Abhagaraatiya 5:2 - Iimuuma Iinyaaya

² Mwitegeereshe kinu anye Pawuro enibhabhwira! Raabhe omwikirisha okusaarwa, ku-nsonga ya okugwata ebhiraagiro bhya Musa, ayo insonga ya emwe okubha na Kiriisitu itariwo.

Abhagaraatiya 5:2 Iomraidhean Croise

Ebhikorwa bhya Abhatumwa 15:1

Mmbe, abhaanu abhandi mbasooka Ebhuyawudi, mbooromokera mu-musi gwa Antiyokiya ayo. Kimwi mbaamba okwiyigisha Abhakiriisitu mbaaikaga ati, “Emwe! Raabhe mutasaarirwe era, okuriingʼaana na gintungwa ginu Musa ꞉aakisigiiye, mutakutura okwerusibhwa.”

Ebhikorwa bhya Abhatumwa 15:24

Kyunguuywe ati abhaanu ꞉bhaasookere kw-iswe enu, mbaaja okubhanyansha eyo na amangʼana geebhwe enu mbayabhyaga emyoyo gyemwe. Eswe ꞉kitaabhatumire.

Ebhikorwa bhya Abhatumwa 15:5

Niwe abhaanu abhandi abha iidiini ya Abhafarisaayo bhanu ꞉bhaariga bheekirisiishe Yeesu, mbayambaara mbaaika ati, “Bhoone kutyo bhanu bhatari Bhayawudi, woori kibhasiige bhoone bhasaarwe, na bheeyigisibhwe okugwata ebhiraagiro bhya Musa bhyone kutyo.”

1 Abhakorinto 16:21

Anye Pawuro enikaama obhukeesha bhunu na okubhoko kwani omwene.

2 Abhakorinto 10:1

Mmbe, anye Pawuro enibheesaasaama omwene niituuye emwaro, na obhufura bhwa Kiriisitu. Abhaanu abhandi abhaaika ati anye niri na riibhaasi nikabha nimbakaamira niri areera, na enibha muubha okwaika, nikabha niri amwi na emwe.

Abhagaraatiya 5:11

Bhakiriisitu bheejaasu, raabhe eniraasha ati abhaanu bhasaarwe, kubhaki woori Abhayawudi abhanyansha? Nikabheeye nindaasha abhaanu okusaarwa, okuraasha kwani iiguru ya amangʼana ga okufwa Yeesu ku-musarabha, kutaakakorere Abhayawudi bhambiyirirwe.

Abhagaraatiya 5:6

Enaaika kutyo, kwa okubha kikabha kiyimbeene na Kiriisitu Yeesu, okusaarwa na okusiga okusaarwa kutakusakira kyonekyone kw-iswe. Kinu ekyendwa ni obhwikirisha bhweswe bhunu obhurorerwa mu-kwenda kweswe abhaanu abhandi.

1 Abhateesaroonike 2:18

Ku-nsonga iyo, ꞉kyeendaga kiije kw-imwe. Yee bha, anye Pawuro ꞉naariga niikena muno okuuja eyo kiyana, nawe Sitaani ˆnaakiyinga.

Firimooni 1:19

Ni anye omwene Pawuro, enikaama na okubhoko kwani, nirikuriya. Nitakwenda okukuyiitya ati enikutonga, nawe waasiga okurabhirwa ati awe woone ꞉woonguuywe Amangʼana Amajomu okuturira mu-kuraasha kwani.

Firimooni 1:9

Enirora ati ni kujomu muno nikusabhe, kwa okubha nimenyere ati unyendere, na Abhakiriisitu bheejaasu bhoone ubheendere. Anye Pawuro omukaruka, na woori kutya nibhoyerwe ku-nsonga ya Kiriisitu Yeesu.

Abhaebhuraaniya 4:2

Ni kimari ati, eswe kiraasisiibhwe Amangʼana Amajomu gayo, rwa kutyo bhaajaaji bhoone ꞉bhaaraasisiibhwe. Nawe amangʼana gayo ꞉gataabhasakiiye kyonekyone, kwa okubha ꞉bhoonguuywe, nawe bhanu ꞉bhoonguuywe ꞉bhaariga bhatari na obhwikirisha mu-mitima gyebhwe.