2 Abhateesaroonike 3:2 - Iimuuma Iinyaaya

² Mukisabhire Nyamuwanga akyerure mu-bhaanu abhabhiibhi na abha ebhikayo, kwa okubha tari bhoone kutyo bhanu abheekirisha iingʼana iyo.

2 Abhateesaroonike 3:2 Iomraidhean Croise

Mataayo 17:17

Yeesu ˆnaabhabhwira ati, “Emwe orwibhuro runu rutari na bhwikirisha, bhanu muyabhire mu-mitima gyemwe, niriikara na emwe okuyikira rusukuki? Niribharindirira kuyikira rusukuki? Mureete omwana uyo anu!”

Mataayo 23:23

“Garibhanyoora, emwe abheeyigisha bha ebhiraagiro bhya Musa na Abhafarisaayo! Bhabheeyi emwe, kwa okubha omusoosisha Nyamuwanga na iijaaka ya ebhiinu ebhitooto rwa ebhirungo bhya ebhyokurya, na ebhinjaari. Nawe omusiga amangʼana amanene aga ebhiraagiro bhya Musa. Omusiga okukora obhurengeresi, okufwira abhaanu ekigongo, na obhwikirisha. Omwendwa mukore gayo goone kutyo, na agandi garya mwasiga okugasiga.

Ruuka 18:8

Enibhabhwira ati, kaaja okubhayaana bhwangu ganu gabheesire. Nawe, bhunu Omwana wa Adaamu arisubha mu-kyaro anu, angu kaaja okunyoora abhaanu bhakyari na obhwikirisha mu-mitima gyebhwe?”

Ebhikorwa bhya Abhatumwa 13:45

Nawe bhunu Abhayawudi ꞉bhaarorere ati abhaanu bhaafu muno bhasangiiye ayo, mbabha na orwango, mbaamba okubhambaara ku-ganu Pawuro ꞉aariga ˆnaaika enu mbamufumaga.

Ebhikorwa bhya Abhatumwa 13:50

Nawe Abhayawudi mbasooyeresha abhagasi bha ekibharo bhanu ꞉bhaariga mbaramya Nyamuwanga, na abhakuru bha mu-musi guyo. Abhaanu bhayo mbaamba okunyansha Pawuro na Bharinaabha, kimwi mbabhabhirimya okusooka mu-kyaro kyebhwe.

Ebhikorwa bhya Abhatumwa 14:2

Nawe Abhayawudi abhandi bhanu ꞉bhaaremere okwikirisha Yeesu, mbaamba okusooyeresha bhanu bhatari Bhayawudi, mbeendaga abhaanu bhayo bhasoke abhaanu bhanu ꞉bheekirisiishe Yeesu.

Ebhikorwa bhya Abhatumwa 17:5

Amangʼana gayo ngakora Abhayawudi abhandi mbabha na orwango. Kimwi mbagenda mw-iguriro, mbagega abhaanu abharangirangi mbabhareeta. Abhaanu abharangirangi bhayo mbayika, mbaamba okukora inkungu nene mu-musi muyo. Mbagenda mbagonokera ewa Omukiriisitu wumwi, riisiina ryaye ˆnaatogwa Yaasoni, okwagara-wo Pawuro na Siira, insonga bhabhareete ku-bhaanu mu-musi muyo.

Ebhikorwa bhya Abhatumwa 25:27

Kwa okubha anye enirora ati nitakubha nikorere kyonekyone nikatuma omubhoywa nitakaamire masitaakyo ganu agakora asitaakibhwe.”

Ebhikorwa bhya Abhatumwa 28:24

Amangʼana gayo Pawuro ꞉aaikire, Abhayawudi abhandi mbageekirisha, nawe abhandi mbagarema.

Abharuumi 10:16

Nawe, itari ati Abhaijirayeeri bhoone kutyo ꞉bheekirisiishe Amangʼana Amajomu gayo. Omuragi Isaaya ꞉aaikire ati, “Raatabhugenyi Nyamuwanga, ni niga unu ꞉eekirisiishe amangʼana geeswe?”

Abharuumi 15:31

Munsabhire ati, neerusibhwe abhaanu bha Ebhuyawudi bhanu bhatakwikirisha Yeesu Kiriisitu, bhaasiga okunkorera amabhiibhi. Na munsabhire insonga Abhakiriisitu bha Yerusareemu, bheekirishe okuramira obhusakisi bhunu enibhasirira okusooka ku-Bhakiriisitu bhanu bhatari Bhayawudi.

1 Abhakorinto 15:32

Raabhe obhwisige bhwani bhukabheeye bhuri rwa abhaanu bha ekyaro kinu, okurwana kwani na gintyanyi ginduru mu-musi gwa Efeso kukansakiiyeki? Raabhe abhafuuye bhatakusuurwa, mmbe, “Kiikare kirye na okunywa, kwa okubha katondo ekifwa.”

1 Abhateesaroonike 2:18

Ku-nsonga iyo, ꞉kyeendaga kiije kw-imwe. Yee bha, anye Pawuro ꞉naariga niikena muno okuuja eyo kiyana, nawe Sitaani ˆnaakiyinga.

2 Timoteeyo 4:17

Nawe Raatabhugenyi omwene ꞉aayambaaye na anye ˆnaankomeesha, insonga okuturira ku-mirimu gyani egya okuraasha, Amangʼana Amajomu goone kutyo, gayikire bhanu bhatari Bhayawudi, bhagoongwe. Noone, Raatabhugenyi ˆnaanyerusha okusooka mu-ndamuro ya orufu rwa kutyo omuunu keerusibhwa mu-kanwa ka indwi.