Abhagaraatiya 2:9 - Iimuuma Iinyaaya

⁹ Mmbe bhunu abhatangasha abhakuru, Yakobho, Keefa na Yowana, ꞉bhaamarire okumenya ati Nyamuwanga niwe ꞉aanaaye emirimu ginu okuturira ku-nema yaaye, mbakigwata amabhoko anye na Bharinaabha okweresha obhuyimbani bhwebhwe kw-iswe. Nkiikirishaanya ati eswe kigende okukora emirimu ku-bhaanu bhanu bhatari Bhayawudi, abheene bhakore emirimu ku-Bhayawudi.

Abhagaraatiya 2:9 Iomraidhean Croise

Mataayo 16:18

Anye enikubhwira ati, awe, ni awe Peetero, na kw-itare kunu, nikwo niryumbaka riikanisa ryani, na amanaga ga orufu gataririyiga.

Ruuka 22:8

Niwe, Yeesu ˆnaatuma Peetero na Yowana, ˆnaabhabhwira ati, “Mugende, kinyoore mwakikoreeye ebhyokurya bhya Ipaasaka, insonga kiije kirye amwi.”

Yowana 1:42

Niwe Ndereya ˆnaasira Simooni ku-Yeesu. Yeesu ˆnaaringira Simooni, ˆnaamubhwira ati, “Awe ni Simooni, omwana wa Yowana. Nawe okwambira woori, riisiina ryawo eriija okubha Keefa.” Riisiina riyo mu-Kiyunaani ni Peetero, insonga yeende-ko, ni “Etare.”

Ebhikorwa bhya Abhatumwa 12:17

Peetero ˆnaabheemusisha okubhoko bhajibhire, ˆnaabhabhwira kutyo Raatabhugenyi aamusoosha mu-nyumba ya abhabhoywa. Kimwi ˆnaabhabhwira kweki ati, “Amangʼana ganu, mubhwire Yakobho na abheejaasu abhandi.” Kimwi Peetero ˆneemuka ayo, ˆnaagenda ayandi.

Ebhikorwa bhya Abhatumwa 15:13

Bhunu ꞉bhaamarire okwaika, Yakobho woone ˆnaaika ati, “Emwe abhayiiri bhaani, munyiitegeereshe!

Ebhikorwa bhya Abhatumwa 15:7

Akabhaga nkatura-wo kareera mbabhambashaanyaga, niwe Peetero ˆnaayambaara ˆnaabhabhwira ati, “Emwe abhayiiri bhaani, mumenyere kujomu ati okwambira mu-nsiku gya okwamba Nyamuwanga ꞉aansorere agati weemwe, insonga okuturira ku-munwa gwani bhanu bhatari Bhayawudi bhoongwe na okwikirisha Amangʼana Amajomu aga Nyamuwanga.

Ebhikorwa bhya Abhatumwa 4:36

꞉Aariga ariwo Omuraawi wumwi riisiina ryaye Yuusufu, omwibhurwa wa ekyaro kya Kiipuro. Yuusufu unu abhatumwa bha Yeesu ꞉bhaamutogere riisiina ati Bharinaabha insonga yeende-ko ati, “Owa okukomeesha emitima.”

Abharuumi 1:5

Okuturira ku-mwene uyo, Nyamuwanga ꞉aakiyaaye iinema ya okubha bhatumwa bhaaye, insonga abhaanu bhoone kutyo bhanu bhatari Bhayawudi, bhamwikirishe na okumuungwa insonga riisiina ryaye rikumangibhwe.

Abharuumi 12:3

Kiriisitu anaaye iinema nibhe mutumwa waaye. Mmbe, enibhabhwira wumwiwumwi ati, mwasiga kwenda mangʼana manene okukira kutyo muri, tari mwiyiinye. Omuunu wumwiwumwi ayaaywe na Nyamuwanga indengo yaaye eya obhwikirisha.

Abharuumi 15:15

Nawe, nibhakaamiiye amangʼana agandi mu-nyarubha inu niyaarire, insonga nibhayiitye amangʼana gayo. Nikorere kutyo, okuriingʼaana na iinema inu Nyamuwanga anaaye,

1 Abhakorinto 15:10

Nawe iinema ya Nyamuwanga niyo inkorere anye nibhe mutumwa. Iinema yaaye ku-anye ꞉yaariga itari bhusa, kwa okubha okuturira iinema iyo, nikorere emirimu okukira abhatumwa bhoone kutyo. Nitakorere gayo kwa amanaga gaani omwene, tari Nyamuwanga okuturira ku-nema yaaye, niwe ꞉aakorere emirimu amwi na anye.

2 Abhakorinto 11:5

Anye nitakwirora ati niri mutooto okukira bhanu abhaaika ati ni bhatumwa abhakuru.

2 Abhakorinto 12:11

Enaaika rwa omutengʼo, nawe ni emwe omukora naaike kutyo. Emwe ꞉mwariga mwendwa munkumangye. Raabhé kutyo abhandi omundora ati, niteesire, anye nitari mutumwa mutooto okukira bhanu abhabhirikirwa ati abhatumwa abhakuru.

2 Abhakorinto 8:4

꞉Bhaariga mbakiisaasaama muno ati, bhoone bhabhe ku-nema ya okusakira Abhakiriisitu bha Yerusareemu.

Abhagaraatiya 1:16

bhunu ꞉aarorere ati ni kujomu antuurire abhweru, nimenye kutyo Omwana waaye ari. ꞉Aakorere kutyo, insonga niraashe Amangʼana Amajomu aga Omwana waaye ku-bhaanu bhanu bhatari Bhayawudi. ꞉Eejire aansora, ꞉niteekaaye okukora ekiina na muunu woonewoone.

Abhagaraatiya 1:18

Bhunu ꞉gyaturire myaka esatu, ningenda Yerusareemu, insonga nirorane na Keefa eyo. Niikara ewa Keefa nsiku ekumi na etaanu era.

Abhagaraatiya 2:1

Bhunu myaka ekumi na ena ꞉gyaturire, ningenda kweki Yerusareemu, ku-kabhaga kayo ꞉naagendere na Bharinaabha, ningega na Tiito woone nkigenda nawe.

Abhagaraatiya 2:2

꞉Naagendere Yerusareemu, kwa okubha Nyamuwanga niwe ꞉aariga ambwiriiye ati nigende. Bhunu ꞉kyayikire eyo, nkinyookana na abhatangasha bha riikanisa abheene era. Nimbatondera kutyo ꞉naaraashaga Amangʼana Amajomu ku-bhaanu bhanu bhatari Bhayawudi. ꞉Naaramuuye okubhatondera gayo, insonga emirimu ginu ꞉naariga ninkora na ginu enigenderera okukora, gyasiga okubha gya bhusa, mbeekirishaanya na anye.

Abhagaraatiya 6:3

Omuunu woonewoone unu keerora ati kaakira abheejaabho, enu itari kutyo, keejimya era.

Abhaefeso 2:20

Emwe muri rwa iinyumba inu yumbakirwe ku-musingi gunu ꞉gwatuuywe-wo na abhatumwa na abharagi, na Kiriisitu Yeesu omwene niwe riigina riinene erya mu-rufuka.

Abhaefeso 3:8

Raabhé kutyo niri mutooto okukira omutooto mu-bhaanu bha Nyamuwanga abhataakatiifu bhoone kutyo, nawe Nyamuwanga aanaaye iinema inu, okubhwira bhanu bhatari Bhayawudi obhuniibhi bhunu bhutari na ndengo, bhunu obhusooka ku-mangʼana amajomu ganu Kiriisitu kaakora.

Abhakorosaayi 1:29

Kyakora enikomeera okukora emirimu okuriingʼaana na amanaga amanene ga Kiriisitu ganu anaaye.

1 Timoteeyo 3:15

Nawe nikakoora okuuja, umenyega kutyo Abhakiriisitu abheendwa bharame. Abhaanu bhayo nibho riikanisa rya Nyamuwanga unu keesha omwoyo, na riikanisa niryo intimu na obhwambiro bhwa ekimari.

1 Yowana 1:3

Ekibharaasisha amangʼana ga Yeesu uyo, unu eswe ꞉kyarorere na okumuungwa, insonga emwe mwone muyimbane na eswe mu-bhwikirisha. Omuyimbano gunu, kiri amwi na Raata Nyamuwanga, na Omwana waaye Yeesu Kiriisitu.

Obhusomboorerwa 3:12

Omuunu unu ariyiga, nirimukora abhe ntimu mw-iyekaru rya Nyamuwanga waani, atarisooka-mo kweki. Nirimukaama-ko riisiina rya Nyamuwanga waani na riisiina rya omusi gwaye. Omusi guyo ni Yerusareemu omuyaaya, gunu guriika okusooka mu-rwire ku-Nyamuwanga waani. Na nirimukaama-ko riisiina ryani riiyaaya.