Abhagaraatiya 2:11 - Iimuuma Iinyaaya

¹¹ Nawe bhunu Keefa ꞉eejire mu-musi gwa Antiyokiya, rusuku rumwi ꞉naaremere amangʼana gaaye abhweru, kwa okubha ꞉aariga ayabhire.

Abhagaraatiya 2:11 Iomraidhean Croise

1 Timoteeyo 5:20

Tari abhakaruka bhanu abhagenderera okukora ebhikayo, ubhagonye mu-meeso ga abhandi bhoone kutyo, insonga abhandi bhoone bhoobhaye.

Abhagaraatiya 2:14

Nawe bhunu ꞉naarorere ati bhatakukora kutyo ekimari kya Amangʼana Amajomu ekyenda, nimbwirira Keefa mu-meeso ga abhaanu bhoone kutyo ati, “Awe uri Muyawudi, nawe owukoraga kutyo abhaanu bhanu bhatari Bhayawudi abhakora. Kubhaki woori usiige bhanu bhatari Bhayawudi okuseeta gintungwa gya Ekiyawudi?”

2 Abhakorinto 5:16

Mmbe, okwambira woori kitakurengekanya kweki omuunu woonewoone rwa kutyo abhaanu abharengekanya. Raabhé kutyo riibhaga riirebhe ꞉kyariga nkirengekanya Kiriisitu kutyo, nawe woori kitakyakora kutyo kweki.

Ebhikorwa bhya Abhatumwa 15:1

Mmbe, abhaanu abhandi mbasooka Ebhuyawudi, mbooromokera mu-musi gwa Antiyokiya ayo. Kimwi mbaamba okwiyigisha Abhakiriisitu mbaaikaga ati, “Emwe! Raabhe mutasaarirwe era, okuriingʼaana na gintungwa ginu Musa ꞉aakisigiiye, mutakutura okwerusibhwa.”

Yuuda 1:3

Abheendwa bhaani, naaneendere muno ati nibhakaamire iiguru ya obhwerusha bhunu obhukigwatanya kyone kutyo amwi. Nawe woori enirora ati yeenderwe nibhakaamire iinyarubha inu nimbesaasaama era ati, murwanirire obhwikirisha bhunu Nyamuwanga ꞉aayaaye abhataakatiifu, rumwi era.

Yakobho 3:2

Ni kimari ati, abhaanu bhoone kutyo abhayabha ku-mangʼana maafumaafu. Omuunu unu atakuyabha ku-ganu kaaroma, omuunu uyo ni murengeresi, kaatura okuyinga na omubhiri gwaye gwone kutyo.

Abhagaraatiya 2:9

Mmbe bhunu abhatangasha abhakuru, Yakobho, Keefa na Yowana, ꞉bhaamarire okumenya ati Nyamuwanga niwe ꞉aanaaye emirimu ginu okuturira ku-nema yaaye, mbakigwata amabhoko anye na Bharinaabha okweresha obhuyimbani bhwebhwe kw-iswe. Nkiikirishaanya ati eswe kigende okukora emirimu ku-bhaanu bhanu bhatari Bhayawudi, abheene bhakore emirimu ku-Bhayawudi.

Abhagaraatiya 2:7

Abhatangasha bhayo ꞉bhaamenyere ati, Nyamuwanga ꞉aantumire niraashe Amangʼana Amajomu aga Yeesu ku-bhaanu bhanu bhatasaarirwe, rwa kutyo ꞉aatumire Peetero araashe ku-bhanu bhasaarirwe.

Abhagaraatiya 2:5

Eswe ꞉kitaasakire okwikirishaanya nabho, insonga ekimari kya Amangʼana Amajomu kigenderere okubha na emwe nsiku gyone kutyo.

2 Abhakorinto 12:11

Enaaika rwa omutengʼo, nawe ni emwe omukora naaike kutyo. Emwe ꞉mwariga mwendwa munkumangye. Raabhé kutyo abhandi omundora ati, niteesire, anye nitari mutumwa mutooto okukira bhanu abhabhirikirwa ati abhatumwa abhakuru.

Mataayo 16:23

Nawe Yeesu ˆnaamwikebhuukira, ˆnaamubhwira ati, “Subha iinyuma Sitaani! Owuyinga nisige okukora ganu Nyamuwanga keenda! Awe utakwiganiirisha aga Nyamuwanga, tari obhwiganiirisha bhwawo ni bhwa abhaanu era.”

2 Abhakorinto 11:5

Anye nitakwirora ati niri mutooto okukira bhanu abhaaika ati ni bhatumwa abhakuru.

Ebhikorwa bhya Abhatumwa 11:19

Mmbe, abheeyigira bhanu ꞉bhaanyarageene ku-nsonga ya ebhinyansho okuseetana na okwitwa kwa Sitefwano, mbeerukira mu-bhyaro bhya Foyinike, Kiipuro, na mu-musi gwa Antiyokiya. Eyo woone, mbaamba okwiyigishaga amangʼana iiguru ya Raatabhugenyi Yeesu ku-Bhayawudi era.

Yowana 1:42

Niwe Ndereya ˆnaasira Simooni ku-Yeesu. Yeesu ˆnaaringira Simooni, ˆnaamubhwira ati, “Awe ni Simooni, omwana wa Yowana. Nawe okwambira woori, riisiina ryawo eriija okubha Keefa.” Riisiina riyo mu-Kiyunaani ni Peetero, insonga yeende-ko, ni “Etare.”

Ebhikorwa bhya Abhatumwa 11:20

Mu-bheeyigira bhayo, abhandi ꞉bhaariga bhasookereeye Kiipuro na Kureene, na bhunu ꞉bhaayikire Antiyokiya, mbaaika na bhanu bhatari Bhayawudi mbabheeyigishaga Amangʼana Amajomu aga Raatabhugenyi Yeesu.

Ebhikorwa bhya Abhatumwa 11:22

Amangʼana gayo ngayika mw-ikanisa rya Yerusareemu. Bhunu ꞉bhaagoonguuywe, mbatuma Bharinaabha agende Antiyokiya.

Ebhikorwa bhya Abhatumwa 11:27

Mu-nsiku giyogiyo, abharagi mbaaja okusookerera Yerusareemu, mbasangira Antiyokiya ayo.

Ebhikorwa bhya Abhatumwa 15:5

Niwe abhaanu abhandi abha iidiini ya Abhafarisaayo bhanu ꞉bhaariga bheekirisiishe Yeesu, mbayambaara mbaaika ati, “Bhoone kutyo bhanu bhatari Bhayawudi, woori kibhasiige bhoone bhasaarwe, na bheeyigisibhwe okugwata ebhiraagiro bhya Musa bhyone kutyo.”

Abhagaraatiya 1:18

Bhunu ꞉gyaturire myaka esatu, ningenda Yerusareemu, insonga nirorane na Keefa eyo. Niikara ewa Keefa nsiku ekumi na etaanu era.