Abhafiripi 3:3 - Iimuuma Iinyaaya

³ Nawe, ni eswe kiri na insaaro eyeeneyeene, bhatari bhayo, kwa okubha eswe ekiramya Nyamuwanga okuturira ku-Mwoyo Omutaakatiifu waaye. Na eswe ekiiyeemera Kiriisitu Yeesu, na kitakwisiga mibhiri gyeswe.

Abhafiripi 3:3 Iomraidhean Croise

Abharuumi 1:9

Nyamuwanga unu enikorera emirimu ku-mutima gwani gwone kutyo, nikabha nindaasisha abhaanu Amangʼana Amajomu aga Omwana waaye, amenyere kutyo enibhasabhiraga ebhaga ryone kutyo.

Abharuumi 15:17

Woori enitura okwiyeema kwa okubha enigungya Kiriisitu Yeesu, ku-kabhaga kanu enikorera Nyamuwanga emirimu.

Abharuumi 7:6

꞉Kyariga kibhoyerwe na ebhiraagiro, nawe woori kifuuye amwi na Kiriisitu, ku-nsonga iyo kiiyagaarire okusooka mu-bhiraagiro. Woori kitakukorera Nyamuwanga emirimu kutyo ꞉kyariga nkimukorera kara, okuturira obhugwati bhwa ebhiraagiro bhinu ꞉bhyariga bhikaamirwe, tari woori ekimukorera ku-njira eyindi nyaaya eya okutangasibhwa na Mwoyo Omutaakatiifu.

Abharuumi 8:15

Nyamuwanga ꞉ataabhayaaye Mwoyo Omutaakatiifu insonga mubhe kweki bhagaya na okubhakora muubhaye, tari ꞉aabhayaaye Mwoyo Omutaakatiifu insonga mubhe bhaana bhaaye. Mwoyo uyo niwe kaakisakira kikabha nkimwaya nkibhirikira Nyamuwanga ati, “Abha,” insonga yeende-ko, “Raata!”

Abharuumi 8:39

gabhe ganu gari mu-rwire, gabhe ganu gari ku-nsi, amwi ati kibhumbwa kyonekyone, kitakutura okukyawukanya na obhwendi bhwa Nyamuwanga. ꞉Aakyeresiishe obhwendi bhuyo okuturira ku-Kiriisitu Yeesu Raatabhugenyi weeswe.

Abharuumi 9:6

Nitakwaika ati Nyamuwanga ꞉aataamiibhwe okukuumisha ganu ꞉aaragire ku-Bhaijirayeeri. Itari kutyo, kwa okubha Abhaijirayeeri bhanu bhasorerwe na Nyamuwanga, bhatari Bhaijirayeeri bhoone kutyo.

2 Abhakorinto 11:18

Abhaanu bhaafu abheekumangisha amangʼana ga ku-kyaro kunu, mmbe, siga anye noone niikumangye.

Abhagaraatiya 5:25

Mwoyo Omutaakatiifu akiyaaye obhurame, mmbe kikore ganu omwene keenda.

Abhagaraatiya 6:16

Omurembe na ekigongo kinu ekisooka ku-Nyamuwanga bhibhe na abhaanu bhoone kutyo bhanu abhaangarira ekimari kiyo, bhayo nibho abhaanu bha Nyamuwanga.

Abhaefeso 6:18

Kutyo omugenderera okukora gayo, mugenderere na okusaasaama kiyana ku-Nyamuwanga, mumusabhaga na ganu omwenda abhasakire, okuriingʼaana na kutyo Mwoyo Omutaakatiifu kaabhatangasha okusabha. Mutuure gayo mu-mitima gyemwe mwiyangariiye, na nsiku gyone kutyo musabhirega Abhakiriisitu bhoone kutyo.

Abhafiripi 1:1

Iinyarubha inu eniyikaama anye Pawuro, niri amwi na Timoteeyo. Eswe kiri bhajuuma bha Kiriisitu Yeesu. Ekibhakaamira emwe abhaangarisi, abhashemaasi bha riikanisa, na kw-imwe abhataakatiifu bha Nyamuwanga bhanu mwikirisiishe Yeesu Kiriisitu, Firipi eyo.

Abhafiripi 3:12

Anye nitakwaika ati naakorere gayo goone kutyo, amwi ati naakomeeye ku-bhwikirisha, tari, noone enirwanirira insonga nigayikiire. Enirwanirira kutyo, kwa okubha gayo nigo Kiriisitu Yeesu ꞉aambirikiriiye.

Abhafiripi 3:14

Eniikomeesha mu-rugendo, eneenda niyike ku-bhuteero ninyoore ekiyaanwa kyani. Ekiyaanwa kiyo nikyo Nyamuwanga ꞉aambirikiriiye okwingira mu-rwire, okuturira ku-Kiriisitu Yeesu.

Abhakorosaayi 2:11

Mu-kuyimbana kwemwe na Kiriisitu ꞉mwasaarirwe, ꞉mweerusiibhwe okusooka mu-bhusimukwa bhwa ebhikayo, nawe insaaro iyo itakukorwa na bhaanu, tari ni nsaaro ya Kiriisitu mu-myoyo.

Yuuda 1:20

Nawe emwe, abheendwa bhaani, mwigumiirishe ku-bhwikirisha bhwemwe. Obhwikirisha bhuyo, obhusooka ku-Nyamuwanga, na kutyo Mwoyo Omutaakatiifu kaabhatangasha okusaasaama nikwo kutyo musaasaamega.