Abhafiripi 4:3 - Iimuuma Iinyaaya

³ Enikusabha awe woone omujuuma weejaasu omwitongeeye, usakire abhagasi abhabhiri bhanu, bhabhe na mugambirano gumwi. Bhabhe kutyo kwa okubha ꞉bhaariga bhari amwi na anye na Kirementi na abhajuuma bheejaasu abhandi bhanu amasiina geebhwe gakaamirwe mu-kitabho kya Obhurame, abhagasi bhayo ꞉bhaakorere muno emirimu gya okuraasha Amangʼana Amajomu aga Yeesu.

Abhafiripi 4:3 Iomraidhean Croise

Ruuka 10:20

Nawe, musige kujomererwa kutyo ebhiwi ebhibhoongwa. Tari, mujomererwe riingʼana rinu, ati amasiina geemwe gakaamirwe mu-rwire.”

Abharuumi 12:1

Woori Bhakiriisitu bheejaasu, mumenyere kutyo Nyamuwanga kaakifwira ekigongo. Mmbe, enibheesaasaama ati, mwisooshe emwe abheene ku-Nyamuwanga. Mubhe rwa ebhimweso bhinu ebhirora, ebhitaakatiifu, bhinu ebhijomisha Nyamuwanga. Kiyo nikyo ekiramyo kinu kiri na obhwera ku-Nyamuwanga.

Abharuumi 16:12

Munkeesishe Tirifayina na Tirifosa. Abhagasi bhayo abheekomeesha muno okukora emirimu gya Raatabhugenyi Yeesu Kiriisitu. Munkeesishe na omwende waani Peresisi. Omugasi unu woone eekomeesiishe muno okukora emirimu gya Raatabhugenyi Yeesu Kiriisitu.

Abharuumi 16:9

Munkeesishe Wuribhano, omujuuma weejaasu owa emirimu gya Kiriisitu, na omwende waani Sitaku.

Abhafiripi 1:12

Mmbe woori Bhakiriisitu bheejaasu, eneenda mumenye kujomu ati amangʼana goone kutyo ganu ꞉gaanyoorere, gaasakiiye muno okuraasha Amangʼana Amajomu.

Abhafiripi 1:16

Bhanu bheerere emitima abhakora kutyo kwa okubha bhaanyendere, bhamenyere kujomu ati nituuywe ku-mirimu ginu insonga nirwanirire Amangʼana Amajomu.

Abhafiripi 1:27

Riingʼana rinu omwendwa mukore ni ati, gintungwa gyemwe gibhe rwa kutyo Amangʼana Amajomu aga Kiriisitu agaaika. Mukore kutyo insonga nikabha niijire eyo amwi ati nitaamiibhwe okuuja, nuungwe ati omugenderera kujomu, musimbiirire na mugwateene muri bhamwi mu-mitima, okurwanirira obhwikirisha bhunu ekinyoora okuturira ku-Mangʼana Amajomu.

Abhafiripi 1:5

kwa okubha emwe muyimbeene na anye ku-mirimu gya okuraasha Amangʼana Amajomu okwambira orusuku runu ꞉mwoonguuywe, mwikirisha, na reero.

Abhafiripi 1:7

Ni mirimu gyani okwiganiirisha ganu kw-imwe mwone kutyo, kwa okubha muri mu-mutima gwani. Muyimbeene na anye ku-nema ya Nyamuwanga, mu-kabhaga kanu nibhoyerwe mu-jeera, na bhunu ꞉naariga niri na emirimu gya okubhwira abhaanu Amangʼana Amajomu.

Abhafiripi 4:2

Enibheesaasaama muno Ewodiya na Siintike, muungwane, mubhe na omugambirano gumwi, kwa okubha emwe mwone kutyo muri bhaanu bha Raatabhugenyi Yeesu.

Abhakorosaayi 1:7

Emwe ꞉mweeyigiiye Amangʼana Amajomu gayo okusooka ku-Epafura. Omwene kaakora emirimu na eswe, ni mujuuma weejaasu omwende, ni muunu mwitongeeye wa Kiriisitu ku-nsonga yeemwe.

Obhusomboorerwa 13:8

Abhaanu bhoone kutyo kyaro kigima mbaramya intyanyi iyo, tari bhanu amasiina geebhwe gakaamirwe mu-Kitabho kya Obhurame. Ekitabho kiyo nikyo ekya Iingʼondi ya Nyamuwanga unu ꞉eetirwe kara ekyaro kikyari okubhumbwa, bhayo nibho bhatariyiramya.

Obhusomboorerwa 17:8

Intyanyi iyo waarora, ꞉yaariga iriwo niimara niifwa. Nawe woori iri ayeeyi okusuuka okusooka mw-itoko rya nyombe, nawe Nyamuwanga kaaja okuyiita. Na abhaanu bhoone kutyo mu-kyaro bhanu bhusimukwa amasiina geebhwe ꞉gataakaamirwe mu-kitabho kya Obhurame, bhariruguura okurora intyanyi iyo, kwa okubha ꞉yaariga iriwo, niimara niifwa, nawe kweki yaasuuka!”

Obhusomboorerwa 20:12

Nindora abhafuuye bhoone kutyo, bhanu ꞉bhaariga bhari na ekibharo na bhanu ꞉bhaariga bhatari na ekibharo bhayambaaye imbere wa ekitebhe ekya ekikama kiyo. Niwe ebhitabho bhinu ꞉bhyariga bhikaamirwe-mo ebhikorwa bhya abhaanu bhoone kutyo mbifumburwa. Ekitabho kya obhurame kyone nkifumburwa. Abhafuuye bhoone kutyo mbaramurirwa okuriingʼaana na ebhikorwa bhyebhwe kutyo bhikaamirwe mu-bhitabho bhiyo.

Obhusomboorerwa 20:15

Na omuunu woonewoone unu riisiina ryaye ritakaamirwe mu-kitabho kya obhurame, ꞉eeserwe mw-ibheri muyo.

Obhusomboorerwa 21:27

Nawe kitaribha-wo kiinu kijabhi, omubheeyi, amwi ati mukosi wa amabhiibhi woonewoone, unu ariingira mu-musi guyo. Tari bhanu bhariingira mu-musi guyo ni bhanu amasiina geebhwe gakaamirwe mu-kitabho kya obhurame ekya Iingʼondi ya Nyamuwanga.

Obhusomboorerwa 3:5

Omuunu unu ariyiga, nirimufwafya ingibho iinyeru rwa bhayo. Nitarisoosha riisiina ryaye mu-kitabho kya obhurame, tari nirimwikirisha mu-meeso ga Raata, na mu-meeso ga bhaamaraayika bhaaye, ati unu ni waani.