2 Abhateesaroonike 2:9 - Iimuuma Iinyaaya

⁹ Omujeemi uyo, ariija na amanaga goone kutyo aga Sitaani, na arijimya abhaanu okuturira ku-bhimenyegesho na ebhiruguusho bhyaye.

2 Abhateesaroonike 2:9 Iomraidhean Croise

Mataayo 12:22

Mmbe, abhaanu mbareetera Yeesu omuunu wumwi unu ꞉aariga awungirwe ebhiwi. Omuunu uyo ꞉aariga ari muwofu, na ari mujibhi. Yeesu ˆnaamuwosha, kimwi ˆnaarora, ˆnaamba na okwaika.

Mataayo 24:24

Bhariija abharagi abhabheeyi na abhaanu bhanu bhariiyaaikaga ati nibho Kiriisitu. Bharikora bhimenyegesho bhinene na ebhiruguusho bhyafu insonga bhajimye abhaanu, na bhaakatura bhajimye na abhasorwa bha Nyamuwanga.

Mataayo 4:10

Niwe Yeesu ˆnaamusubhya ati, “Sooka anu, Sitaani! Ikaamirwe mu-Makaamo Amataakatiifu ati, ‘Ramya Raatabhugenyi Nyamuwanga waawo, ukorere emirimu omwene era.’”

Maariko 13:22

Bhariija abharagi abhabheeyi na abhaanu bhanu bhariiyaaikaga ati nibho Kiriisitu. Bharikora bhimenyegesho na ebhiruguusho, insonga bhabhajimye, bhaakatura bhajimye na abhasorwa bha Nyamuwanga.

Ruuka 11:25

‘Enisubha mu-muunu unu ꞉naasookere-mo.’

Yowana 4:48

Yeesu ˆnaamubhwira ati, “Emwe, mukarema okurora ebhimenyegesho na ebhiruguusho, mutariikirisha kimwi.”

Yowana 8:41

Emwe omukora emirimu gya esomwana.” Niwe mbamusubhya ati, “Eswe kitari bhigwebhanja. Eswe kiri na Raata wumwi era, ni Nyamuwanga!”

Yowana 8:44

Emwe ni bha Sitaani, uyo niwe esomwana! Na ganu esomwana kaaranga okukora nigo emwe mwone mwendere okukora. Omwene ꞉aariga ari mwiti okusooka ku-bhwambiro. Ni mubheeyi, atakwenda ekimari, kwa okubha atari na ekimari mu-mutima gwaye. Akabheeya kaabha ˆnaaika ganu gari mu-mutima gwaye omwene, kwa okubha omwene ni mubheeyi, na ku-mwene niwe obhubheeyi obhusooka.

Ebhikorwa bhya Abhatumwa 13:10

“Awe omwana wa Sitaani! Awe uri omusoko wa amangʼana amarengeresi goone kutyo mu-meeso ga Nyamuwanga! Owujimya abhandi, nuugenderera okuyindura na amangʼana aga ekimari aga Raatabhugenyi Nyamuwanga okubha ga bhubheeyi!

2 Abhakorinto 11:14

Riingʼana riyo ritari rya kuruguusha, kwa okubha na Sitaani omwene keeyinduraga ˆneekora okubha maraayika wa obhweru.

2 Abhakorinto 11:3

Nawe woori enuubhaya ati, rwa kutyo Yeebha ꞉aajimiibhwe na ekisoro ekyenge kirya, emwe mwone mwasiga okujimibhwa, musiga okwenda Kiriisitu mwimire na mwerere emitima.

2 Abhakorinto 4:4

Abhaanu bhayo bhatakwikirisha Yeesu, kwa okubha Sitaani, omutungi wa ekyaro kinu, awofusiishe obhwenge bhwebhwe. Kiyo nikyo ekikora mbataamibhwa okurora obhweru bhwa Amangʼana Amajomu ganu agaaikira obhugungyo bhwa Kiriisitu, unu keeresha abhweru kutyo Nyamuwanga ari.

Abhaefeso 2:2

Ebhikayo bhiyo, ꞉mwakoraga kara enu museetaga kutyo ekyaro ꞉kyabhasiraga. Mu-kabhaga kayo, ꞉mwaseetaga Sitaani omutungi wa obhukama bhwa mu-rutumba, unu kaakora emirimu na woori mu-mitima gya abhaanu bhoone kutyo bhanu bhajeemere Nyamuwanga.

2 Timoteeyo 3:8

Rwa kutyo Yaane na Yambure ꞉bhaayajeene na Musa nikwo kutyo bhanu bhoone abhayajana na ekimari kiyo. Ni bhaanu bhanu bhaanyamukire obhwenge bhwebhwe, bharemere okwikirisha Nyamuwanga.

Yakobho 3:15

Obhwenge mbaga iyo, bhutakusooka ku-Nyamuwanga, tari ni bhwa ku-kyaro kunu, ni bhubhiibhi obhusooka ku-Sitaani.

Obhusomboorerwa 12:17

Mmbe, riisoro riyo ndibhiiyirirwa muno omugasi uyo, ndigenda okukora riiremo na abhaana bha omugasi uyo bhanu ꞉bhaasigaaye. Abhaana bhayo ni bhanu abhoongwa ebhiraagiro bhya Nyamuwanga na okubhwira abhaanu amangʼana ga Yeesu.

Obhusomboorerwa 12:9

Riisoro riyo ndyeswa mu-kyaro na bhaamaraayika bhaaryo. Niryo riisoro rya kara rinu eribhirikirwa Sitaani. Omwene niwe kaajimya abhaanu bhoone kutyo mu-kyaro bhakore ebhikayo.

Obhusomboorerwa 18:23

Intara itaryoka kweki mu-musi muyo. Na bhwenga bhwone bhutaribha-mo. Omusi gwa Bhabheri gurikorwa kutyo kwa okubha abhasuruja bhaagwo ꞉bhaariga bhakumukire mu-kyaro. Na ebhyaro bhyone kutyo ꞉bhyariga bhijimiibhwe na obhurosi bhwa omusi guyo.

Obhusomboorerwa 19:20

Nawe intyanyi iyo, na omuragi omubheeyi unu ꞉aariga ˆnaayikorera ebhigwa, mbasingwa, mbagwatwa mw-iremo riyo. Ku-bhigwa bhinu omuragi omubheeyi uyo ꞉aakorere, ꞉aajimiishe abhaanu bhanu ꞉bhaariga bhatuuywe-ko orubhano rwa intyanyi iyo na okuramya ekisusano kyayo. Bhoone kutyo bhabhiri ꞉bheeserwe mw-ibheri riinene erya omuriro gwa ekibhiriiti enu mbarora. Obhunene bhwa riibheri riyo ꞉bhwariga bhuri rwa omwaro.

Obhusomboorerwa 20:10

Sitaani, unu ꞉aabhajimiishe, aryeswa mw-ibheri rya omuriro gwa ekibhiriiti rinu riri rwa omwaro. Muyo nimwo intyanyi irya na omuragi omubheeyi, ꞉bheeserwe. Bhoone kutyo bharyokibhwaga muyo mu-ngeta na mu-mwisi, akajaanende koone kutyo.

Obhusomboorerwa 9:11

Ginsige giyo ꞉gyariga giri na omukama. Omukama waagyo uyo, ꞉aariga ari maraayika omukuru owa riitoko rya nyombe. Maraayika uyo mu-nyaaika ya Ekiebhuraaniya kaatogwa Abhadooni na mu-Kiyunaani kaatogwa Aporiyooni, insonga ya amasiina gayo, ni, “Omusikya.”