2 Abhateesaroonike 3:1 - Iimuuma Iinyaaya

¹ Bhakiriisitu bheejaasu, aga okumariisha ni ati, mukisabhire insonga iingʼana ya Raatabhugenyi Yeesu ibhe na ekibharo ku-bhanu abhayiramira na igenderere okuswerana bhwangu, rwa kutyo iri kw-imwe.

2 Abhateesaroonike 3:1 Iomraidhean Croise

Mataayo 9:38

Woori, musabhe Raatabhugenyi Nyamuwanga, niwe omwene esambu, insonga atume abhagesi mw-isambu ryaye, bhagese.”

Ruuka 10:2

Yeesu ˆnaabhabhwira ati, “Ebhigeswa ni bhyafu, nawe abhagesi ni bhatooto. Woori, musabhe Raatabhugenyi Nyamuwanga, niwe omwene esambu, insonga atume abhagesi mw-isambu ryaye, bhagese.

Ebhikorwa bhya Abhatumwa 12:24

Riingʼana rya Nyamuwanga ndigenderera okuswerana mu-bhaanu, na abheeyigira mbabha bhaafu muno.

Ebhikorwa bhya Abhatumwa 19:20

Nikwo kutyo riingʼana rya Raatabhugenyi ꞉ryariga ndiswerana na amanaga mu-bhaanu.

Ebhikorwa bhya Abhatumwa 6:7

Riingʼana rya Nyamuwanga ndigenderera okuswerana mu-bhaanu. Na obhukumi bhwa abheeyigira bha Yeesu mbubha bhwafu muno Yerusareemu ayo, na abhashengesi bhaafu, bhoone mbeekirishaga Yeesu.

Abharuumi 15:30

Bhakiriisitu bheejaasu, okuriingʼaana na obhwikirisha bhweswe bhunu kiri nabhwo ku-Raatabhugenyi weeswe Yeesu Kiriisitu, na okuriingʼaana na obhwendi bhunu ekiyaanwa na Mwoyo Omutaakatiifu, enibheesaasaama ku-mutima gwone kutyo ati, mwikomeeshe muyimbane na anye okunsabhira ku-Nyamuwanga.

1 Abhakorinto 16:9

Enikora kutyo, kwa okubha Nyamuwanga aanyiiguriiye njira nene eya okukora emirimu mu-musi gunu, na bhariwo abhaanu bhaafu bhanu abharema emirimu giyo.

2 Abhakorinto 1:11

raabhe omusakirana na eswe okukisabhira ku-mwene. Na kaaja okuungwa obhusaasaami bhwemwe ˆnaakiyaana giinonkwe. Niwe abhaanu bhaafu abhaaja okukumangya Nyamuwanga ku-nsonga yeeswe.

2 Abhakorinto 13:11

Woori, Bhakiriisitu bheejaasu, mubhe-yo! Mukomeere mu-bhwikirisha, muwooyereshaanye, mubhe na omugambirano gumwi, mwikare muri na omurembe. Na Nyamuwanga unu ari na obhwendi na omurembe, kaaja okubha amwi na emwe.

Abhakorosaayi 4:3

Mukisabhire eswe kyone, insonga Nyamuwanga akiigurire injira ya okuraasha riingʼana ryaye, na okuraasha amangʼana ga Kiriisitu ganu kara ꞉gaariga gabhisirwe. Anye nibhoyerwe ku-nsonga ya okuraasha amangʼana gayo.

1 Abhateesaroonike 1:5

Kimenyere ati, bhunu ꞉kyaraashaga Amangʼana Amajomu kw-imwe, ꞉kitaaraashaga mangʼana ageene era. Tari ꞉kyaraashaga ku-managa na obhuturo bhwa Mwoyo Omutaakatiifu kiimaririiye kimwi. Emwe mumenyere kujomu kutyo gintungwa gyeswe ꞉gyariga giri kw-imwe, insonga kibhasakire.

1 Abhateesaroonike 1:8

Insonga ni ati, okuturira kw-imwe, abhaanu bhoonguuywe riingʼana rya Raatabhugenyi Yeesu. Itari ku-bhaanu bha mu-bhyaro bhya Makedooniya na Akaya era, tari obhwikirisha bhunu muri nabhwo ku-Nyamuwanga bhuswereene mbaara gyone kutyo. Woori eswe, kitari kweki na rindi rya kwaika.

1 Abhateesaroonike 2:1

Bhakiriisitu bheejaasu, emwe abheene mumenyere kujomu ati eswe okuuja kw-imwe, ꞉kitaakoreeye bhusa.

1 Abhateesaroonike 2:13

Ku-nsonga iyo eswe kyone ekikumya Nyamuwanga kiyana, kwa okubha bhunu ꞉mwoonguuywe Riingʼana rya Nyamuwanga okusooka kw-iswe, ꞉mutaariramiiye muna engʼana rya bhaanu, tari muna engʼana rinu erisooka ku-Nyamuwanga, kimari nikwo kutyo gari. Riingʼana riyo niryo erikora emirimu mu-mitima gyemwe, emwe bhanu mwikirisiishe.

1 Abhateesaroonike 4:1

Woori kinu ekisigara Bhakiriisitu bheejaasu, ꞉mweeyigiiye okusooka kw-iswe kutyo Nyamuwanga keenda mwikare, insonga mumujomishe. Ni kimari omukora kutyo. Woori, ekibhasabha nkibheesaasaama kwa bhuturo bhwa Raatabhugenyi Yeesu ati, mugenderere okukora kutyo na okwambuka.

1 Abhateesaroonike 5:17

mwasiga kuyigwa okusabha.

1 Abhateesaroonike 5:25

Bhakiriisitu bheejaasu, mukisabhirega eswe kyone ku-Nyamuwanga.

2 Timoteeyo 2:9

okuraasha kuyo nikwo okukora niinyanka na okubhoywa eminyororo rwa omukayi, nawe Riingʼana rya Nyamuwanga ritakubhoywa.