Abhagaraatiya 2:2 - Iimuuma Iinyaaya

² ꞉Naagendere Yerusareemu, kwa okubha Nyamuwanga niwe ꞉aariga ambwiriiye ati nigende. Bhunu ꞉kyayikire eyo, nkinyookana na abhatangasha bha riikanisa abheene era. Nimbatondera kutyo ꞉naaraashaga Amangʼana Amajomu ku-bhaanu bhanu bhatari Bhayawudi. ꞉Naaramuuye okubhatondera gayo, insonga emirimu ginu ꞉naariga ninkora na ginu enigenderera okukora, gyasiga okubha gya bhusa, mbeekirishaanya na anye.

Abhagaraatiya 2:2 Iomraidhean Croise

Mataayo 10:16

“Mwitegeereshe, enibhatuma rwa giingʼondi agati wa ginsunji. Mmbe, mubhe na obhwenge rwa ekisoro, na mubhe bhafura rwa inguuti.

Ebhikorwa bhya Abhatumwa 15:12

Mmbe, abhaanu bhoone kutyo bhanu ꞉bhaariga bhabheeye mu-kisendo kiyo mbajibhira jibhi, mbeetegeereshaga kutyo Pawuro na Bharinaabha ꞉bhaariga mbaaika. Mmbe, bhaaPawuro bhoone mbagenderera okubhabhwira kutyo Nyamuwanga ꞉aariga eeresiishe ebhimenyegesho na ebhiruguusho mu-bhaanu bha mu-bhyaro ebhindi aturiiye ku-bheene.

Ebhikorwa bhya Abhatumwa 15:2

Okuriingʼaana na amangʼana gayo, Pawuro na Bharinaabha mbayajana na abhaanu bhayo, mbabhambashaanya muno. Kimwi Abhakiriisitu bha Antiyokiya ayo mbasora Pawuro, Bharinaabha na abhaanu abhandi bhatooto agati wa abhaanu bha mw-ikanisa bhagende Yerusareemu okubhuusha ku-bhatumwa bha Yeesu na ku-bhakaruka bha riikanisa abheenda eyo, bhabharamure kw-ingʼana riyo.

Ebhikorwa bhya Abhatumwa 15:4

Bhunu Pawuro na abheejaabho ꞉bhaayikire Yerusareemu, mbaramirwa kujomu na abhatumwa bha Yeesu, abhakaruka na abhaanu abhandi abha mw-ikanisa ryenda eyo. BhaaPawuro mbaamba okubhatondera goone kutyo ganu Nyamuwanga ꞉aakorere ari amwi nabho.

Ebhikorwa bhya Abhatumwa 18:9

Rusuku rumwi mu-ngeta, Raatabhugenyi ˆnaabhwirira Pawuro mu-bhiroro ati, “Siga okuubhaya, genderera era okuraasha, siga okujibhisha omunwa gwawo.

Ebhikorwa bhya Abhatumwa 23:11

Orusuku ruyoruyo mu-ngeta, Raatabhugenyi ˆnaayambaara ayeeyi na Pawuro, ˆnaamubhwira ati, “Komeesha omutima! Kwa okubha rwa kutyo ꞉waaikire amangʼana gaani Yerusareemu anu, nikwo kutyokutyo eyeendwa ugaaike na mu-musi gwa Ruumi.”

Ebhikorwa bhya Abhatumwa 5:34

Mw-ibharaja ayo ꞉aariga ariwo Omufarisaayo wumwi, riisiina ryaye ˆnaatogwa Gamariyeri. Gamariyeri uyo ꞉aariga ari mwiyigisha wa ebhiraagiro bhya Musa, na ꞉aariga ˆnaayaanwa ekibharo na abhaanu bhoone kutyo. ˆNaayambaara, ˆnaasiiga ati abhatumwa bhawuruke anja kutooto.

Abharuumi 9:16

Mmbe raabhe ni kutyo, Nyamuwanga niwe kaaramura okukora gayo okuriingʼaana na ekigongo kyaye era, itari kuriingʼaana na obhwikomeesha bhwa omuunu, amwi ati bhukene bhwa omuunu uyo.

1 Abhakorinto 1:23

Nawe eswe, ekiraasha amangʼana iiguru ya Kiriisitu unu ꞉aasungirwe ku-musarabha. Amangʼana gayo agafururusha Abhayawudi, na ku-Bhayunaani ni mangʼana ga kisiru.

1 Abhakorinto 2:2

Bhunu ꞉naariga niri kw-imwe, ꞉naaramuuye ati, naaikire Yeesu Kiriisitu era, munomuuno, naaikire okusungwa kwaye ku-musarabha.

1 Abhakorinto 9:24

Angu, mutakumenya ati bhanu abhabhirimyaanya, abhabhirima bhoone kutyo, nawe unu kaanyoora ekiyaanwa ni wumwi era? Mmbe, mubhirime muno, insonga munyoore ekiyaanwa.

1 Abhakorinto 9:26

Anye noone enibhirimyaanya kutyokutyo, nitari rwa unu atakumenya kinu kaabhirimira, na nitakubhuma ebhikundi rwa omuunu unu kaabhuma omuyaga.

2 Abhakorinto 12:1

Eneendwa nigenderere okwikumangya, raabhé kutyo itakusakira kyonekyone. Nawe woori eneenda okwikumangya iiguru ya ebhiroro na amangʼana agandi ganu Raatabhugenyi ꞉aantuuriiye abhweru.

Abhagaraatiya 1:12

Amangʼana gayo nitagaramiiye amwi ati kwiyigisibhwa kusooka ku-muunu woonewoone. Nawe Yeesu Kiriisitu omwene niwe ꞉aagantuuriiye abhweru.

Abhagaraatiya 1:16

bhunu ꞉aarorere ati ni kujomu antuurire abhweru, nimenye kutyo Omwana waaye ari. ꞉Aakorere kutyo, insonga niraashe Amangʼana Amajomu aga Omwana waaye ku-bhaanu bhanu bhatari Bhayawudi. ꞉Eejire aansora, ꞉niteekaaye okukora ekiina na muunu woonewoone.

Abhagaraatiya 1:6

Enibharuguura muno! Ni kabhaga kafuyi era kanu kaaturire, ayo era mwambire okusiga okwikirisha Nyamuwanga unu ꞉aabhabhirikiiye okuturira ku-nema ya Kiriisitu! Omwamba okuseeta ameeyigisho agandi ganu abhaanu abhandi abhaaika ati nigo Amangʼana Amajomu.

Abhagaraatiya 2:6

Nawe abhatangasha bha riikanisa bhayo, bhanu ꞉bhaariga bhari na ekibharo muno mu-bhaanu, ꞉bhaariga bhatari na engʼana rindi ryoneryone eyaaya erya okumbwira. Ni kimari ꞉bhaariga mbayaanwa ekibharo muno, nawe anye riyo ritakunsaasa, kwa okubha Nyamuwanga atakwigana ekibharo kya muunu.

Abhagaraatiya 2:9

Mmbe bhunu abhatangasha abhakuru, Yakobho, Keefa na Yowana, ꞉bhaamarire okumenya ati Nyamuwanga niwe ꞉aanaaye emirimu ginu okuturira ku-nema yaaye, mbakigwata amabhoko anye na Bharinaabha okweresha obhuyimbani bhwebhwe kw-iswe. Nkiikirishaanya ati eswe kigende okukora emirimu ku-bhaanu bhanu bhatari Bhayawudi, abheene bhakore emirimu ku-Bhayawudi.

Abhagaraatiya 5:7

Ku-bhwambiro, mwariga mugenda kujomu! Ni niga kweki unu abhagaanyiishe okugwata ameeyigisho ga ekimari?

Abhafiripi 2:16

Na mugwatire Riingʼana rya Nyamuwanga, riyo niryo eribhayaana obhurame bhunu bhutakuweera. Mukore kutyo insonga niiyeeme ku-rusuku runu Kiriisitu ariija, ati ꞉nitaakorere mirimu gya bhusa, amwi ati ꞉neenyanshaga bhusa.

Abhafiripi 2:29

Muramire kujomu Omukiriisitu weejaanyu uyo. Omuunu woonewoone rwa uyo, mumuyaane ekibharo.

1 Abhateesaroonike 3:5

Ku-nsonga iyo bhunu ꞉naataamiibhwe okusimbiira kweki, nintuma Timoteeyo kw-imwe, insonga nimenye kutyo omugenderera ku-bhwikirisha bhwemwe. ꞉Naamutumire abhasakire insonga Sitaani aasiga kuuja ˆnaabhasakya, kimwi emirimu gyeswe kw-imwe, ngibha ati kyakoreeye bhusa.

2 Timoteeyo 4:7

Nirwanire kujomu riiremo, orugendo naarumarire, obhwikirisha bhwani nibhwangariiye.

Abhaebhuraaniya 12:1

Mmbe, kwa okubha kiiyindirwe na ekiringirwa na bhaanu bhaafu muno bhanu bhakitangatiiye mu-bhwikirisha, eswe kyone kisooshe-wo ebhiinu bhyone kutyo bhinu ebhikiyinga, na ebhikayo bhinu bhikyumiiye-ko. Kiikomeeshe okukora ganu Nyamuwanga akituuriiye-wo rwa omuunu unu kaabhirima asimbiirire.