Abhafiripi 2:2 - Iimuuma Iinyaaya

² Mmbe woori, mubhe na bhwiganiirisha bhumwi, muri bhamwi, mwendeene emwe abheene na abheene, insonga mukuumishe obhujomerwa bhwani.

Abhafiripi 2:2 Iomraidhean Croise

Yowana 3:29

Omwenga ni wa omugabhusi. Anye niri rwa insendekereja ya omugabhusi, niyambaaye ku-mbarika yaaye, na enijomerwa muno okuungwa riisi ryaye.

Ebhikorwa bhya Abhatumwa 1:14

Abhatumwa bhayo bhoone kutyo ꞉bhaariga mbasangira amwi ayo okusaasaama Nyamuwanga, bhari na mugambirano gumwi, mu-bhayo ꞉bhaasangiraga ayo, ꞉aariga arimo na Maryamu nyira Yeesu, abhagasi abhandi, na bhaawaamuwaabho Yeesu.

Ebhikorwa bhya Abhatumwa 2:1

Bhunu orusuku rwa Pentekoositi ꞉rwayikire, abhaanu bhayo bhoone kutyo, ꞉bhaariga bhasangiiye amwi mu-nyumba yimwi.

Ebhikorwa bhya Abhatumwa 2:46

Ku-nsiku ꞉bhaariga mbanyookana amwi mw-ibhanja rya riiyekaru, nawe bhunu ꞉bhaariga mbeekara okurya kw-igari rya Raatabhugenyi, ꞉bhaariiraga amwi ebhyokurya mu-nyumba gyebhwe bheerere emitima, enu bhajomeeywega.

Ebhikorwa bhya Abhatumwa 5:12

Okuturira ku-bhatumwa bha Yeesu, Nyamuwanga ˆnaakoraga ebhimenyegesho na ebhiruguusho bhyafu mu-bhaanu. Na abheeyigira mbabha bhamwi, omugambirano gwebhwe ngubha gumwi ku-bhoone kutyo bhanu ꞉bhaariga mbasangiraga mw-Igaragaanja rya Seremaani.

Abharuumi 12:16

Mwikare muri na omugambirano gumwi. Musige okwiyeema, tari muyimbane na abhaanu bhanu bhatari na kiinu. Na mwasiga okwirora ati ni emwe muri na obhwenge okukira abhandi.

1 Abhakorinto 1:10

Woori, Bhakiriisitu bheejaasu, enibheesaasaama kw-isiina rya Raatabhugenyi weeswe Yeesu Kiriisitu ati, mwasiga okutaashaanya mu-bhwaiki. Na mwasiga okurema okuungwana emwe abheene na abheene, tari mubhe na omugambirano gumwi, na bhwaiki bhumwi.

2 Abhakorinto 13:11

Woori, Bhakiriisitu bheejaasu, mubhe-yo! Mukomeere mu-bhwikirisha, muwooyereshaanye, mubhe na omugambirano gumwi, mwikare muri na omurembe. Na Nyamuwanga unu ari na obhwendi na omurembe, kaaja okubha amwi na emwe.

2 Abhakorinto 2:3

Kyakora ꞉naabhakaamiiye mu-nyarubha irya ati nitakuuja kw-imwe, insonga naasiga okusurumbasibhwa na emwe, bhanu mwenderwe munkore nijomerwe. Nimenyere kimari ati anye nikajomerwa, emwe mwone omujomerwa bhoone kutyo.

2 Abhakorinto 7:7

Itari ati ꞉kyawooyeresiibhwe na obhuuji bhwa Tiito era, tari na kutyo emwe ꞉mwamuwooyeresiishe eyo. Omwene ꞉aakibhwiriiye kutyo omuranga okundora, na kutyo omusurumbara na okunyankirira. Gayo agankora nijomerwe muno.

Abhafiripi 1:4

Na riibhaga ryone kutyo rinu enibhasabhiraga ku-Nyamuwanga, enibhasabhira nijomeeywe,

Abhafiripi 2:16

Na mugwatire Riingʼana rya Nyamuwanga, riyo niryo eribhayaana obhurame bhunu bhutakuweera. Mukore kutyo insonga niiyeeme ku-rusuku runu Kiriisitu ariija, ati ꞉nitaakorere mirimu gya bhusa, amwi ati ꞉neenyanshaga bhusa.

Abhafiripi 2:20

Anye nitari na muunu wundi unu ari mutima gumwi na anye rwa Timoteeyo unu kaabhoongwira obhururu.

Abhafiripi 4:2

Enibheesaasaama muno Ewodiya na Siintike, muungwane, mubhe na omugambirano gumwi, kwa okubha emwe mwone kutyo muri bhaanu bha Raatabhugenyi Yeesu.

Abhakorosaayi 2:5

Raabhé kutyo nitari amwi na emwe eyo, nawe mu-mutima gwani niri amwi na emwe. Nijomeeywe kwa okubha nunguuywe amangʼana kutyo muri na omugambirano na kutyo omugenderera okukomeera mu-bhwikirisha bhwemwe ku-Kiriisitu.

2 Abhateesaroonike 2:13

Nawe iisire eswe kikumye Nyamuwanga ku-nsiku, ku-nsonga yeemwe, emwe Abhakiriisitu bheejaasu bhanu mwenderwe na Raatabhugenyi. Kyenderwe kikore kutyo, kwa okubha Nyamuwanga ꞉aabhasorere okusooka ku-bhwambiro bhwa okubhumba kwaye, insonga mwerusibhwe. Obhwerusha bhuyo mubhuramiiye okuturira ku-Mwoyo Omutaakatiifu unu keesha emitima gyemwe na okuturira ku-kwikirisha kwemwe ekimari.

2 Timoteeyo 1:4

Nikayiita kutyo ꞉waaririre bhunu ꞉kyarageene, eniranga muno okurorana na awe kweki, insonga nijomerwe muno.

Firimooni 1:20

Woori, Mukiriisitu weejaasu, nunkorere riingʼana riyo ku-nsonga ya riisiina rya Raatabhugenyi. Nunkorere kutyo, usambaarushe omutima gwani.

2 Yowana 1:4

꞉Neejire naarora abhaana bhaawo abhandi kutyo bhagwatiriiye ekimari kinu Raata Nyamuwanga ꞉aakiragiriiye, ꞉naajomeeywe muno.

3 Yowana 1:4

Kitariwo ekiinu kinu ekinjomisha okukira okuungwa ati abhaana bhaani mu-bhwikirisha abhagenderera okwikara mu-kimari.