Abhagaraatiya 2:7 - Iimuuma Iinyaaya

⁷ Abhatangasha bhayo ꞉bhaamenyere ati, Nyamuwanga ꞉aantumire niraashe Amangʼana Amajomu aga Yeesu ku-bhaanu bhanu bhatasaarirwe, rwa kutyo ꞉aatumire Peetero araashe ku-bhanu bhasaarirwe.

Abhagaraatiya 2:7 Iomraidhean Croise

Ebhikorwa bhya Abhatumwa 15:12

Mmbe, abhaanu bhoone kutyo bhanu ꞉bhaariga bhabheeye mu-kisendo kiyo mbajibhira jibhi, mbeetegeereshaga kutyo Pawuro na Bharinaabha ꞉bhaariga mbaaika. Mmbe, bhaaPawuro bhoone mbagenderera okubhabhwira kutyo Nyamuwanga ꞉aariga eeresiishe ebhimenyegesho na ebhiruguusho mu-bhaanu bha mu-bhyaro ebhindi aturiiye ku-bheene.

Ebhikorwa bhya Abhatumwa 18:6

Nawe Abhayawudi bhayo mbaremaga amangʼana ga Pawuro, mbamufumaga. Kimwi Pawuro ˆnaakuukumura gingibho gyaye, ˆnaabhabhwiraga ati, “Woori anye neefuura kw-imwe, ganu garibhanyoora anye nitarimo! Anye, ritariwo riingʼana rinu eniija okubhuusibhwa kw-ingʼana riyo. Okwambira woori, enigenda ku-bhaanu bha ebhyaro ebhindi.”

Ebhikorwa bhya Abhatumwa 28:28

Kimwi Pawuro ˆnaaika ati, “Mmbe, woori mumenye ati, amangʼana ga obhwerusha bhunu, gasookere ku-Nyamuwanga, woori agasirwa ku-bhanu bhatari Bhayawudi. Bhayo bheeki abhaaja okugeekirisha!” [

Ebhikorwa bhya Abhatumwa 9:15

Nawe Raatabhugenyi ˆnaabhwira Ananiya ati, “Genda era! Omuunu uyo, naamusora abhe mujuuma waani, insonga araashe riisiina ryani ku-bhanu bhatari Bhayawudi, ku-bhakama bheebhwe, na ku-bhaanu bha Ijirayeeri.

Abharuumi 1:5

Okuturira ku-mwene uyo, Nyamuwanga ꞉aakiyaaye iinema ya okubha bhatumwa bhaaye, insonga abhaanu bhoone kutyo bhanu bhatari Bhayawudi, bhamwikirishe na okumuungwa insonga riisiina ryaye rikumangibhwe.

Abharuumi 11:13

Woori, enaaika na emwe, abhaanu bhanu mutari Bhaijirayeeri. Nyamuwanga ꞉aantumire nibhe mutumwa ku-nsonga ya emwe. Eniiyungwa muno okukora emirimu ginu niyaaywe na Nyamuwanga,

1 Abhakorinto 9:17

Raabhe nikakora omurimu gunu kwa okwenda kwani omwene, eniisiga okunyoora ekiyaanwa. Nawe raabhe itari kwa okwenda kwani, mmbe Nyamuwanga aandorere ati niisire okukora emirimu giyo.

Abhagaraatiya 1:16

bhunu ꞉aarorere ati ni kujomu antuurire abhweru, nimenye kutyo Omwana waaye ari. ꞉Aakorere kutyo, insonga niraashe Amangʼana Amajomu aga Omwana waaye ku-bhaanu bhanu bhatari Bhayawudi. ꞉Eejire aansora, ꞉niteekaaye okukora ekiina na muunu woonewoone.

Abhagaraatiya 1:18

Bhunu ꞉gyaturire myaka esatu, ningenda Yerusareemu, insonga nirorane na Keefa eyo. Niikara ewa Keefa nsiku ekumi na etaanu era.

Abhagaraatiya 1:6

Enibharuguura muno! Ni kabhaga kafuyi era kanu kaaturire, ayo era mwambire okusiga okwikirisha Nyamuwanga unu ꞉aabhabhirikiiye okuturira ku-nema ya Kiriisitu! Omwamba okuseeta ameeyigisho agandi ganu abhaanu abhandi abhaaika ati nigo Amangʼana Amajomu.

Abhagaraatiya 2:11

Nawe bhunu Keefa ꞉eejire mu-musi gwa Antiyokiya, rusuku rumwi ꞉naaremere amangʼana gaaye abhweru, kwa okubha ꞉aariga ayabhire.

Abhagaraatiya 2:14

Nawe bhunu ꞉naarorere ati bhatakukora kutyo ekimari kya Amangʼana Amajomu ekyenda, nimbwirira Keefa mu-meeso ga abhaanu bhoone kutyo ati, “Awe uri Muyawudi, nawe owukoraga kutyo abhaanu bhanu bhatari Bhayawudi abhakora. Kubhaki woori usiige bhanu bhatari Bhayawudi okuseeta gintungwa gya Ekiyawudi?”

Abhagaraatiya 2:9

Mmbe bhunu abhatangasha abhakuru, Yakobho, Keefa na Yowana, ꞉bhaamarire okumenya ati Nyamuwanga niwe ꞉aanaaye emirimu ginu okuturira ku-nema yaaye, mbakigwata amabhoko anye na Bharinaabha okweresha obhuyimbani bhwebhwe kw-iswe. Nkiikirishaanya ati eswe kigende okukora emirimu ku-bhaanu bhanu bhatari Bhayawudi, abheene bhakore emirimu ku-Bhayawudi.

1 Abhateesaroonike 2:4

Tari, ekiraasha kwa okubha Nyamuwanga ꞉aakirorere ati kiisire, ˆnaakiyaana emirimu gya okuraasha Amangʼana Amajomu. Insonga itari kujomisha bhaanu, tari ekyenda okujomisha Nyamuwanga, uyo niwe kaamenya ganu geeyibhisire mu-mitima gyeswe.

1 Timoteeyo 1:11

Ameeyigisho gayo ageekirishaanya na Amangʼana Amajomu aga obhugungyo bhwa Nyamuwanga wa giinonkwe gyone kutyo. Na amangʼana gayo nigo ꞉naayaaywe na Nyamuwanga nigaraashe.

1 Timoteeyo 2:7

Na ku-nsonga iyo, anye ꞉naatuuywe-wo okubha mutumwa na omuraasha waago. Enaaika ekimari, nitakwaika rurimi. ꞉Naatuuywe-wo okubha mwiyigisha wa bhanu bhatari Bhayawudi, insonga nibhabhwire amangʼana ga obhwikirisha na ekimari.

2 Timoteeyo 1:11

Ku-nsonga ya Amangʼana Amajomu gayo, ꞉naasorerwe okubha omuraasha, omutumwa, na omwiyigisha waago.

2 Peetero 3:15

Muyiite ati Raatabhugenyi ꞉aabheeye musimbiiru insonga munyoore obhwerusha, rwa kutyo na Omukiriisitu weejaasu omwende Pawuro woone kutyo ꞉aabhakaamiiye, okuturira ku-bhwenge bhunu Nyamuwanga ꞉aamuyaaye.