Abhafiripi 2:1 - Iimuuma Iinyaaya

¹ Angu obhwikirisha bhwemwe ku-Kiriisitu bhubhayaaye amanaga? Angu obhwendi bhwaye kw-imwe obhubhawooyeresha? Angu muyimbeene na Mwoyo Omutaakatiifu na omufwirirana ekigongo emwe abheene na abheene?

Abhafiripi 2:1 Iomraidhean Croise

Ruuka 2:25

Na Yerusareemu ayo ꞉aariga ariwo omuunu wumwi, riisiina ryaye ˆnaatogwa Siimiyooni. Siimiyooni uyo ꞉aariga ari murengeresi, na ꞉aariga ari muungwa ku-Nyamuwanga, enu ˆnaarindiriraga okurora obhwerusi bhwa Nyamuwanga ku-Bhaijirayeeri. Mwoyo Omutaakatiifu ꞉aariga ari amwi nawe,

Yowana 14:18

“Nitakubhasiga bhataka, tari eniija okuuja kweki kw-imwe.

Yowana 14:27

Enibhasigira omurembe, enibhayaana omurembe gwani. Omurembe gunu anye enibhayaana, gutari rwa gunu ekyaro ekibhayaana. Musige okutitibhara mu-mitima gyemwe, na musige okuubhaya.

Yowana 17:13

“Ee Raata, woori eniija ku-awe, nawe enibhabhwira gayo goone kutyo nikyari nabho mu-kyaro munu, insonga okujomerwa kwani kukuumire mu-mitima gyebhwe.

Ebhikorwa bhya Abhatumwa 2:46

Ku-nsiku ꞉bhaariga mbanyookana amwi mw-ibhanja rya riiyekaru, nawe bhunu ꞉bhaariga mbeekara okurya kw-igari rya Raatabhugenyi, ꞉bhaariiraga amwi ebhyokurya mu-nyumba gyebhwe bheerere emitima, enu bhajomeeywega.

Ebhikorwa bhya Abhatumwa 4:32

Abheeyigira bhoone kutyo ꞉bhaariga bhari na obhumwi, na omugambirano gwebhwe ꞉gwariga guri gumwi. Atariwo omuunu unu aaikire ati ebhiinu bhyaye ni bhyaye omwene era, tari ebhiinu bhya owumwi ꞉bhyariga bhiri bhyebhwe bhoone kutyo.

Abharuumi 5:5

Obhwisige bhuyo bhutakutura okukiswasha, kwa okubha Nyamuwanga akisukiiye obhwendi bhwaye mu-mitima gyeswe, okuturira Mwoyo Omutaakatiifu waaye unu akiyaaye.

Abharuumi 8:26

Nikwo kutyo Mwoyo Omutaakatiifu kaakisakira mu-mangʼana ganu kitakutura. Eswe kitakumenya okusaasaama Nyamuwanga kutyo eyeendwa, tari Mwoyo Omutaakatiifu omwene niwe kaakisabhira ku-Nyamuwanga ˆnaarira ekiriro kinu kitakuturwa okusomboorwa na muunu.

1 Abhakorinto 12:13

Enaaika kutyo, kwa okubha eswe bhoone kutyo, ibhe ati kiri Bhayawudi amwi ati kitari Bhayawudi, kibhe bhagaya amwi ati kibhe kitari bhagaya, ꞉kyabhatiisiibhwe okuturira ku-Mwoyo Omutaakatiifu wumwi na nkiyaanwa Mwoyo wumwi uyo, insonga kibhe mubhiri gumwi.

1 Abhakorinto 15:31

Bhakiriisitu bheejaasu, ku-nsiku anye niri mu-ngʼanga ya okufwa. Yee enaaika kimari, rwa kutyo enaaika ekimari ati eniikumangya ku-nsonga ya emwe, kwa okubha muyimbeene na Kiriisitu Yeesu Raatabhugenyi weeswe.

1 Abhakorinto 3:16

Angu, mutakumenya ati emwe muri eyekaru rya Nyamuwanga, na Mwoyo wa Nyamuwanga eekaaye mw-imwe?

2 Abhakorinto 13:14

Iinema ya Raatabhugenyi Yeesu Kiriisitu, na obhwendi bhwa Nyamuwanga, na obhuyimbani bhwa Mwoyo Omutaakatiifu, bhibhe amwi na emwe mwone kutyo.

2 Abhakorinto 2:14

Nawe ekikumya Nyamuwanga, kwa okubha ku-nsiku kaakitangasha okujomererwa obhuyigi bhwa Kiriisitu. Na kaakiyaana obhuturo bhwa okuraasha amangʼana ganu agaaikira Kiriisitu mbaara gyone kutyo, rwa kutyo oruwunyo rwa ebhirange oruswerana mu-ruyaga.

Abhagaraatiya 4:6

Na kwa okubha woori kiri bhaana bha Nyamuwanga, Nyamuwanga ꞉aatumire Mwoyo Omutaakatiifu wa omwana waaye mu-mitima gyeswe. Mwoyo uyo niwe kaakora nkyamurira Nyamuwanga obhuraka nkimubhirikiraga ati, “Abha,” insonga yeende-ko, “Raata.”

Abhagaraatiya 5:22

Nawe raabhe ekitangasibhwa na Mwoyo Omutaakatiifu, ekibha na ganu mu-mitima gyeswe, obhwendani, orugirigiri, omurembe, obhusimbiiru, omutima omujomu, obhuyaani, obhwitongeeye,

Abhaefeso 4:4

Eswe kyone kutyo kiri mubhiri gumwi, kiri na Mwoyo Omutaakatiifu wumwi, rwa kutyo ꞉kyabhirikiiywe na Nyamuwanga muramire obhwisige bhumwi.

Abhafiripi 1:8

Kutyo enikomeeresha ati eniranga okurorana na emwe kweki, Nyamuwanga woone amenyere ati enaaika ekimari. Nibheendere muno rwa kutyo Kiriisitu Yeesu abheendere.

Abhafiripi 3:3

Nawe, ni eswe kiri na insaaro eyeeneyeene, bhatari bhayo, kwa okubha eswe ekiramya Nyamuwanga okuturira ku-Mwoyo Omutaakatiifu waaye. Na eswe ekiiyeemera Kiriisitu Yeesu, na kitakwisiga mibhiri gyeswe.

Abhakorosaayi 2:2

Enikora kutyo insonga mukomeere mu-mitima na okugwatanywa mu-bhwendi. Eneenda munyoore obhumenyi bhwone kutyo bhunu obhubhakora mumenye ekimari. Niwe omuuja okumenya imbisike ya Nyamuwanga inu ꞉yaariga ibhisirwe okwambira kara, okumenya Kiriisitu omwene.

Abhakorosaayi 3:12

Woori, kwa okubha emwe mubheeye bhasorwa bha Nyamuwanga, abhataakatiifu bhanu mwenderwe, mubhe na emitima gya ekigongo, mubhe na emitima emijomu, mwituure emwaro, mubhe bhafura na musimbiire.

Abhaebhuraaniya 6:18

Mmbe, Nyamuwanga ꞉aakorere amangʼana agabhiri gayo, na agabhiri gayo gatakuyinduka, kwa okubha Nyamuwanga atari mubheeyi. ꞉Aaragire na okurayira, insonga akiwooyereshe emitima, eswe bhanu kimubhirimiiye-ko, kigenderere okwisiga amangʼana ganu agaaja okubha-wo imbere.

1 Peetero 1:2

Raata Nyamuwanga ꞉aariga abhamenyere okwambira kara eyo ˆnaabhasora. Okuturira okwesibhwa na Mwoyo Omutaakatiifu, ꞉aabhakorere mubhe bhataakatiifu, insonga mumuungwe na mwesibhwe na amaanyinga ga Yeesu Kiriisitu. Nyamuwanga abhoongeshe iinema na omurembe.

1 Yowana 3:24

Omuunu woonewoone unu koongwa ebhiraagiro bhya Nyamuwanga, ari na obhumwi nawe. Na Nyamuwanga omwene woone ari na obhumwi na omuunu uyo. Eswe kimenyere ati kiri na obhumwi na Nyamuwanga, okuturira ku-Mwoyo Omutaakatiifu unu akiyaaye.

1 Yowana 4:12

Atariwo muunu woonewoone unu ararorere Nyamuwanga ebhaga ryoneryone. Nawe kikeendana, Nyamuwanga keekara mu-mitima gyeswe, na obhwendi bhwaye mbukuumira mw-iswe.

1 Yowana 4:16

Woori, eswe kyamenyere na okwikirisha ati Nyamuwanga kaakyenda. Nyamuwanga ni bhwendi. Woonewoone unu eekaaye mu-bhwendi, uyo niwe ari na obhumwi na Nyamuwanga, Nyamuwanga woone ari na obhumwi nawe.