Abhafiripi 3:2 - Iimuuma Iinyaaya

² Mwiyangarire na abheeyigisha bhanu abheeyigisha ebhiraagiro bhya Ekiyawudi mw-ikanisa ryeswe. Abheeyigisha bhayo ni bhakayi, na abhakomeeresha abhaanu ati bhatasaarire bhatakutura kujomisha Nyamuwanga.

Abhafiripi 3:2 Iomraidhean Croise

Mataayo 24:10

Ayo niwe abhaanu abhaafu bharisiga okunseeta. Bhaririiranaga injeejemo, mbasokanaga abheene na abheene.

Mataayo 7:15

“Mwiyangarire na abharagi abhabheeyi, bhanu abhabhaaja-ko bhari rwa giingʼondi, nawe kimari ni nsunji nduru.

Mataayo 7:6

“Mwasiga okuyaana gimbwa ebhiinu bhinu ebhisooka ku-Nyamuwanga, gyasiga okubhayindukira ngibhakaraabhura. Na mwasiga okuyaana gingurubhe giiruuru gyemwe, gyasiga okugitajataja.”

Abharuumi 2:28

Mmbe mwikare mumenyere ati, omuunu atakubha Muyawudi ku-mangʼana era, na atakubha Muyawudi ati kwa okubha asaarirwe.

2 Abhakorinto 11:13

Abhaanu rwa bhayo ni bhatumwa bhabheeyi, abhakora emirimu mbajimyaga abhaanu, abheekora ati, ni bhatumwa bha Kiriisitu.

Abhagaraatiya 5:13

Bhakiriisitu bheejaasu, Nyamuwanga ꞉aabhabhirikiiye insonga mwikare mwiyagaarire. Nawe obhwiyagaaro bhwemwe bhwasiga okubha nsonga ya okubhasira ku-majomerwa ga omubhiri, tari musakiranega mwendeene.

Abhagaraatiya 5:15

Nawe, raabhe mukagenderera okurumana na okuryana rwa gintyanyi, mwangarire mwasiga okumarana-wo.

Abhagaraatiya 5:6

Enaaika kutyo, kwa okubha kikabha kiyimbeene na Kiriisitu Yeesu, okusaarwa na okusiga okusaarwa kutakusakira kyonekyone kw-iswe. Kinu ekyendwa ni obhwikirisha bhweswe bhunu obhurorerwa mu-kwenda kweswe abhaanu abhandi.

Abhafiripi 3:19

obhuteero bhwa abhaanu bhayo, ni kumarwa-wo. Bhariitwa, kwa okubha bhatungirwe amajomerwa geebhwe amabhiibhi aga emibhiri. Abheegungisha ebhikorwa bhyebhwe ebhibhiibhi bhinu abhakora. Bheeki abheeganiirisha amangʼana ga ku-kyaro kunu era.

Abhafiripi 3:3

Nawe, ni eswe kiri na insaaro eyeeneyeene, bhatari bhayo, kwa okubha eswe ekiramya Nyamuwanga okuturira ku-Mwoyo Omutaakatiifu waaye. Na eswe ekiiyeemera Kiriisitu Yeesu, na kitakwisiga mibhiri gyeswe.

1 Timoteeyo 1:19

Ugwatirire obhwikirisha bhwawo, weere omutima, waasiga okubha rwa abhandi bhanu ꞉bhaaremere, mbagwa mbasiga obhwikirisha bhwebhwe.

Tiito 1:16

Abhaaika abheene ati bhamenyere Nyamuwanga, nawe ebhikorwa bhyebhwe ebhyeresha ati abhamurema. Abhaanu bhayo mbanyanku muno, ni bhajeemi, bhatari na engʼana ryoneryone ejomu.

2 Peetero 2:22

Abhaanu bhanu bhari rwa kutyo abhaaikaga ati, “Imbwa itanakire, niimara niirya amatanake gaayo,” na iinyaaika eyindi ati, “Ingurubhe ingasi inu yoosiibhwe, eyiigaragasha kweki mu-matoto!”

Yuuda 1:4

Enibhakaamira iinyarubha inu kwa okubha bhariwo abhaanu bhanu bhatakuungwa Nyamuwanga, bheeyingisiishe bhwiyibhise mbeesaasha na emwe. Abhaanu bhayo abhayindura ameeyigisho iiguru ya iinema ya Nyamuwanga weeswe insonga na abhaanu abhandi bhakore ganu gateesire, na abheegaana Yeesu Kiriisitu Omutangasha Omukuru, Raatabhugenyi weeswe. Nawe okwambira kara ikaamirwega ati, abhaanu bhayo bhariramurirwa rwa kutyo abhandi bhanu bhoone bhararamuriiywe.

Obhusomboorerwa 2:9

Nimenyere iinyanko yeemwe, na obhutobhu bhwemwe. Nawe ekimari mutari bhatobhu, muri bhaniibhi! Kweki nimenyere kutyo omufumwa na abhaanu bhanu abheebhirikira ati Bhayawudi, enu bhataabha Bhayawudi, tari ni bha mw-isunagoogi rya Sitaani.

Obhusomboorerwa 21:8

Nawe abhoobha bhoone kutyo, bhanu bhatakwikirisha, bhanu abhakora ebhibhiibhi, abheeti bha abhaanu, abhataasi bha meega, abharosi, bhanu abharamya ebhisusano, na abhabheeyi bhoone kutyo, bharyeswa mw-ibheri rya omuriro gwa ekibhiriiti rinu riri rwa omwaro. Na ruyo nirwo orufu rwa akabhiri.”

Obhusomboorerwa 22:15

Nawe abharosi bhoone kutyo, abhataasi bha meega, abheeti bha abhaanu, bhanu abharamya ebhisusano, na bhanu bheendere okubheeya, bharibha anja wa omusi guyo rwa gimbwa.

Obhusomboorerwa 3:9

Woori mwitegeereshe! Eniija okureeta abha mw-isunagoogi rya Sitaani, abhabheeyi bhanu abhaaika ati, ni Bhayawudi enu bhataabha Bhayawudi, bhabheefukamire mbakuunʼyaga ansi ebhisuusu. Niwe bharimenya ati anye nibheendere emwe.