Abhagaraatiya 2:4 - Iimuuma Iinyaaya

⁴ Riingʼana rya okusaarwa riyo, ꞉ryabhuusiibhwe na abhaanu bhanu ꞉bhaariga mbeekora ati ni Bhakiriisitu bheejaasu, nawe ꞉bhaariga bhakorere obhwenge bheeyingisiishe mw-iswe okubhuusirisha obhwiyagaaro bhweswe bhunu ꞉kyayaaywe na Kiriisitu Yeesu. ꞉Bhaariga mbarwanya okukikora kibhe bhagaya bha ebhiraagiro bhya Musa.

Abhagaraatiya 2:4 Iomraidhean Croise

Ruuka 5:38

Nawe iidivaayi iinyaaya, eyeendwa ituurwe mu-bhituumo ebhiyaaya!

Ebhikorwa bhya Abhatumwa 15:1

Mmbe, abhaanu abhandi mbasooka Ebhuyawudi, mbooromokera mu-musi gwa Antiyokiya ayo. Kimwi mbaamba okwiyigisha Abhakiriisitu mbaaikaga ati, “Emwe! Raabhe mutasaarirwe era, okuriingʼaana na gintungwa ginu Musa ꞉aakisigiiye, mutakutura okwerusibhwa.”

Ebhikorwa bhya Abhatumwa 15:24

Kyunguuywe ati abhaanu ꞉bhaasookere kw-iswe enu, mbaaja okubhanyansha eyo na amangʼana geebhwe enu mbayabhyaga emyoyo gyemwe. Eswe ꞉kitaabhatumire.

Ebhikorwa bhya Abhatumwa 20:30

Na agati weemwe abheene, bhariwo abhaanu bhanu bharyaika amangʼana ga orurimi insonga bhakongye Abhakiriisitu, bhabhaseete.

Abharuumi 8:15

Nyamuwanga ꞉ataabhayaaye Mwoyo Omutaakatiifu insonga mubhe kweki bhagaya na okubhakora muubhaye, tari ꞉aabhayaaye Mwoyo Omutaakatiifu insonga mubhe bhaana bhaaye. Mwoyo uyo niwe kaakisakira kikabha nkimwaya nkibhirikira Nyamuwanga ati, “Abha,” insonga yeende-ko, “Raata!”

2 Abhakorinto 11:13

Abhaanu rwa bhayo ni bhatumwa bhabheeyi, abhakora emirimu mbajimyaga abhaanu, abheekora ati, ni bhatumwa bha Kiriisitu.

2 Abhakorinto 11:17

Amangʼana ga okwikumangya ganu enaaika woori, gatakusooka ku-Raatabhugenyi, tari enaaika rwa omuunu omutengʼo.

2 Abhakorinto 11:20

Omugegerana na omuunu unu kaabhatuura mu-bhugaya, unu kaabheebhira na okubhateesha ebhiinu bhyemwe, unu keetuura iiguru, na unu kaabhabhuma mu-bhusu.

2 Abhakorinto 11:26

Akaafu mu-ngʼendo gyani, ꞉naariga niri mu-ngʼanga ya okugegwa na giinyuji, mu-ngʼanga ya okuteesibhwa ebhiinu, mu-ngʼanga ya Abhayawudi bheejaasu na eya bhanu bhatari Bhayawudi. ꞉Naariga niri mu-ngʼanga okutura mu-misi, okutura ku-nsi ya orukungu, na mu-nyanja. ꞉Naariga niri mu-ngʼanga ku-bhaanu bhanu abheekora ati ni Bhakiriisitu bheejaasu.

2 Abhakorinto 3:17

Mmbe, Raatabhugenyi niwe Mwoyo wa Nyamuwanga, na anu Mwoyo wa Raatabhugenyi ari, ayo niwe obhwiyagaaro bhuri.

Abhagaraatiya 1:7

Enibhabhwira ati, gatariwo kweki Amangʼana Amajomu agandi. Nawe bhariwo abhaanu bhanu abheenda bhabhanyamure, abheenda okuyindura Amangʼana Amajomu aga Kiriisitu.

Abhagaraatiya 4:25

Abhaanu bha Yerusareemu abha woori abhasusanywa na abhaana bha Ajiri, kwa okubha ni bhagaya bha ebhiraagiro bhya Musa, rwa Ajiri kutyo ari, na abhaana bhaaye bhoone kutyo.

Abhagaraatiya 4:3

Nikwo kutyo eswe kyone, bhunu Kiriisitu ꞉aariga akyari kuuja, ꞉kyariga kiri rwa abhaana, ꞉kyariga kitungirwe na gintungwa ginu egitunga ekyaro kinu.

Abhagaraatiya 5:1

Kiriisitu ꞉aakiyaaye obhwiyagaaro, insonga kiikare kiiyagaarire. Mmbe woori, mwikomeeshe, mwasiga okwikirisha okusubha kweki mu-bhugaya bhwa ebhiraagiro.

Abhagaraatiya 5:10

Okuriingʼaana na obhuyimbani bhwemwe na Raatabhugenyi Yeesu enibheesiga ati, mutakuuja kwiganiirisha kundi. Nawe omuunu unu kaabhajimya, kaaja okuramurirwa.

2 Timoteeyo 3:6

Enaaika kutyo kwa okubha agati weebhwe bharimo bhanu abheeyingisha mu-nyumba gya abhaanu, mbangʼeeneresha abhagasi abhatengʼo bhanu bhari na emiseeri gya ebhikayo, bhanu abhakururwa na amajomerwa ga mbaga nyafu.

Yakobho 1:25

Ebhiraagiro bhya Nyamuwanga nibhyo ebhiyaana abhaanu obhwiyagaaro na bhitasuuyiiwe. Omuunu unu kaabhiringira bhyone kutyo eetegeeresiishe kujomu, ˆnaasiga okurabhirwa okukora ganu ꞉oonguuywe, uyo niwe arinyoora giinonkwe ku-gayo kaakora.

1 Peetero 2:16

Mwikare mwiyagaarire, nawe obhwiyagaaro bhwemwe bhwasiga okubha njira ya okubhisaga amabhiibhi, nawe mwikare kutyo Nyamuwanga keenda abhajuuma bhaaye bheekare.

2 Peetero 2:19

Abharaasisha abhaanu mbabharaga ati bhakabheekirisha abhabha na obhwiyagaaro, enu abheene bhari bhagaya ku-bhikayo. Abhaanu bhayo ni bhagaya kwa okubha omuunu akasingwa na engʼana ryoneryone, kaabha mugaya wa riyo ryamusinga.

1 Yowana 4:1

Abheendwa bhaani, mwasiga okwikirisha woonewoone unu kaaja kw-imwe ˆnaaika ati ari na Mwoyo Omutaakatiifu wa Nyamuwanga. Tari musakye kujomu raabhe omuunu uyo kaatangasibhwa na Mwoyo Omutaakatiifu wa Nyamuwanga, amwi ati uri. Mukore kutyo, kwa okubha abharagi abhabheeyi bhaabheeye bhaafu ku-kyaro kunu.

Yuuda 1:4

Enibhakaamira iinyarubha inu kwa okubha bhariwo abhaanu bhanu bhatakuungwa Nyamuwanga, bheeyingisiishe bhwiyibhise mbeesaasha na emwe. Abhaanu bhayo abhayindura ameeyigisho iiguru ya iinema ya Nyamuwanga weeswe insonga na abhaanu abhandi bhakore ganu gateesire, na abheegaana Yeesu Kiriisitu Omutangasha Omukuru, Raatabhugenyi weeswe. Nawe okwambira kara ikaamirwega ati, abhaanu bhayo bhariramurirwa rwa kutyo abhandi bhanu bhoone bhararamuriiywe.