Abhagaraatiya 4:2 - Iimuuma Iinyaaya

² Akabhaga kayo koone kutyo, omwana uyo kaabha ˆnaangarirwa na abharesi na abhaanu bhanu abhayambaarira ebhiinu bhyaye, okuyikira akabhaga kanu esemwene ꞉aariga aramuuye.

Abhagaraatiya 4:2 Iomraidhean Croise

Yowana 15:7

Emwe mukeekara mu-mutima gwani, na amangʼana gaani ngeekara mu-mitima gyemwe, musabhe engʼana ryoneryone rinu omwenda, omuyaanwa.

1 Abhakorinto 4:15

kwa okubha raabhé kutyo muri na bheeyigisha bhaafu bhanu abhabheeyigisha iiguru ya Kiriisitu Yeesu, nawe mutari na bheesomwana bhaafu. Ni anye ꞉naabheebhuuye mu-bhwikirisha, okuturira ku-kuraasha Amangʼana Amajomu kw-imwe.

Abhagaraatiya 3:24

Ebhiraagiro bhiyo ꞉bhyariga mbikitangasha okukireeta ku-kabhaga ka okwijira-mo Kiriisitu, insonga kibharwe na Nyamuwanga ati kiri bharengeresi okuturira ku-bhwikirisha.

Abhagaraatiya 4:1

Nawe, eneenda mumenye ati, omwana omugabhi wa ebhiinu bhya esemwene woonewoone, akabha akyari mutooto, kaabha ari rwa omugaya, raabhé kutyo ebhiinu bhyone kutyo ebhibha bhiri bhyaye.

Abhagaraatiya 4:3

Nikwo kutyo eswe kyone, bhunu Kiriisitu ꞉aariga akyari kuuja, ꞉kyariga kiri rwa abhaana, ꞉kyariga kitungirwe na gintungwa ginu egitunga ekyaro kinu.