2 Abhateesaroonike 3:4 - Iimuuma Iinyaaya

⁴ Niwe kaakiyaana obhwisige obhunene kw-imwe, ati woori omukora ganu ekibharagirira, na omuuja okugenderera okukora kutyo.

2 Abhateesaroonike 3:4 Iomraidhean Croise

Mataayo 28:20

mubheeyigishaga okugwatira amangʼana goone kutyo ganu ꞉naabharagiriiye. Mwitegeereshe, anye niri amwi na emwe, nsiku gyone kutyo, okuyikira ku-bhuteero bhwa ekyaro.”

Abharuumi 15:14

Bhakiriisitu bheejaasu, anye nimenyere kujomu ati emwe muri bhaanu bhajomu muno, na mumenyere kujomu ganu omwendwa mukore, na muri na obhuturo bhwa okwiyigishaanya.

Abharuumi 15:18

Nitakusaka kwaika engʼana rindi ryoneryone rinu Kiriisitu atakorere okuturira ku-anye. ꞉Aakorere abhaanu bhanu bhatari Bhayawudi bhamuungwe, okuturira ku-mangʼana ganu ꞉naariga naaika, na ebhikorwa bhinu ꞉naariga ninkora.

Abharuumi 2:7

Abhaanu bhanu Nyamuwanga ariyaana obhurame bhunu bhutakuweera, ni bhanu bhakomeeye okukora amajomu, kwa okubha abhaagara okugungibhwa na Nyamuwanga, ekibharo na obhurame bhunu bhutakunyamuka.

1 Abhakorinto 14:37

Raabhe omuunu keerora ati ari na ekiyaanwa kya okusoosha obhuragi, amwi ati ari na ekiyaanwa ekindi kya Mwoyo Omutaakatiifu, amenye ati, ganu enibhakaamira, ni maragiriro okusooka ku-Raatabhugenyi.

1 Abhakorinto 7:19

Okusaarwa amwi ati okusiga okusaarwa kutari na bhwera. Ekiinu ekinene ni okuseeta ebhiraagiro bhya Nyamuwanga.

2 Abhakorinto 2:3

Kyakora ꞉naabhakaamiiye mu-nyarubha irya ati nitakuuja kw-imwe, insonga naasiga okusurumbasibhwa na emwe, bhanu mwenderwe munkore nijomerwe. Nimenyere kimari ati anye nikajomerwa, emwe mwone omujomerwa bhoone kutyo.

2 Abhakorinto 2:9

Insonga eyindi inu ꞉yaakorere nimbakaamira iinyarubha irya, ꞉naariga neenda nimenye raabhe mukanyunguuywe mu-goone kutyo.

2 Abhakorinto 8:22

Kitumire Omukiriisitu weejaasu owundi, aaje na bhaaTiito. Omukiriisitu weejaasu uyo eeyeresiishe kw-iswe kaafu ku-njira nyafunyafu ati ari na bhukene bhunene obhwa okukora emirimu, na woori akenere muno okukira ku-bhwambiro, kwa okubha kaabheesiga muno.

Abhagaraatiya 5:10

Okuriingʼaana na obhuyimbani bhwemwe na Raatabhugenyi Yeesu enibheesiga ati, mutakuuja kwiganiirisha kundi. Nawe omuunu unu kaabhajimya, kaaja okuramurirwa.

Abhafiripi 1:6

Kinu anye noone nimenyere ni ati, Nyamuwanga niwe ꞉aambisiishe emirimu emijomu mu-mitima gyemwe, na niwe kaaja okugigenderesha okuyikira orusuku runu Kiriisitu Yeesu arisubha.

Abhafiripi 2:12

Mmbe woori, abheendwa bhaani, riibhaga rinu ꞉naariga niri kw-imwe eyo, ku-nsiku ꞉mwariga muri bhoongwa ku-Nyamuwanga. Mmbe, na woori bhunu niri areera na emwe mugenderere okukora kutyo, muno. Mukomeere okukora ganu ageendwa gakorwe na abhaanu bhanu bheerusiibhwe na Nyamuwanga. Mugakorega, muubhayire muyarariraga Nyamuwanga.

1 Abhateesaroonike 4:10

Ni kimari omukorera kutyo abheejaanyu bhoone kutyo, abheekasi bha Makedooniya. Nawe ekibhasabha muno Bhakiriisitu bheejaasu, mugenderere okwendana kutyo na okukira.

2 Abhateesaroonike 3:12

Abhaanu bhayo ekibharagirira nkibhagaanya kw-isiina rya Raatabhugenyi Yeesu Kiriisitu ati, bhasige obhurenga, bhakore emirimu kujomu, insonga bhabhe na ebhyokurya bhyebhwe abheene.

2 Abhateesaroonike 3:6

Bhakiriisitu bheejaasu, ekibharagirira kw-isiina rya Raatabhugenyi Yeesu Kiriisitu ati, mwasiga okubha ayeeyi na Abhakiriisitu abharenga, na bhanu bhatakugwata ameeyigisho ganu ꞉kyabheeyigisiishe.

Firimooni 1:21

Enikukaamira ganu, kwa okubha nimenyere obhuungwani bhwawo, owuuja okukora okukira ganu enikusabha.