Abhagaraatiya 5:4 - Iimuuma Iinyaaya

⁴ Raabhe omwenda mubharwe ati muri bharengeresi ku-Nyamuwanga okuturira ku-bhugwati bhwa ebhiraagiro bhya Musa, mumenye ati mwiyawuuye ku-Kiriisitu, na muri areera na iinema ya Nyamuwanga.

Abhagaraatiya 5:4 Iomraidhean Croise

Abharuumi 11:6

Mmbe raabhe ni kuturira ku-nema, itakubha kuturira ku-bhikorwa bhyebhwe kweki. Raabhe abhaanu bhakeerusiibhwe okuturira ku-bhikorwa bhyebhwe, iinema itaakabheeye nema kweki.

Abharuumi 3:20

Atariwo muunu woonewoone unu aribharirwa obhurengeresi na Nyamuwanga ku-bhugwati bhwaye obhwa ebhiraagiro. Emirimu gya ebhiraagiro bhiyo, ni kweresha ati abhaanu bhoone kutyo ni bhakosi bha bhikayo.

Abhagaraatiya 2:21

Nitakurema iinema ya Nyamuwanga, raabhe kimari Nyamuwanga kaabharira omuunu obhurengeresi okuturira ku-kugwata ebhiraagiro bhya Musa, mmbe, Kiriisitu ꞉aafuuye bhusa!

Abhagaraatiya 5:2

Mwitegeereshe kinu anye Pawuro enibhabhwira! Raabhe omwikirisha okusaarwa, ku-nsonga ya okugwata ebhiraagiro bhya Musa, ayo insonga ya emwe okubha na Kiriisitu itariwo.

Abhaebhuraaniya 12:15

Mwiyangarire, insonga omuunu woonewoone aasiga kubhusha iinema ya Nyamuwanga, riisina rya obhururu ryasiga okufuuka agati weemwe, ndibhanyansha, ndinaabhiyasha abhaanu bhaafu.

Abhaebhuraaniya 4:1

Mmbe, Nyamuwanga ꞉aaragire abhaanu okwingira mu-rumuunyo rwaye, na ikyari kutyo. Mmbe woori, ekyendwa kiiyangarire, insonga aasiga okubha-wo omuunu woonewoone agati weemwe unu aritaamibhwa okwingira.

Obhusomboorerwa 2:5

Muyiite ganu ꞉mwakoraga bhunu ꞉mwaambire okunyiikirisha. Mukamara, munuge ebhikayo bhyemwe, mukore ganu ꞉mwakoraga ku-bhwambiro. Mukarema okunuga ebhikayo, enibhaaja-ko nimbateesha ebhiinu bhyemwe ebhya okwikasha-ko gintara.