Abhagaraatiya 4:5 - Iimuuma Iinyaaya

⁵ ꞉Aabheeye mugwati wa ebhiraagiro bhya Musa, insonga atuurye, bhanu ꞉bhaariga bhari bhagwati bha ebhiraagiro bhiyo. ꞉Aakorere kutyo, insonga kiramirwe na Nyamuwanga kibhe bhaana bhaaye.

Abhagaraatiya 4:5 Iomraidhean Croise

Mataayo 20:28

Rwa kutyo Omwana wa Adaamu woone, ꞉ateejire okukorerwa emirimu, tari ꞉eejire okukorera abhaanu, na okusoosha obhurame bhwaye, insonga agombore abhaanu bhaafu.”

Ruuka 1:68

“Agungibhwe Raatabhugenyi Nyamuwanga wa Ijirayeeri! Kwa okubha aaja okutaarira abhaanu bhaaye na okubhatuurya.

Yowana 1:12

Tari, abhaanu bhoone kutyo bhanu ꞉bhaamuramiiye, ꞉aabhayaaye obhuturo bhwa okubha bhaana bha Nyamuwanga. Bhayo ni bhanu bheekirisiishe riisiina ryaye.

Ebhikorwa bhya Abhatumwa 20:28

Mmbe, mwiyangarire emwe abheene, mwangarire na abheejaanyu bhoone kutyo, bhanu Mwoyo Omutaakatiifu abhatuuye-ko emwe mubhe bhaangarisi mu-bheene. Murere kujomu riikanisa rya Nyamuwanga, kwa okubha Nyamuwanga ꞉aarigurire okuturira ku-maanyinga gaaye omwene.

Abharuumi 10:4

Kiriisitu niwe obhukuumisho bhwa ebhiraagiro bhya Musa, insonga abhaanu bhoone kutyo bhanu abhamwikirisha, bhabharirwe obhurengeresi mu-meeso ga Nyamuwanga.

Abharuumi 8:14

Bhoone kutyo bhanu abhatangasibhwa na Mwoyo wa Nyamuwanga, bhayo nibho abhaana bha Nyamuwanga.

Abharuumi 8:15

Nyamuwanga ꞉ataabhayaaye Mwoyo Omutaakatiifu insonga mubhe kweki bhagaya na okubhakora muubhaye, tari ꞉aabhayaaye Mwoyo Omutaakatiifu insonga mubhe bhaana bhaaye. Mwoyo uyo niwe kaakisakira kikabha nkimwaya nkibhirikira Nyamuwanga ati, “Abha,” insonga yeende-ko, “Raata!”

Abharuumi 8:19

Ebhiinu bhyone kutyo bhinu ꞉bhyabhumbirwe, ebhirindirira muno akabhaga kanu Nyamuwanga arituura abhweru abhaana bhaaye.

Abharuumi 8:23

Na bhitari bhiinu bhiyo era bhinu ebhyungwa obhururu, tari eswe bhanu kiyaaywe Mwoyo Omutaakatiifu insonga kirabhe obhujomu bhunu kiriyaanwa, kyone ekyungwa obhururu mu-mitima gyeswe. Ekyungwa obhururu, kwa okubha ekirindirira muno akabhaga kanu Nyamuwanga arikikuumisha okubha bhaana bhaaye. Ayo niwe emibhiri gyeswe girigomborwa okusooka mu-bhunyamuke bhwone kutyo ngibha miyaaya.

Abharuumi 9:4

Bhayo enaaikira ni Bhaijirayeeri, abhaanu bhanu Nyamuwanga ꞉aasorere bhabhe bhaanu bhaaye, ꞉aabheeresiishe obhugungyo bhwaye, ˆnaarya nabho iimuuma. ꞉Aabhayaaye ebhiraagiro bhyaye na injira injomu eya okumuramya, ˆnaabharaga na kutyo kaaja okubhasakira.

Abhagaraatiya 3:13

Kiriisitu ꞉aakituuriishe okusooka mu-kiyiimo kya ebhiraagiro bhya Musa, kwa okubha ꞉aakorerwe mwiyiime ku-nsonga yeeswe. Amakaamo Amataakatiifu agaaika ati, “Woonewoone unu kaasungwa ku-musarabha, eeyiimirwe.”

Abhagaraatiya 3:26

Woori, okuturira obhwikirisha bhwemwe ku-Kiriisitu Yeesu emwe mwone kutyo muri bhaana bha Nyamuwanga.

Abhagaraatiya 4:21

Woori mumbwire, emwe bhanu omwenda okubha bhagaya bha ebhiraagiro bhya Musa, mumenyere kimari kutyo ebhiraagiro ebhyaika?

Abhagaraatiya 4:7

Mmbe woori, awe utari mugaya kweki, tari uri mwana wa Nyamuwanga. Na raabhe uri mwana, mmbe, uri mugabhi ku-Nyamuwanga.

Abhaefeso 1:5

Okwambira ku-bhwambiro ꞉aariga aramuuye okukisora eswe kibhe bhaana bhaaye okuturira ku-Yeesu Kiriisitu. ꞉Aakorere kutyo kwa okubha ꞉ryamujomesiishe na nikwo kutyo ꞉aariga akenere.

Abhaefeso 1:7

Okuturira ku-Yeesu, na amaanyinga gaaye, kinyoorere obhutuuribhwa bhweswe, na okwabhirwa ebhikayo okuriingʼaana na obhwafu bhwa iinema yaaye.

Abhaefeso 5:2

Mwikare mwendeene rwa kutyo Kiriisitu ꞉aakyendere ˆneesoosha okufwa ku-nsonga yeeswe, ˆnaabha ekimweso na omugabho omurange ku-Nyamuwanga.

Tiito 2:14

꞉Eesoosiishe omwene ku-nsonga yeeswe, insonga akituurye okusooka mu-bhubhiibhi bhwone kutyo. ꞉Eendere okukyesha, insonga kibhe abhaanu bhaaye bha ekimari, bhanu bheesoosiishe okukora amajomu.

Abhaebhuraaniya 1:3

Omwana uyo niwe obhungʼarabhyo bhwa obhugungyo bhwa Nyamuwanga, na niwe keeresha abhweru kutyo Nyamuwanga ari. Niwe kaakora ebhiinu bhyone kutyo mbigenderera okubha kutyo bhiri okuturira kw-ingʼana ryaye erya obhuturo. Bhunu ꞉aamarire okukyesha ebhikayo bhyeswe ꞉aagendere mu-rwire, ˆneekara orubhaara rwa ebhuryo orwa Nyamuwanga wa Obhuturo bhwone kutyo.

Abhaebhuraaniya 9:12

Omwene ꞉eengiiye rumwi era Ataakatiifu oweeneweene. ꞉Ateengiiye eyo na amaanyinga ga gimbusi amwi ati ga ebhimoori, tari ꞉eengiiye na amaanyinga gaaye omwene, insonga kibhe mu-bhwiyagaaro kajaanende.

Abhaebhuraaniya 9:15

Ku-nsonga iyo, Kiriisitu niwe omugwatanya wa abhaanu na Nyamuwanga okuturira ku-muuma iinyaaya, insonga abhaanu bhanu Nyamuwanga asorere bhanyoore obhurame bhunu bhutakuweera, bhunu ꞉aaragire okubhayaana. Ganu agatura okubha kutyo, kwa okubha Kiriisitu ꞉aafuuye, insonga atuurye abhaanu okusooka mu-bhikayo bhinu ꞉bhaariga mbakora mu-muuma ya kara.

1 Peetero 3:18

Yeesu Kiriisitu woone ꞉aanyankire rumwi era ku-nsonga ya ebhikayo bhya abhaanu bhanu bhatari bharengeresi, insonga akigwatanye na Nyamuwanga. Nawe omwene ꞉aariga ari murengeresi. ꞉Eetirwe omubhiri, ˆnaayaanwa obhuworu okuturira ku-Mwoyo Omutaakatiifu.

Obhusomboorerwa 14:3

Abhaanu bhayo bhiwumbi egana rimwi, makumi gana na bhana, ꞉bhaariga mbeemba orwimbo oruyaaya bhari imbere ku-kitebhe kya ekikama kirya, na mu-meeso ga ebhibhumbwa ebhina bhirya, na abhakaruka makumi gabhiri na bhana. ꞉Ataabheeye-wo wundi unu ꞉aaturire okwiyigira orwimbo ruyo, tari ni bhaanu bhayo era. Bhayo nibho ꞉bhaariga bhagombooywe okusooka mu-kyaro.

Obhusomboorerwa 5:9

Ebhibhumbwa na abhakaruka bhayo mbeembira Iingʼondi ya Nyamuwanga orwimbo oruyaaya mbaaikaga ati, “Awe wiisire okugega ekitabho kiyo, na okusoosha-ko ebhibhoyero bhyakyo. Kwa okubha awe ꞉weetirwe, na okuturira ku-maanyinga gaawo nuugurira Nyamuwanga abhaanu bha giinyaaika, ginganda, amayito na abhaanu bha mu-bhyaro bhyone kutyo.