Biblia Todo Logo
Bìoball air-loidhne

- Sanasan -




Abhagaraatiya 6:3 - Iimuuma Iinyaaya

3 Omuunu woonewoone unu keerora ati kaakira abheejaabho, enu itari kutyo, keejimya era.

Faic an caibideil Dèan lethbhreac




Abhagaraatiya 6:3
17 Iomraidhean Croise  

Omufarisaayo uyo ˆnaayambaara, ˆnaasaasaama ku-Nyamuwanga, ˆnaamubhwiraga amangʼana gaaye omwene ˆnaaika ati, ‘Ee Nyamuwanga, enikukumya, kwa okubha anye nitari mukayi rwa abhaanu abhandi. Abhaanu abhandi ni bhawubhaaru, abhandi mbangʼeeni, na abhandi ni bhataasi bha meega. Na, anye nitari rwa omutobhesha wa riigooti unu!


Omuyiita nsiku gitari nyafu, ꞉aabheeye-wo omuunu wumwi, riisiina ryaye Tewuda. Tewuda uyo ꞉aariga ˆneeyaana ati ni muunu mukuru, na abhaanu magana gana kutya mbaseetana nawe. Nawe ku-bhuteero, ˆneetwa, na abhaanu bhanu ꞉bhaariga mbamuseeta mbanyaragana bhoone kutyo mbawa-wo. Na amangʼana geebhwe goone kutyo ngabhurwa obhwera.


Mwikare muri na omugambirano gumwi. Musige okwiyeema, tari muyimbane na abhaanu bhanu bhatari na kiinu. Na mwasiga okwirora ati ni emwe muri na obhwenge okukira abhandi.


Kiriisitu anaaye iinema nibhe mutumwa waaye. Mmbe, enibhabhwira wumwiwumwi ati, mwasiga kwenda mangʼana manene okukira kutyo muri, tari mwiyiinye. Omuunu wumwiwumwi ayaaywe na Nyamuwanga indengo yaaye eya obhwikirisha.


Kweki, raabhé nikabheeye na ekiyaanwa kya okusoosha obhuragi, nimenyere gimbisike gyone kutyo, niri na obhwenge bhwone kutyo, raabhé nikabheeye na obhwikirisha bhunene bhunu obhutura okwiya ebhiima nimbisira ayandi, nawe raabhe nitakwenda abhandi, nitari kiinu.


Omuunu woonewoone aasiga okwijimya omwene. Omuunu agati weemwe unu keerora ati ni mwenge mu-kyaro kinu, ˆnaabhe mutengʼo, insonga anyoore obhwenge bhwa ekimari.


Omuunu akeerora ati amenyere riingʼana riirebhe, uyo atakumenya engʼana ryoneryone, rwa kutyo eyeendwa amenye.


Enaaika rwa omutengʼo, nawe ni emwe omukora naaike kutyo. Emwe ꞉mwariga mwendwa munkumangye. Raabhé kutyo abhandi omundora ati, niteesire, anye nitari mutumwa mutooto okukira bhanu abhabhirikirwa ati abhatumwa abhakuru.


Itari ati eswe ekiiganiirisha ati ekitura okukora kyonekyone ku-bhuturo bhweswe abheene, tari obhuturo bhweswe obhusooka ku-Nyamuwanga.


Nawe abhatangasha bha riikanisa bhayo, bhanu ꞉bhaariga bhari na ekibharo muno mu-bhaanu, ꞉bhaariga bhatari na engʼana rindi ryoneryone eyaaya erya okumbwira. Ni kimari ꞉bhaariga mbayaanwa ekibharo muno, nawe anye riyo ritakunsaasa, kwa okubha Nyamuwanga atakwigana ekibharo kya muunu.


Mmbe bhunu abhatangasha abhakuru, Yakobho, Keefa na Yowana, ꞉bhaamarire okumenya ati Nyamuwanga niwe ꞉aanaaye emirimu ginu okuturira ku-nema yaaye, mbakigwata amabhoko anye na Bharinaabha okweresha obhuyimbani bhwebhwe kw-iswe. Nkiikirishaanya ati eswe kigende okukora emirimu ku-bhaanu bhanu bhatari Bhayawudi, abheene bhakore emirimu ku-Bhayawudi.


Nawe abhakayi na abhabheeyi bharigenderera okubha bhakayi mbajimyaga bhoone mbajimibhwa.


Nawe emwe mubhe mukora kutyo Nyamuwanga keenda, mwasiga okubha bhaanu bha kwitegeeresha Amangʼana gaaye era. Mukabha bha kwitegeeresha mangʼana era enu mutaakora kutyo keenda, omubha mwijimya emwe abheene.


Raabhe omuunu akeerora ati ari na iidiini, enu ataatura okuyinga rurimi rwaye okwaika amabhiibhi, keejimya omwene. Na iidiini yaaye ni ya bhusa.


Raabhe kikaaika ati eswe kitari na ebhikayo bhyonebhyone, ekiijimya abheene, na ekimari kitari mw-iswe.


Lean sinn:

Sanasan


Sanasan