Abhafiripi 3:9 - Iimuuma Iinyaaya

⁹ nigwatane nawe. Nitakyeesiga kweki okunyoora bhurengeresi bhunu abhanyoora bhakagwatira ebhiraagiro, tari eniisiga obhurengeresi bhunu ekinyoora okusooka ku-Nyamuwanga kikeekirisha Kiriisitu.

Abhafiripi 3:9 Iomraidhean Croise

Mataayo 9:13

Mmbe, mwiyigire insonga ya amangʼana ga Nyamuwanga mu-Makaamo Amataakatiifu ganu agaaika ati, ‘Eneenda abhaanu bhafwiranire ekigongo okukira okusoosha ekimweso.’ Mmbe, anye niteejire okubhirikira bhanu abheerora ati ni bharengeresi mu-meeso ga Nyamuwanga, tari niijire ku-nsonga ya abhakosi bha ebhikayo.”

Abharuumi 1:17

Amangʼana Amajomu gayo ageeresha abhweru kutyo Nyamuwanga kaabharira abhaanu obhurengeresi. Kaabhabharira ati ni bharengeresi okuturira ku-bhwikirisha era. Ni rwa kutyo Amakaamo Amataakatiifu agaaika ati, “Omurengeresi kaarama okuturira ku-bhwikirisha bhwaye.”

Abharuumi 10:10

Omuunu akeekirisha Yeesu Kiriisitu okusookerera mu-mutima gwaye, kaabharwa ati ni murengeresi mu-meeso ga Nyamuwanga. Na okuturira ku-munwa, omuunu akeekirisha keerusibhwa.

Abharuumi 16:7

Munkeesishe Ndereniko na Yuuniya. Bhayo ni Bhayawudi bheejaasu bhanu ꞉bhaariga bhabhoyerwe amwi na anye mu-jeera. Abheene ꞉bhaantangatiiye okwikirisha Kiriisitu, ni bhaanu bhanu bhari na ekibharo muno agati wa abhatumwa.

Abharuumi 5:21

Mmbe, ebhikayo ꞉bhyariga bhiri na amanaga ga okutunga abhaanu, mbibhareetera orufu. Na nikwo kutyo na iinema ya Nyamuwanga, eyitunga abhaanu niibhabharira obhurengeresi bhunu obhubhayaana obhurame bhunu bhutakuweera, okuturira ku-Raatabhugenyi weeswe Yeesu Kiriisitu.

Abharuumi 8:1

Mmbe woori, itariwo indamuro ya ebhirusho ku-bhaanu bhanu bhayimbeene na Kiriisitu Yeesu.

Abharuumi 8:3

Ebhiraagiro bhya Musa ꞉bhyariga bhitari na amanaga ga okukikora kiiyagaare, kwa okubha obhusimukwa bhweswe obhwa ebhikayo ꞉bhwariga bhuri na amanaga. Nawe kinu ebhiraagiro bhiyo ꞉bhitaaturire okukora, Nyamuwanga ꞉aakorere. ꞉Aatumire Omwana waaye omwene, aaje kw-iswe mu-kyaro ari muunu rwa eswe abha ebhikayo, insonga abhe ekimweso ku-nsonga ya ebhikayo bhyeswe. Ku-riyo, Nyamuwanga ꞉aamarire-wo amanaga ga ebhikayo mu-bhurame bhweswe.

1 Abhakorinto 1:30

Nyamuwanga niwe abhayimbanyiishe na Kiriisitu Yeesu. Niwe akorere Kiriisitu abhe obhwenge bhweswe. Okuturira ku-Yeesu kibheeye bharengeresi, bhataakatiifu mu-meeso ga Nyamuwanga na kituuriibhwe.

2 Abhakorinto 5:17

Omuunu woonewoone unu ayimbeene na Kiriisitu, aabheeye muunu muyaaya, aga kara gaaturire, woori goone kutyo ni mayaaya!

2 Abhakorinto 5:21

Kiriisitu ꞉aariga atari na kikayo na kimwi, nawe Nyamuwanga ꞉aamubhariiye ebhikayo bhyeswe bhyone kutyo, insonga eswe kibharwe ati kiri bharengeresi mu-meeso ga Nyamuwanga okuturira ku-Kiriisitu.

Abhagaraatiya 2:16

Nawe kimenyere ati, omuunu atakutura kubharwa ati ni murengeresi ku-Nyamuwanga, ku-kugwata ebhiraagiro bhya Musa, tari, ni kuturira okwikirisha Yeesu Kiriisitu omwene era. Okubha kutyo eswe kyone, kiikirisiishe Kiriisitu Yeesu, insonga kibharwe na Nyamuwanga ati kiri bharengeresi, okuturira obhwikirisha bhuyo, itari okugwata ebhiraagiro bhya Musa. Ni kimari ati atariwo muunu unu kaatura okubharwa ati ni murengeresi mu-meeso ga Nyamuwanga, okuturira obhugwati bhwa ebhiraagiro bhya Musa.

Abhafiripi 3:6

Na ꞉naariga niikomeesha muno okunyansha Abhakiriisitu, niitogaga ati gayo nigo agajomisha Nyamuwanga. Ku-kukora kutyo ebhiraagiro ebhyenda ꞉naariga niri murengeresi, nitari na kikayo kyonekyone.

2 Timoteeyo 1:9

Nyamuwanga ꞉aakyerusiishe ˆnaakikora kibhe bhataakatiifu, ꞉ataakorere kutyo ku-nsonga ya ebhikorwa bhyeswe ebhijomu tari ni kuriingʼaana na obhukene bhwaye omwene na iinema yaaye. ꞉Aakiyaaye iinema iyo okuturira ku-Kiriisitu Yeesu, bhunu ekyaro ꞉kyariga kikyari kubhumbwa

Tiito 3:5

Itari ati eswe ꞉kyakorere mangʼana majomu aga obhurengeresi ku-Nyamuwanga, tari ni kigongo kyaye era. ꞉Aakyesiishe obhubhiibhi bhweswe bhunu ꞉aakiibhuuye orwa akabhiri, ˆnaakiroosha bhuyaaya okuturira ku-Mwoyo Omutaakatiifu.

Abhaebhuraaniya 6:18

Mmbe, Nyamuwanga ꞉aakorere amangʼana agabhiri gayo, na agabhiri gayo gatakuyinduka, kwa okubha Nyamuwanga atari mubheeyi. ꞉Aaragire na okurayira, insonga akiwooyereshe emitima, eswe bhanu kimubhirimiiye-ko, kigenderere okwisiga amangʼana ganu agaaja okubha-wo imbere.

Yakobho 3:2

Ni kimari ati, abhaanu bhoone kutyo abhayabha ku-mangʼana maafumaafu. Omuunu unu atakuyabha ku-ganu kaaroma, omuunu uyo ni murengeresi, kaatura okuyinga na omubhiri gwaye gwone kutyo.

2 Peetero 1:1

Iinyarubha inu eniyikaama anye Simooni Peetero, omujuuma, na omutumwa wa Yeesu Kiriisitu. Enibhakaamira emwe bhanu okuturira obhurengeresi bhwa Yeesu Kiriisitu, uyo niwe Nyamuwanga na Omwerusi weeswe, munyoorere obhwikirisha bhwa iisamaani, bhunu eswe kyone kiikirisiishe.

1 Yowana 3:4

Omuunu woonewoone unu kaagenderera okukora ebhikayo, kaajeema ebhiraagiro bhya Nyamuwanga, kwa okubha obhukosi bhwa ebhikayo, nibhwo obhujeemi.