emwe abheene ku-Nyamuwanga. Mubhe rwa ebhimweso bhinu ebhirora, ebhitaakatiifu, bhinu ebhijomisha Nyamuwanga. Kiyo nikyo ekiramyo kinu kiri na obhwera ku-Nyamuwanga.

1 Abhakorinto 4:14

Nitakubhakaamira amangʼana gayo insonga nibhaswashe, tari eneenda okubhagonya rwa abhaana bhaani abheende,

1 Abhakorinto 4:15

kwa okubha raabhé kutyo muri na bheeyigisha bhaafu bhanu abhabheeyigisha iiguru ya Kiriisitu Yeesu, nawe mutari na bheesomwana bhaafu. Ni anye ꞉naabheebhuuye mu-bhwikirisha, okuturira ku-kuraasha Amangʼana Amajomu kw-imwe.

Abhagaraatiya 4:19

Bhaana bhaani, enibhoongwira obhururu kweki rwa omugasi unu kaarumwa obhusungu, okuyikira anu gintungwa gya Kiriisitu giribha mw-imwe.

Abhakorosaayi 4:9

Ariija na Wonesimo, Omukiriisitu weejaasu omwende, woone ni muunu mwitongeeye, Wonesimo unu ni muunu wa ewaanyu eyo. Bhariija, bharibhabhwira amangʼana goone kutyo ganu agakoreka enu.

1 Timoteeyo 1:2

Enikukaamira awe Timoteeyo, omwana waaniwaani unu ꞉neebhuuye mu-kuraasha kwani. Iinema, ekigongo, na omurembe okusooka ku-Raata Nyamuwanga na ku-Kiriisitu Yeesu Raatabhugenyi weeswe bhibhe amwi na awe.

Tiito 1:4

Enikukaamira awe Tiito, omwana waani owa ekimari ku-bhwikirisha bhunu kigwateene amwi. Iinema na omurembe okusooka ku-Raata Nyamuwanga na ku-Kiriisitu Yeesu Omwerusi weeswe, gibhe amwi na awe.

Firimooni 1:11

Kara eyo, gintungwa gyaye ꞉gitaakujomeraga. Tari woori gintungwa gyaye ni njomu awe woone egiija okukujomera.

Firimooni 1:13

Anye omwene naaneendere niikare nawe anu, insonga aansakirega ganu awe ukansakiiye, mu-kabhaga kanu nikyabhoyerwe mu-jeera ku-nsonga ya okuraasha Amangʼana Amajomu.

3 Yowana 1:4

Kitariwo ekiinu kinu ekinjomisha okukira okuungwa ati abhaana bhaani mu-bhwikirisha abhagenderera okwikara mu-kimari.