Abhagaraatiya 4:16 - Iimuuma Iinyaaya

¹⁶ Angu, woori naabha musoko weemwe kwa okubha enibhabhwira ekimari?

Abhagaraatiya 4:16 Iomraidhean Croise

Yowana 7:7

Abhaanu bha ku-kyaro kinu, bhatakutura okubhabhiiyirirwa emwe. Tari abhambiiyirirwa anye, kwa okubha enibhabhwira ati, ebhikorwa bhyebhwe ni bhibhiibhi.

Yowana 8:45

Nawe anye kwa okubha enibhabhwira ekimari, mutakunyiikirisha.

Abhagaraatiya 2:14

Nawe bhunu ꞉naarorere ati bhatakukora kutyo ekimari kya Amangʼana Amajomu ekyenda, nimbwirira Keefa mu-meeso ga abhaanu bhoone kutyo ati, “Awe uri Muyawudi, nawe owukoraga kutyo abhaanu bhanu bhatari Bhayawudi abhakora. Kubhaki woori usiige bhanu bhatari Bhayawudi okuseeta gintungwa gya Ekiyawudi?”

Abhagaraatiya 2:5

Eswe ꞉kitaasakire okwikirishaanya nabho, insonga ekimari kya Amangʼana Amajomu kigenderere okubha na emwe nsiku gyone kutyo.

Abhagaraatiya 4:15

Akabhaga karya ꞉mwariga mujomeeywe, woori anu niki kibheeye-wo? Enaaika ekimari ati, bhunu ꞉naariga niri kw-imwe eyo, mukabheeye na obhuturo bhwa okunokora ameeso geemwe mugaanaane, mukaganokooye.

Abhagaraatiya 4:17

Abheeyigisha abhabheeyi bhabhakenere muno, nawe bhatakubheendera amajomu. Abheenda okubhataanya na anye, insonga mubhanyankirire.

Abhagaraatiya 5:7

Ku-bhwambiro, mwariga mugenda kujomu! Ni niga kweki unu abhagaanyiishe okugwata ameeyigisho ga ekimari?