Abhagaraatiya 2:16 - Iimuuma Iinyaaya

¹⁶ Nawe kimenyere ati, omuunu atakutura kubharwa ati ni murengeresi ku-Nyamuwanga, ku-kugwata ebhiraagiro bhya Musa, tari, ni kuturira okwikirisha Yeesu Kiriisitu omwene era. Okubha kutyo eswe kyone, kiikirisiishe Kiriisitu Yeesu, insonga kibharwe na Nyamuwanga ati kiri bharengeresi, okuturira obhwikirisha bhuyo, itari okugwata ebhiraagiro bhya Musa. Ni kimari ati atariwo muunu unu kaatura okubharwa ati ni murengeresi mu-meeso ga Nyamuwanga, okuturira obhugwati bhwa ebhiraagiro bhya Musa.

Abhagaraatiya 2:16 Iomraidhean Croise

Abhafiripi 3:9

nigwatane nawe. Nitakyeesiga kweki okunyoora bhurengeresi bhunu abhanyoora bhakagwatira ebhiraagiro, tari eniisiga obhurengeresi bhunu ekinyoora okusooka ku-Nyamuwanga kikeekirisha Kiriisitu.

Abharuumi 9:30

Mmbe woori, kyaikire kutiki amangʼana gayo? Abhaanu bhanu bhatari Bhayawudi ꞉bhaariga bhatakwagara obhurengeresi mu-meeso ga Nyamuwanga, nawe Nyamuwanga ꞉aabhabhariiye obhurengeresi okuturira obhwikirisha bhwebhwe ku-Kiriisitu.

1 Peetero 3:18

Yeesu Kiriisitu woone ꞉aanyankire rumwi era ku-nsonga ya ebhikayo bhya abhaanu bhanu bhatari bharengeresi, insonga akigwatanye na Nyamuwanga. Nawe omwene ꞉aariga ari murengeresi. ꞉Eetirwe omubhiri, ˆnaayaanwa obhuworu okuturira ku-Mwoyo Omutaakatiifu.

Abharuumi 4:2

Raabhe Bhurayimu akabheeye abhariiywe obhurengeresi mu-meeso ga Nyamuwanga okuturira ku-bhikorwa bhyaye ebhijomu, ari na ekiinu kya okwiyeemera. Nawe, atari na kyonekyone ekya okwiyeemera mu-meeso ga Nyamuwanga.

1 Peetero 2:24

Yeesu ꞉aagegere ebhikayo bhyeswe ku-mubhiri gwaye, ˆnaabhambwa ku-musarabha, insonga kifwe ku-mangʼana ga ebhikayo, na kiikare kirengeresiishe ku-ganu Nyamuwanga kaakena mu-bhurame bhweswe. Yeesu okuwutaasibhwa, emwe ꞉mwaworere.

Abharuumi 8:3

Ebhiraagiro bhya Musa ꞉bhyariga bhitari na amanaga ga okukikora kiiyagaare, kwa okubha obhusimukwa bhweswe obhwa ebhikayo ꞉bhwariga bhuri na amanaga. Nawe kinu ebhiraagiro bhiyo ꞉bhitaaturire okukora, Nyamuwanga ꞉aakorere. ꞉Aatumire Omwana waaye omwene, aaje kw-iswe mu-kyaro ari muunu rwa eswe abha ebhikayo, insonga abhe ekimweso ku-nsonga ya ebhikayo bhyeswe. Ku-riyo, Nyamuwanga ꞉aamarire-wo amanaga ga ebhikayo mu-bhurame bhweswe.

Abharuumi 3:30

Ariwo Nyamuwanga wumwi era, na iriwo njira yimwi era eya okubharira abhaanu obhurengeresi mu-meeso gaaye. Abhayawudi na bhanu bhatari Bhayawudi, bhoone kutyo abhabharwa na Nyamuwanga ati ni bharengeresi okuturira ku-kwikirisha Yeesu era.

Abharuumi 1:17

Amangʼana Amajomu gayo ageeresha abhweru kutyo Nyamuwanga kaabharira abhaanu obhurengeresi. Kaabhabharira ati ni bharengeresi okuturira ku-bhwikirisha era. Ni rwa kutyo Amakaamo Amataakatiifu agaaika ati, “Omurengeresi kaarama okuturira ku-bhwikirisha bhwaye.”

1 Yowana 1:7

Nawe, raabhe kikeekara mu-bhweru, rwa Nyamuwanga kutyo ari mu-bhweru, niwe ekibha kiyimbeene eswe abheene na abheene. Na amaanyinga ga Omwana waaye Yeesu agakyesha ebhikayo bhyeswe bhyone kutyo.

2 Peetero 1:1

Iinyarubha inu eniyikaama anye Simooni Peetero, omujuuma, na omutumwa wa Yeesu Kiriisitu. Enibhakaamira emwe bhanu okuturira obhurengeresi bhwa Yeesu Kiriisitu, uyo niwe Nyamuwanga na Omwerusi weeswe, munyoorere obhwikirisha bhwa iisamaani, bhunu eswe kyone kiikirisiishe.

Obhusomboorerwa 7:9

Bhunu gayo ꞉gaaturire, nindora ekiroro ekindi. ꞉Naarorere riisangi enene erya abhaanu. Abhaanu bhayo ꞉bhaariga bhatakubharwa. ꞉Bhaariga bhasookere mu-bhyaro bhyone kutyo, na amayito goone kutyo, bhaanu bha nganda na nyaaika gyone kutyo. Abhaanu bhayo ꞉bhaariga bhayambaaye imbere ku-kitebhe kya ekikama na mu-meeso ga Iingʼondi ya Nyamuwanga. Bhafwayega ngibho ndeera nyeru, na ꞉bhaariga bhagwatiriiye amatabhi ga emitende.

Abhagaraatiya 5:4

Raabhe omwenda mubharwe ati muri bharengeresi ku-Nyamuwanga okuturira ku-bhugwati bhwa ebhiraagiro bhya Musa, mumenye ati mwiyawuuye ku-Kiriisitu, na muri areera na iinema ya Nyamuwanga.

1 Abhakorinto 6:11

Na abhandi agati weemwe ꞉mwariga muri kutyo. Nawe woori, okuturira kw-isiina rya Raatabhugenyi weeswe Yeesu Kiriisitu, na ku-Mwoyo wa Nyamuwanga, mwesiibhwe, mubharwa ati muri bharengeresi mu-meeso ga Nyamuwanga.

Yowana 20:31

Nawe ebhimenyegesho bhinu bhiri mu-kitabho kinu, ꞉bhyakaamirwe insonga mwikirishe ati Yeesu niwe Kiriisitu, Omwana wa Nyamuwanga, na mukeekirisha, mubhe na obhurame bhunu bhutakuweera, okuturira kw-isiina ryaye.

Abhagaraatiya 4:5

꞉Aabheeye mugwati wa ebhiraagiro bhya Musa, insonga atuurye, bhanu ꞉bhaariga bhari bhagwati bha ebhiraagiro bhiyo. ꞉Aakorere kutyo, insonga kiramirwe na Nyamuwanga kibhe bhaana bhaaye.

Obhusomboorerwa 7:14

Niimusubhya ati, “Ee raatabhugenyi waani, awe ni awe umenyere.” ˆNaambwira ati, “Bhayo ni bhanu abhasooka mu-nyanko iinene irya. Abheene bhafurire gingibho gyebhwe mu-maanyinga ga Iingʼondi ya Nyamuwanga gyerere pee.

1 Peetero 1:2

Raata Nyamuwanga ꞉aariga abhamenyere okwambira kara eyo ˆnaabhasora. Okuturira okwesibhwa na Mwoyo Omutaakatiifu, ꞉aabhakorere mubhe bhataakatiifu, insonga mumuungwe na mwesibhwe na amaanyinga ga Yeesu Kiriisitu. Nyamuwanga abhoongeshe iinema na omurembe.

Abharuumi 4:24

tari ꞉gaakaamirwe na ku-nsonga ya eswe kyone kutyo. Amangʼana gayo agakibhwira ati kikeekirisha Nyamuwanga unu ꞉aasuurire Yeesu Raatabhugenyi weeswe okusooka mu-bhafuuye, niwe eswe kyone ekibharwa na Nyamuwanga ati kiri bharengeresi.

Ebhikorwa bhya Abhatumwa 4:12

“Na bhutariwo bhwerusha ku-bhundi, kwa okubha mu-kyaro anu kiyaaywe esiina rya Yeesu Kiriisitu era, niryo eritura okwerusha abhaanu!”