Abhafiripi 4:4 - Iimuuma Iinyaaya

⁴ Mujomerwega ku-nsiku kwa okubha muri bhaanu bha Raatabhugenyi, enaaika kweki ati mujomerwe!

Abhafiripi 4:4 Iomraidhean Croise

Mataayo 5:12

Mujomerwe, mubhe na orugirigiri, kwa okubha Nyamuwanga abhatuuriiye-wo ekiyaanwa kinene mu-rwire. Mwasiga okuruguura kwa okubha nikwo kutyo ꞉bhaanyansiishe na abharagi bha kara.”

Ebhikorwa bhya Abhatumwa 16:25

Bhunu ꞉yaayikire mu-bhwire agati, Pawuro na Siira ꞉bhaariga mbasaasaama Nyamuwanga, mbeembaga na ameembo ga okumukumangya. Abhabhoywa bheejaabho ꞉bhaariga bhamaamire mbabheetegeereshaga.

Ebhikorwa bhya Abhatumwa 5:41

Abhatumwa bhayo mbasooka mw-ibharaja enu bhajomeeywega, kwa okubha nikwo kutyo Nyamuwanga abhabhariiye okujeerwa ku-nsonga ya riisiina rya Yeesu.

Abharuumi 12:12

Mujomererwe obhwisige bhunu muri nabhwo ku-Nyamuwanga. Musimbiire mu-kabhaga ka iinyanko, mugenderere okusaasaama Nyamuwanga.

2 Abhakorinto 6:10

Kiri muna kisurumbaaye, nawe kabhaga koone kutyo kijomeeywe. Kiri rwa abhatobhu, nawe kiniibhiishe bhaafu. Kiri rwa bhanu bhatari na kiinu kyonekyone, nawe kiri na ebhiinu bhyone kutyo.

Abhagaraatiya 1:8

Raabhe muunu woonewoone, ibhe ati asookere kw-iswe abheene, amwi ati maraayika okusooka mu-rwire, akabharaasisha amangʼana ganu gatakuriingʼaana na ganu eswe ꞉kyabharaasisiishe, omuunu uyo eeyiimwe na Nyamuwanga!

Abhafiripi 2:18

Mmbe woori, emwe mwone kutyo mujomerwe, kweki enaaika ati mujomerwe amwi na anye.

Abhafiripi 3:1

Mmbe woori, Bhakiriisitu bheejaasu enibhabhwira ati mujomerwe kwa okubha muri bhaanu bha Raatabhugenyi Yeesu. Anye nitakuyigwa okubhakaamira mangʼana garyagarya ganu niramarire okubhakaamira, nimenyere ati insubhiirisha iyo eyiija okubhasakira.

1 Peetero 4:13

Nawe mujomerwe kwa okubha omuyimbana na Yeesu Kiriisitu mu-kunyanka kwaye, insonga mujomerwe muno ku-rusuku runu obhugungyo bhwaye bhurituurwa ku-bhweru.