Abhafiripi 2:3 - Iimuuma Iinyaaya

³ Mwasiga okwisoroora kw-ingʼana ryoneryone, na okukora ryoneryone mwiyeemere. Tari mwituurega emwaro, muroraga ati nyakara abheejaanyu kukira kutyo emwe muri.

Abhafiripi 2:3 Iomraidhean Croise

Ruuka 18:14

Kimwi Yeesu ˆnaagenderera, ˆnaaika ati, “Enibhabhwira ati, omutobhesha wa riigooti uyo ꞉aasubhire iika Nyamuwanga amwabhiiye ebhikayo bhyaye. Nawe Omufarisaayo uyo Nyamuwanga ꞉ataamwabhiiye! Omuunu akeegega, Nyamuwanga kaamutuura emwaro. Na omuunu akeetuura emwaro, Nyamuwanga kaamutuura iiguru.”

Abharuumi 12:10

Mwendane emwe abheene na abheene muyaananaga ekibharo, na mutangashega abheejaanyu.

Abharuumi 13:13

Kibhe na katungiiye kajomu rwa abhaanu bhanu bhari mu-bhweru bhwa orusuku oruyaaya. Kyasiga okubha bhaanu bhanu abhakora amagenyi mbanywa obhwarwa kiwubhaaru, mbakorwa. Kisige obhutaasi bhwa ameega bhwa mbaga yooneyoone, na okukora amangʼana ga okuswasha. Kisige giinyombo, na orwango.

Abharuumi 2:8

Nawe Nyamuwanga arimarira riisungu ryaye ku-bheemi, bhayo abharema ekimari, mbakora amabhiibhi.

1 Abhakorinto 15:9

Enaaika kutyo kwa okubha anye niri mutooto muno okukira abhatumwa bhoone kutyo, niteesire na kubhirikirwa mutumwa, kwa okubha ꞉naanyansiishe riikanisa rya Nyamuwanga.

1 Abhakorinto 3:3

kwa okubha na woori mukyatangasibhwa na obhusimukwa bhwemwe obhwa ebhikayo. Angu, raabhe agati weemwe mukyari na orwango na giinyombo, gayo gatakweresha ati mukyatangasibhwa na obhusimukwa bhwemwe obhwa ebhikayo, na akatungiiye keemwe muri rwa abhaanu bha ku-kyaro kunu era?

2 Abhakorinto 12:20

Enibhabhwira kutyo kwa okubha enuubhaya ati, bhunu niriija kw-imwe, amwi nirinyoora muri na katungiiye kanu katakunjomisha. Riyo ririnkora nikore amangʼana ganu gataribhajomisha. Enuubhaya ati enitura okunyoora muri na giinyombo, obhwimi, riisungu, okwiyenda abheene, obhugambi bhwa abhaanu, obhwibhusha bhwa amangʼana, okwiyeema na inkungu.

Abhagaraatiya 5:15

Nawe, raabhe mukagenderera okurumana na okuryana rwa gintyanyi, mwangarire mwasiga okumarana-wo.

Abhagaraatiya 5:26

Kyasiga okwikumangya bhusa era, enu nkisindirana na okukorerana orwango.

Abhaefeso 4:2

Mubhe bhafura mwituuraga emwaro ku-nsiku, mubhe bhasimbiiru, mugegeranaga emwe abheene na abheene enu mwendeenega.

Abhaefeso 5:21

Mwiswariranega emwe abheene na abheene. Okukora kutyo omubha mukora kutyo Yeesu Kiriisitu keenda.

Abhafiripi 2:14

Mukore amangʼana goone kutyo mutakwisigiinyira amwi ati kubhambashaanya,

Abhakorosaayi 3:12

Woori, kwa okubha emwe mubheeye bhasorwa bha Nyamuwanga, abhataakatiifu bhanu mwenderwe, mubhe na emitima gya ekigongo, mubhe na emitima emijomu, mwituure emwaro, mubhe bhafura na musimbiire.

Abhakorosaayi 3:8

Nawe woori musige kimwi riisungu, ekiyirimuko, obhukayi, amafumo na amangʼana ganu gateesire emwe okwaika.

1 Timoteeyo 6:4

Abheene abheeyeema era, bhatakumenya engʼana ryoneryone. Abhaanu rwa bhayo bhoomiiye era kubhambashaanya ku-mangʼana matoototooto, na muyo nimwo orusooka orwiso, amaremo, amafumo, obhwiganiirisha obhubhiibhi,

1 Peetero 3:8

Erya okumariisha, enibhabhwira mwone kutyo ati, muyimbane mubhe na mugambirano gumwi. Mwendane na mufwirane ekigongo, mubhe bheetegeeresha bha amangʼana, mwituuraga emwaro.

1 Peetero 5:5

Emwe bhanu muri mw-ikura mwone, muungwe abhakaruka bheemwe. Yee, mwone kutyo mubhe mwituuraga emwaro, na mubhe musakiranaga na abheejaanyu, kwa okubha Makaamo agaaika ati, “Nyamuwanga atakwikirishaanya na bhanu abheeyeema, tari kaayaana iinema bhanu abheetuura emwaro.”