Abhafiripi 4:1 - Iimuuma Iinyaaya

¹ Mmbe woori, Bhakiriisitu bheejaasu, nibheendere na nirangire muno okurorana na emwe. Ni emwe omukora ninjomerwa, na ni emwe orusuurya rwani runu niriyaanwa ku-nsonga ya emirimu ginu naakorere. Mmbe woori bheendwa bhaani, omwendwa mwikare muyimbeene na Raatabhugenyi.

Abhafiripi 4:1 Iomraidhean Croise

Mataayo 10:22

Abhaanu mbarika gyone kutyo bharibhasoka ku-nsonga yaani. Nawe, woonewoone unu arisimbiira okuyikira ku-bhuteero, uyo niwe aryerusibhwa.

Yowana 8:31

Mmbe, Yeesu ˆnaabhabhwira Abhayawudi bhanu ꞉bhaamwikirisiishe ati, “Raabhe mukagwatira riingʼana ryani, kimari omubha bheeyigira bhaani.

Ebhikorwa bhya Abhatumwa 11:23

Bhunu Bharinaabha ꞉aayikire eyo, ˆnaarora kutyo Nyamuwanga ꞉aayaanaga abhaanu iinema yaaye, ˆnaajomerwa muno. ˆNaagendereraga okubhabhwira bhagenderere okugwatana na Raatabhugenyi ku-mitima gyebhwe gyone kutyo,

Ebhikorwa bhya Abhatumwa 14:22

Anu ꞉bhaaturaga, ꞉bhaariga mbakomeesha abheeyigira emitima, mbabhabhwira bhagenderere ku-bhwikirisha bhwebhwe. Mbabhabhwira ati, “Iisire eswe kiturire mu-bhinyansho bhyafu niwe kiingire mu-bhukama bhwa Nyamuwanga.”

Ebhikorwa bhya Abhatumwa 2:42

Abheeyigira bhayo ꞉bhaaramire ku-bhumwi bhuyo, mbeeyigiraga ameeyigisho ga abhatumwa bha Yeesu, na okuriira amwi, mbajomererwaga okurya kw-igari rya Raatabhugenyi, na okusaasaama Nyamuwanga.

Abharuumi 2:7

Abhaanu bhanu Nyamuwanga ariyaana obhurame bhunu bhutakuweera, ni bhanu bhakomeeye okukora amajomu, kwa okubha abhaagara okugungibhwa na Nyamuwanga, ekibharo na obhurame bhunu bhutakunyamuka.

1 Abhakorinto 15:58

Mmbe, Abhakiriisitu bheejaasu abheende, mukomeere mu-bhwikirisha, mwasiga okufwa emitima. Ku-nsiku mugenderere muno okukora emirimu gya Raatabhugenyi, kwa okubha mumenyere ati, emirimu ginu omukora gitari bhusa, tari omukora ku-nsonga ya Raatabhugenyi.

1 Abhakorinto 16:13

Mwiyangarire, mukomeere mu-bhwikirisha, mubhe na riibhaasi na amanaga.

2 Abhakorinto 1:14

Raabhé kutyo woori anu omukisombookerwa kutooto era, omuuja okusombookerwa kujomu ati, orusuku runu Raatabhugenyi weeswe Yeesu arisubha, muriikumangya ku-nsonga yeeswe, rwa kutyo eswe kyone ekiikumangya ku-nsonga yeemwe.

Abhagaraatiya 5:1

Kiriisitu ꞉aakiyaaye obhwiyagaaro, insonga kiikare kiiyagaarire. Mmbe woori, mwikomeeshe, mwasiga okwikirisha okusubha kweki mu-bhugaya bhwa ebhiraagiro.

Abhafiripi 1:27

Riingʼana rinu omwendwa mukore ni ati, gintungwa gyemwe gibhe rwa kutyo Amangʼana Amajomu aga Kiriisitu agaaika. Mukore kutyo insonga nikabha niijire eyo amwi ati nitaamiibhwe okuuja, nuungwe ati omugenderera kujomu, musimbiirire na mugwateene muri bhamwi mu-mitima, okurwanirira obhwikirisha bhunu ekinyoora okuturira ku-Mangʼana Amajomu.

Abhafiripi 1:8

Kutyo enikomeeresha ati eniranga okurorana na emwe kweki, Nyamuwanga woone amenyere ati enaaika ekimari. Nibheendere muno rwa kutyo Kiriisitu Yeesu abheendere.

Abhafiripi 2:16

Na mugwatire Riingʼana rya Nyamuwanga, riyo niryo eribhayaana obhurame bhunu bhutakuweera. Mukore kutyo insonga niiyeeme ku-rusuku runu Kiriisitu ariija, ati ꞉nitaakorere mirimu gya bhusa, amwi ati ꞉neenyanshaga bhusa.

Abhafiripi 2:26

Naamutuma eyo kwa okubha omwene woone ꞉aariga ˆnaaranga okurorana na emwe mwone kutyo. Na omwene ꞉aasurumbaaye muno ꞉eejire oongwa ati ꞉mwanyoorere amangʼana ati ꞉aariga arwaye.

Abhakorosaayi 4:12

Epafura, omujuuma wa Kiriisitu Yeesu, omuunu wa ewaanyu eyo, kaabhakeesha. Akomeeye muno okubhasabhira insonga mukomeere, mugenderere okusimbiira mu-bhwikirisha bhwemwe, mumenye kujomu ganu Nyamuwanga keenda.

1 Abhateesaroonike 3:13

Kweki abhasimbiishe emyoyo gyemwe gyasiga okubha na esoro, na mubhe bhaanu bha mitima myeru. Mwasiga okubha na ekikayo mu-meeso ga Nyamuwanga, Raata, bhunu Raatabhugenyi weeswe Yeesu ariija, ari na abhataakatiifu bhaaye bhoone kutyo.

2 Abhateesaroonike 2:15

Woori Bhakiriisitu bheejaasu, musimbiire, na mugwate ameeyigisho ganu ꞉mwaramiiye okuturira ku-mangʼana geeswe ganu ꞉kyaraasiishe, na ganu kyabhakaamiiye mu-nyarubha gyeswe.

2 Timoteeyo 2:1

Mmbe woori, mwana waani omwende Timoteeyo, komeera ku-nema inu Kiriisitu Yeesu akiyaaye.

Abhaebhuraaniya 10:23

Kiikomeeshe muno okugwatirira ganu ekiigamba na okwisiga, kwa okubha Nyamuwanga unu ꞉aaragire, akaaika aaikire.

Abhaebhuraaniya 3:14

Enaaika kutyo kwa okubha ekiija okuyimbana na Kiriisitu, raabhe kikagenderera okumwisiga okuyikira ku-bhuteero, rwa kutyo ꞉kyariga nkimwisiga bhunu ꞉kyaambire okwikirisha.

Abhaebhuraaniya 4:14

Mmbe, raabhe kiri na Omushengesi Omukuru unu ꞉eengiiye mu-rwire, Yeesu Omwana wa Nyamuwanga, ku-nsonga iyo, kyangarire muno amangʼana ganu ekiigamba.

2 Peetero 3:17

Nawe emwe abheendwa bhaani, kwa okubha woori mwabhamenyere, mwiyangarire, bhataaja okubhayabhya mbabhatuura mu-bhujeemi bhwebhwe, kimwi mwone mujeema musooka ku-bhusimbiiru bhwemwe.