Abhagaraatiya 4:3 - Iimuuma Iinyaaya

³ Nikwo kutyo eswe kyone, bhunu Kiriisitu ꞉aariga akyari kuuja, ꞉kyariga kiri rwa abhaana, ꞉kyariga kitungirwe na gintungwa ginu egitunga ekyaro kinu.

Abhagaraatiya 4:3 Iomraidhean Croise

Mataayo 11:28

“Muuje ku-anye mwone kutyo, emwe bhanu omunyanka, bhanu mukubhwirwe na emijigo, anye eniija okubhamuunya.

Yowana 8:31

Mmbe, Yeesu ˆnaabhabhwira Abhayawudi bhanu ꞉bhaamwikirisiishe ati, “Raabhe mukagwatira riingʼana ryani, kimari omubha bheeyigira bhaani.

Ebhikorwa bhya Abhatumwa 15:10

Mmbe! Ndora woori omwitwikya Abhakiriisitu bhayo omujigo gunu, enu eswe abheene gukitamire? Na bhaajaaji bheeswe bhoone omujigo guyo ꞉gwabhatamire! Okubhatwikya omujigo guyo ni kusaka amangʼana ga Nyamuwanga na okurema agaaye.

Abharuumi 7:14

Kimenyere ati ebhiraagiro ꞉bhyareeterwe na Nyamuwanga, nawe anye ku-bhusimukwa bhwani obhwa ebhikayo, niri mugaya ku-bhikayo.

Abharuumi 8:15

Nyamuwanga ꞉ataabhayaaye Mwoyo Omutaakatiifu insonga mubhe kweki bhagaya na okubhakora muubhaye, tari ꞉aabhayaaye Mwoyo Omutaakatiifu insonga mubhe bhaana bhaaye. Mwoyo uyo niwe kaakisakira kikabha nkimwaya nkibhirikira Nyamuwanga ati, “Abha,” insonga yeende-ko, “Raata!”

2 Abhakorinto 11:20

Omugegerana na omuunu unu kaabhatuura mu-bhugaya, unu kaabheebhira na okubhateesha ebhiinu bhyemwe, unu keetuura iiguru, na unu kaabhabhuma mu-bhusu.

Abhagaraatiya 2:4

Riingʼana rya okusaarwa riyo, ꞉ryabhuusiibhwe na abhaanu bhanu ꞉bhaariga mbeekora ati ni Bhakiriisitu bheejaasu, nawe ꞉bhaariga bhakorere obhwenge bheeyingisiishe mw-iswe okubhuusirisha obhwiyagaaro bhweswe bhunu ꞉kyayaaywe na Kiriisitu Yeesu. ꞉Bhaariga mbarwanya okukikora kibhe bhagaya bha ebhiraagiro bhya Musa.

Abhagaraatiya 3:19

Woori, ebhiraagiro bhiri na murimuki? Ebhiraagiro ꞉bhyatuuywe-wo ku-nsonga ya okweresha ebhikayo bhya abhaanu, bhibhe-wo okuyikira anu omwibhurwa wa Bhurayimu ariija, unu Nyamuwanga ꞉aaragire ati kaaja okuuja. Nyamuwanga ꞉aayaaye Musa ebhiraagiro bhiyo okuturira ku-bhaamaraayika, Musa niwe ˆnaabha mugwatanya wa Nyamuwanga na abhaanu bhaaye.

Abhagaraatiya 4:2

Akabhaga kayo koone kutyo, omwana uyo kaabha ˆnaangarirwa na abharesi na abhaanu bhanu abhayambaarira ebhiinu bhyaye, okuyikira akabhaga kanu esemwene ꞉aariga aramuuye.

Abhagaraatiya 4:24

Abhagasi abhabhiri bhayo, abharengekanyibhwa na giimuuma giibhiri. Ajiri niwe iimuuma ya okwamba inu ꞉yaakorekere mu-kiima kya Sinaayi mu-kyaro kya Arabhiya. Abhaana bhaaye ꞉bheebhuuywe rwa abhagaya mu-bhiraagiro bhya Musa.

Abhagaraatiya 4:25

Abhaanu bha Yerusareemu abha woori abhasusanywa na abhaana bha Ajiri, kwa okubha ni bhagaya bha ebhiraagiro bhya Musa, rwa Ajiri kutyo ari, na abhaana bhaaye bhoone kutyo.

Abhagaraatiya 4:31

Okubha kutyo, Bhakiriisitu bheejaasu, eswe kitari bhaana bha omugasi omugaya, tari kiri bhaana bha omugasi omugabhurwa.

Abhagaraatiya 4:8

Kara ayo, kwa okubha ꞉mwariga mutakumenya Nyamuwanga, ꞉mwariga muri bhagaya ku-misambwa, na giyo gitari Nyamuwanga bhusimukwa.

Abhagaraatiya 4:9

Nawe woori, mumenyere Nyamuwanga, omwene woone abhamenyere kujomu. Kubhaki woori omwenda okutungwa kweki na gintungwa gya ku-kyaro kinu? Gintungwa giyo gitari na bhwera, amwi ati bhuturo bhwonebhwone. Ndora nigyo kweki omwenda okusubha-ko mubhe bhagaya bhaagyo?

Abhakorosaayi 2:20

Mmbe, raabhe ꞉mwafuuye amwi na Kiriisitu, musigana na ameeyigisho aga okwamba aga ekyaro kinu, woori kubhaki mubhe rwa abhaanu bha mu-kyaro munu? Kubhaki omuseeta ebhiraagiro bhinu ati,

Abhakorosaayi 2:8

Mwiyangarire omuunu aasiga okubhayabhya na ameeyigisho gaaye ganu gatari na bhwera, ganu agayabhya, ni meeganiirisho ga abhaanu era. Gayo ni meeyigisho ga emyoyo ginu egitunga ekyaro kinu, gatari ga Kiriisitu.

Abhaebhuraaniya 5:12

Woori anu mwamwendwa mubhe mwiyigisha abheejaanyu, nawe na woori mukyeenda omuunu wa okubheeyigisha ameeyigisho ga okwamba aga Riingʼana rya Nyamuwanga! Muri rwa abhaana abhajaare bhanu bhakyaneena amasaraka, bhatakutura okurya ebhyokurya ebhikomeeye.

Abhaebhuraaniya 7:16

Omwene ꞉ataabheeye mushengesi, kwa okubha ati ꞉aakuumisiishe ebhiraagiro bhinu ebhiragirira ati, abhashengesi bhasookerere mu-ruganda rwa Abharaawi. Tari ꞉aakorerwe okubha mushengesi okuturira ku-managa ga obhurame bhunu bhutari na bhuteero.