Abhagaraatiya 4:6 - Iimuuma Iinyaaya

⁶ Na kwa okubha woori kiri bhaana bha Nyamuwanga, Nyamuwanga ꞉aatumire Mwoyo Omutaakatiifu wa omwana waaye mu-mitima gyeswe. Mwoyo uyo niwe kaakora nkyamurira Nyamuwanga obhuraka nkimubhirikiraga ati, “Abha,” insonga yeende-ko, “Raata.”

Abhagaraatiya 4:6 Iomraidhean Croise

Maariko 14:36

ˆNaaika ati, “Abha,” insonga yeende-ko, Raata, “Amangʼana goone kutyo agaturikana ku-awe. Enikusabha usige okuntusha ku-bhinyansho bhiyo. Nawe itari kutyo anye eneenda, tari ukore kutyo awe omwene oweenda.”

Ruuka 11:13

Mmbe ikabha ati, emwe abhakayi mwone mumenyere okuyaana abhaana bheemwe emisanga emijomu, angu, Esomwana unu ari mu-rwire atakutura okuyaana Mwoyo Omutaakatiifu bhanu abhamusabha?”

Ruuka 11:2

Yeesu ˆnaabhabhwira ati, “Mukeenda okusaasaama Nyamuwanga, mwaikega kutya, ‘Raata [unu uri mu-rwire], riisiina ryawo rigungibhwe. Na obhukama bhwawo bhuuje. [Ganu oweenda, gakuumishwe mu-kyaro anu, rwa kutyo agakuumira mu-rwire.]

Yowana 14:16

Anye noone eniija okusabha Raata, omwene woone kaaja okubhayaana Omusakisi owundi, insonga Omusakisi uyo eekare na emwe kajaanende.

Yowana 15:26

“Nawe bhunu Omusakisi unu niribhareetera okusooka ku-Raata, Mwoyo Omutaakatiifu owa ekimari, unu kaasooka ku-Raata, omwene aribhabhwira ekimari kyani.

Yowana 16:7

“Nawe enibhabhwira ekimari ati, eyibha kujomu kw-imwe ati, anye enigenda ku-Raata. Kwa okubha anye nikasiga okugenda, Omusakisi uyo atakutura okuuja kw-imwe. Nawe nikagenda, eniija okumutuma kw-imwe.

Yowana 3:34

kwa okubha Nyamuwanga ꞉aatumire Yeesu insonga aaike amangʼana gaaye. Nyamuwanga amuyaaye Mwoyo Omutaakatiifu atari na dengo.

Yowana 7:39

Yeesu ꞉aariga ˆnaaikira Mwoyo Omutaakatiifu, unu abhaanu bhanu abhamwikirisha bhariyaanwa. Mu-kabhaga kayo, Nyamuwanga ꞉aariga akyari okutuma Mwoyo waaye okubhaaja-ko, kwa okubha Yeesu ꞉aariga akyari okugungibhwa.

Ebhikorwa bhya Abhatumwa 16:7

Bhunu ꞉bhaayikire ayeeyi na obhuteero bhwa ekyaro kya Miisiya, mbasaka okwingira mu-kyaro kya Bhituuniya, nawe Mwoyo Omutaakatiifu wa Yeesu ˆnaabhagaanya.

Abharuumi 5:5

Obhwisige bhuyo bhutakutura okukiswasha, kwa okubha Nyamuwanga akisukiiye obhwendi bhwaye mu-mitima gyeswe, okuturira Mwoyo Omutaakatiifu waaye unu akiyaaye.

Abharuumi 8:9

Nawe emwe woori, mutakutangasibhwa na obhusimukwa bhwemwe obhwa ebhikayo, tari omutangasibhwa na Mwoyo wa Nyamuwanga, kwa okubha eekaaye mw-imwe. Omuunu woonewoone unu atari na Mwoyo wa Kiriisitu, uyo atayimbeene na Kiriisitu.

1 Abhakorinto 15:45

Ikaamirwe mu-Makaamo Amataakatiifu ati, “Omuunu wa okwamba, Adaamu, ꞉aabhumbirwe ˆnaabha muunu, ˆneesha omwoyo,” nawe Adaamu omusingirisi, Kiriisitu, niwe Mwoyo unu kaayaana abhaanu obhurame.

2 Abhakorinto 1:22

ˆnaakituura-ko orubhano rwaye, ˆnaakiyaana Mwoyo Omutaakatiifu mu-mitima gyeswe, insonga abhe ingomboro ya amangʼana goone kutyo ganu Nyamuwanga arikiyaana.

2 Abhakorinto 3:17

Mmbe, Raatabhugenyi niwe Mwoyo wa Nyamuwanga, na anu Mwoyo wa Raatabhugenyi ari, ayo niwe obhwiyagaaro bhuri.

Abhaefeso 1:13

Emwe mwone bhanu mutari Bhayawudi, ꞉mwabheeye Bhakiriisitu, bhunu ꞉mwoonguuywe riingʼana rya ekimari, Amangʼana Amajomu iiguru ya obhwerusibhwa bhwemwe. Na mwamarire okwikirisha Yeesu, mutuurirwa-ko orubhano na Mwoyo Omutaakatiifu unu Nyamuwanga ꞉aabharagire.

Abhaefeso 2:18

Woori, okuturira ku-Yeesu Kiriisitu, Mwoyo Omutaakatiifu kaakifugesha bhoone kutyo ayeeyi ku-Nyamuwanga, Abhayawudi na bhanu bhatari Bhayawudi.

Abhaefeso 4:30

Mwasiga okusurumbasha Mwoyo Omutaakatiifu wa Nyamuwanga, kwa okubha uyo niwe orubhano rwa Nyamuwanga kw-imwe, okuyikira ku-rusuku rwa okutuuribhwa.

Abhaefeso 6:18

Kutyo omugenderera okukora gayo, mugenderere na okusaasaama kiyana ku-Nyamuwanga, mumusabhaga na ganu omwenda abhasakire, okuriingʼaana na kutyo Mwoyo Omutaakatiifu kaabhatangasha okusabha. Mutuure gayo mu-mitima gyemwe mwiyangariiye, na nsiku gyone kutyo musabhirega Abhakiriisitu bhoone kutyo.

Abhafiripi 1:19

Nimenyere ati eniija okwerusibhwa ku-goone kutyo ganu ꞉gaanyoorere, kwa okubha omunsabhira ku-Nyamuwanga, na Mwoyo Omutaakatiifu wa Yeesu Kiriisitu kaansakira.

1 Abhateesaroonike 4:8

Mmbe, omuunu woonewoone unu kaarema ameeyigisho ganu, atakurema muunu, tari kaarema Nyamuwanga, unu kaabhayaana emwe Mwoyo Omutaakatiifu waaye.

1 Peetero 1:11

kwa okubha Mwoyo Omutaakatiifu wa Yeesu Kiriisitu ꞉aariga ari mu-mitima gyebhwe, ˆnaaragaga ati Yeesu arinyanka, na okumara iinyanko iyo arinyoora obhugungyo. Mmbe, abharagi bhayo ꞉bhaagaaye muno bhamenye ati amangʼana gayo garibha-wo rusukuki na garibha ku-bhaaga.

Yuuda 1:20

Nawe emwe, abheendwa bhaani, mwigumiirishe ku-bhwikirisha bhwemwe. Obhwikirisha bhuyo, obhusooka ku-Nyamuwanga, na kutyo Mwoyo Omutaakatiifu kaabhatangasha okusaasaama nikwo kutyo musaasaamega.

Obhusomboorerwa 19:10

Niwe ningwa bhwifumbike mu-meeso ga maraayika uyo, insonga nimuramye. Nawe weeki ˆnaambwira ati, “Siga kukora kutyo! Anye woone niri mujuuma rwa awe, na Abhakiriisitu bheejaanyu bhanu abhabhwira abhaanu abhandi amangʼana ga Yeesu. Muramye Nyamuwanga! Kwa okubha okubhwira abhaanu amangʼana ga Yeesu, nibhwo obhusimukwa bhwa omwoyo gwa obhuragi.”