Abhagaraatiya 3:2 - Iimuuma Iinyaaya

² Woori, siga nibhabhuushe-ko engʼana rimwi. Angu, ꞉mwaramiiye Mwoyo Omutaakatiifu okuturira ku-bhugwati bhwa ebhiraagiro bhya Musa, amwi ati mwaramiiye bhunu ꞉mweekirisiishe era Amangʼana Amajomu aga Yeesu?

Abhagaraatiya 3:2 Iomraidhean Croise

Ebhikorwa bhya Abhatumwa 15:8

Nyamuwanga niwe amenyere goone kutyo ganu gari mu-mitima gya abhaanu. Na ꞉eeresiishe ati eekirisiishe na bhanu bhatari Bhayawudi, kwa okubha bhoone abhayaaye Mwoyo Omutaakatiifu, rwa kutyo kyone ꞉aakiyaaye.

Ebhikorwa bhya Abhatumwa 2:38

Peetero ˆnaabhabhwira ati, “Munuge ebhikayo bhyemwe wumwiwumwi, mubhatiisibhwe kw-isiina rya Yeesu Kiriisitu, musoosibhwe-ko ebhikayo bhyemwe. Mukamara gayo, omuramira Mwoyo Omutaakatiifu. Uyo niwe omusanga gwemwe okusooka ku-Nyamuwanga.

Ebhikorwa bhya Abhatumwa 8:15

Bhunu ꞉bhaayikire, mbasabhira abhaanu, bharamire Mwoyo Omutaakatiifu,

Abharuumi 1:17

Amangʼana Amajomu gayo ageeresha abhweru kutyo Nyamuwanga kaabharira abhaanu obhurengeresi. Kaabhabharira ati ni bharengeresi okuturira ku-bhwikirisha era. Ni rwa kutyo Amakaamo Amataakatiifu agaaika ati, “Omurengeresi kaarama okuturira ku-bhwikirisha bhwaye.”

1 Abhakorinto 9:21

Ku-bhanu bhatari na bhiraagiro bhya Musa, ꞉naariga niri rwa omuunu unu atari na ebhiraagiro bhiyo, insonga bhoone bheekirishe Kiriisitu. Itari ati anye nitari na bhiraagiro mu-meeso ga Nyamuwanga, tari niri nabhyo kwa okubha enitangasibhwa na ebhiraagiro bhya Kiriisitu.

2 Abhakorinto 11:4

Enaaika kutyo, kwa okubha emwe muri bhangu okuramira omuunu unu kaaja okuraasha amangʼana ganu agaaikira Yeesu ganu agataashaanya na ganu eswe ꞉kyaraasiishe. Na omuramira mwoyo owundi amwi ati amangʼana agandi bhwangu, raabhé kutyo agataashaanya na ganu ꞉mwaramiiye okusooka kw-iswe.

Abhagaraatiya 3:14

꞉Aakituuriishe, insonga giinonkwe gya Bhurayimu giyikire abhaanu bhanu bhatari Bhayawudi okuturira ku-Kiriisitu Yeesu. Woori, eswe kyone kutyo ekitura okuramira Mwoyo Omutaakatiifu unu Nyamuwanga ꞉aaragire okukiyaana, okuturira okwikirisha Kiriisitu Yeesu.

Abhagaraatiya 3:3

Angu mubheeye bhasiru kutyo? ꞉Mwaambire mutangasibhwaga na Mwoyo Omutaakatiifu, woori omwenda okumariisha na amanaga geemwe abheene?

Abhagaraatiya 3:5

Angu, Nyamuwanga abhayaaye Mwoyo Omutaakatiifu ˆnaakora na ebhigwa kw-imwe okuturira ku-bhugwati bhwemwe obhwa ebhiraagiro bhya Musa, amwi ati abhayaaye bhunu ꞉mweekirisiishe Amangʼana Amajomu aga Yeesu?

Abhaebhuraaniya 2:4

Nyamuwanga woone ˆnaamenyegesha ati ni kimari okuturira ku-bhimenyegesho, ebhiruguusho na ebhigwa bhya mbaga nyafunyafu. Na ꞉aagabhiiye abhaanu ebhiyaanwa bhya Mwoyo Omutaakatiifu okuriingʼaana na kutyo ꞉aariga akenere omwene.

Abhaebhuraaniya 4:2

Ni kimari ati, eswe kiraasisiibhwe Amangʼana Amajomu gayo, rwa kutyo bhaajaaji bhoone ꞉bhaaraasisiibhwe. Nawe amangʼana gayo ꞉gataabhasakiiye kyonekyone, kwa okubha ꞉bhoonguuywe, nawe bhanu ꞉bhoonguuywe ꞉bhaariga bhatari na obhwikirisha mu-mitima gyebhwe.

Abhaebhuraaniya 6:4

Mmbe, abhaanu bhanu bhaamarire okuyaanwa obhuturo bhwa okumenya ekimari, mbarabha-ko ekiyaanwa kya mu-rwire, mbakorwa bhayimbane na Mwoyo Omutaakatiifu,

1 Peetero 1:12

Nyamuwanga ꞉aatuuriiye ku-bhweru abharagi bhayo ati amangʼana ganu ꞉bhaariga mbaraga, ꞉gaariga gari ku-nsonga yeemwe, itari ku-nsonga yeebhwe. Ganu ꞉bhaaikire nigo garya mwaraasisiibhwe na bhanu ꞉bhaabhareeteeye Amangʼana Amajomu ngaaikiraga Yeesu Kiriisitu. Abharaasha bhayo ꞉bhaabhatondeeye Amangʼana Amajomu gayo kwa obhuturo bhwa Mwoyo Omutaakatiifu unu ꞉aariga atumirwe okusooka mu-rwire. Amangʼana gayo bhaamaraayika bhoone abheegomba muno okugamenya.