Abhagaraatiya 2:6 - Iimuuma Iinyaaya

⁶ Nawe abhatangasha bha riikanisa bhayo, bhanu ꞉bhaariga bhari na ekibharo muno mu-bhaanu, ꞉bhaariga bhatari na engʼana rindi ryoneryone eyaaya erya okumbwira. Ni kimari ꞉bhaariga mbayaanwa ekibharo muno, nawe anye riyo ritakunsaasa, kwa okubha Nyamuwanga atakwigana ekibharo kya muunu.

Abhagaraatiya 2:6 Iomraidhean Croise

Mataayo 22:16

Niwe mbatuma abheeyigira bheebhwe na abhasakisi bha omukama Yerode Antipa. Mbabhuusha Yeesu ati, “Ee Mwiyigisha, kimenyere ati awe uri muunu wa ekimari, na owiiyigisha amangʼana ga Nyamuwanga ku-kimari kyago. Kimenyere ati awe utakuubhaya muunu woonewoone, raabhé akabha na kibharo kinene.

Maariko 12:14

Mbamuuja-ko, mbamubhwira ati, “Ee Mwiyigisha, kimenyere ati awe uri muunu wa ekimari. Kimenyere kweki ati awe utakuubhaya muunu woonewoone, raabhé akabha na kibharo kinene. Owiiyigisha amangʼana ga Nyamuwanga ku-kimari kyago. Woori, okuriingʼaana na ebhiraagiro bhya Musa, ekyendwa kiriye riigooti ku-Kayijaari? Kiriye amwi ati wuri?”

Ruuka 20:21

Abhaanu bhayo mbaaja ku-Yeesu mbamubhuusha ati, “Omwiyigisha, kimenyere ati owaaika na okwiyigisha amangʼana ga obhurengeresi kweki awe utakwigana kibharo kya muunu. Na utakuubhaya muunu woonewoone, tari owiiyigisha amangʼana ga Nyamuwanga ku-kimari kyago.

Ebhikorwa bhya Abhatumwa 10:34

Mmbe, Peetero ˆnaabhwira abhaanu bhayo ati, “Woori niwe naamenya ati, kimari Nyamuwanga atakusoroora bhaanu!

Ebhikorwa bhya Abhatumwa 5:36

Omuyiita nsiku gitari nyafu, ꞉aabheeye-wo omuunu wumwi, riisiina ryaye Tewuda. Tewuda uyo ꞉aariga ˆneeyaana ati ni muunu mukuru, na abhaanu magana gana kutya mbaseetana nawe. Nawe ku-bhuteero, ˆneetwa, na abhaanu bhanu ꞉bhaariga mbamuseeta mbanyaragana bhoone kutyo mbawa-wo. Na amangʼana geebhwe goone kutyo ngabhurwa obhwera.

Abharuumi 2:11

Nyamuwanga atakusoroora muunu woonewoone.

2 Abhakorinto 11:5

Anye nitakwirora ati niri mutooto okukira bhanu abhaaika ati ni bhatumwa abhakuru.

2 Abhakorinto 12:11

Enaaika rwa omutengʼo, nawe ni emwe omukora naaike kutyo. Emwe ꞉mwariga mwendwa munkumangye. Raabhé kutyo abhandi omundora ati, niteesire, anye nitari mutumwa mutooto okukira bhanu abhabhirikirwa ati abhatumwa abhakuru.

2 Abhakorinto 5:16

Mmbe, okwambira woori kitakurengekanya kweki omuunu woonewoone rwa kutyo abhaanu abharengekanya. Raabhé kutyo riibhaga riirebhe ꞉kyariga nkirengekanya Kiriisitu kutyo, nawe woori kitakyakora kutyo kweki.

Abhagaraatiya 2:2

꞉Naagendere Yerusareemu, kwa okubha Nyamuwanga niwe ꞉aariga ambwiriiye ati nigende. Bhunu ꞉kyayikire eyo, nkinyookana na abhatangasha bha riikanisa abheene era. Nimbatondera kutyo ꞉naaraashaga Amangʼana Amajomu ku-bhaanu bhanu bhatari Bhayawudi. ꞉Naaramuuye okubhatondera gayo, insonga emirimu ginu ꞉naariga ninkora na ginu enigenderera okukora, gyasiga okubha gya bhusa, mbeekirishaanya na anye.

Abhagaraatiya 6:3

Omuunu woonewoone unu keerora ati kaakira abheejaabho, enu itari kutyo, keejimya era.

Abhaebhuraaniya 13:17

Muungwe abhatangasha bheemwe, mwituuraga emwaro ku-bheene, kwa okubha abheene nibho abhanyankirira emyoyo gyemwe mu-ngeta na mu-mwisi. Bhayo nibho bharibhuusibhwa amangʼana ga emirimu gyebhwe mu-meeso ga Nyamuwanga. Mmbe, mubhoongwe, insonga bhakore emirimu gyebhwe bhajomeeywe. Nawe raabhe bhakasurumbara, emirimu gyebhwe giyo gitakuuja okubhasakira kyonekyone.

Abhaebhuraaniya 13:7

Muyiite abhatangasha bheemwe bhanu ꞉bhaariga mbabheeyigisha Riingʼana rya Nyamuwanga. Muringire mwitegeeresiishe kutyo gintungwa gyebhwe ꞉gyariga giri, kutyo obhuteero bhwebhwe ꞉bhwariga bhuri, mwiyigirire ku-bhwikirisha bhwebhwe.

1 Peetero 1:17

Emwe raabhe omubhirikira Nyamuwanga ati Raata, mumenye ati omwene atari na bhusoroori bhwonebhwone. Kaaja okuramurira muunu wumwiwumwi okuriingʼaana na ebhikorwa bhyaye. Raabhe ni kutyo, mmbe mumuramye mu-kabhaga keemwe koone kutyo kanu kasigaaye, aka okwikara ku-kyaro kunu muri abhagenyi.