2 Abhateesaroonike 2:8 - Iimuuma Iinyaaya

⁸ Ayo niwe Omujeemi uyo arituurwa ku-bhweru, nawe Raatabhugenyi Yeesu bhunu arisubha, arimwita na omwika gwa mu-kanwa kaaye, ˆnaamumara-wo na obhugungyo bhunu ariija nabhwo.

2 Abhateesaroonike 2:8 Iomraidhean Croise

Mataayo 13:19

Omuunu woonewoone unu koongwa riingʼana rya obhukama bhwa Nyamuwanga, ˆnaarema okurisombookerwa, omuunu uyo kaarengekanyibhwa na gimbibho ginu ꞉gyaguuye ku-njira. Omukayi wurya ˆnaaja, ˆnaasaakura ganu Nyamuwanga kaabha ayambire mu-mutima gwa omuunu uyo.

Mataayo 13:38

Riisambu ni kyaro, gimbibho ginjomu ni bhaana bha obhukama, na amanyansi ni abhaanu bha omukayi wurya.

Mataayo 16:27

Omwana wa Adaamu, ariija amwi na bhaamaraayika bhaaye mu-bhugungyo bhwa esemwene. Ayo niwe aririya abhaanu wumwiwumwi okuriingʼaana na ebhikorwa bhyebhwe.

Mataayo 16:28

Kimari enibhabhwira ati, mu-bhanu bhayambaaye anu, bhariwo abhandi bhanu bhatarifwa, bhatarorere Omwana wa Adaamu naaja ari ku-bhukama bhwaye.”

1 Abhakorinto 1:28

Nyamuwanga ꞉aasorere ebhiinu bhinu abhaanu abharora ati bhitari na kibharo, na bhinu abhajeera, bhinu abhaanu abharora ati bhitari na bhwera, insonga anyamure amangʼana ganu abhaanu abharora ati gari na obhwera.

2 Abhateesaroonike 2:3

Mwasiga kwikirisha omuunu woonewoone abhajimye kw-ingʼana ryoneryone, kwa okubha orusuku ruyo rutakuyika okwamba, mukyari kurora abhaanu abhaafu mbajeema. Na Omujeemi, omwana wa obhunyamusi unu araramuriiywe okumarwa-wo kimwi, akyari kutuurwa ku-bhweru.

1 Timoteeyo 6:14

ati, ugwatirire amaragiriro gayo nuugoongwaga utakugayabha, utakwaikwa kubhiibhi, okuyikira anu Raatabhugenyi weeswe Yeesu Kiriisitu arisubha.

2 Timoteeyo 1:10

Nawe woori, Nyamuwanga akituuriiye ku-bhweru iinema yaaye okuturira ku-Kiriisitu Yeesu Omwerusi weeswe. Uyo niwe ꞉aayigire orufu okuturira ku-Mangʼana Amajomu ˆnaakituurira ku-bhweru obhuworu bhunu bhutakuweera.

2 Timoteeyo 4:1

Enikuragirira mu-meeso ga Nyamuwanga na aga Kiriisitu Yeesu unu ariramurira abharore na abhafuuye bhunu arisubha okutunga ku-bhukama bhwaye.

2 Timoteeyo 4:8

Okumara gayo nituuriiywe-wo orusuurya rwa obhurengeresi, runu Raatabhugenyi Omuramusi omurengeresi ariinaana ku-rusuku ruyo. Atariinaana anye era, tari na abhandi bhoone kutyo bhanu bhakenere muno okurora kutyo Yeesu arisubha.

Tiito 2:13

Kirame kutyo, mu-kabhaga kanu ekiisiga orusuku rurya, runu Yeesu Kiriisitu arisubha ari mu-bhugungyo bhwaye. Yeesu uyo, niwe Nyamuwanga Omwenemwene, na niwe Omwerusi weeswe.

Abhaebhuraaniya 10:27

Tari ni kurindirira indamuro ya okuubhayisha eya Nyamuwanga na omuriro omuseekaane gunu oguuja okumara-wo abhaanu bhoone kutyo bhanu abharema Nyamuwanga.

1 Yowana 2:13

Enibhakaamira emwe bhanu mwamarire nsiku nyafu mwikirisiishe, kwa okubha mwamenyere Yeesu Kiriisitu, unu ꞉aariga ariwo bhusimukwa. Enibhakaamira emwe bhanu muri mw-ikura, kwa okubha muyigire omukayi Sitaani. Enibhakaamira emwe abhaana, kwa okubha mwamenyere Raata Nyamuwanga.

1 Yowana 3:12

Kyasiga okubha rwa Kaayini, owa omukayi Sitaani, unu ꞉eetire omumura waabho. Kubhaki ꞉aamwitire? Kaayini ꞉eetire omumura waabho kwa okubha ebhikorwa bhyaye ꞉bhyariga bhiri bhibhiibhi, nawe ebhya omumura waabho ꞉bhyariga bhiri bhya bhurengeresi.

1 Yowana 5:18

Kimenyere ati woonewoone unu eebhuuywe na Nyamuwanga, atakugenderera okukora ebhikayo, kwa okubha Omwana wa Nyamuwanga kaamwangarira, na Sitaani atakutura kumukuunʼya-ko.

Obhusomboorerwa 1:16

Omuunu uyo ꞉aariga ari na njota mungati mu-kubhoko kwaye okuryo. Mu-kanwa kaaye nkisookaga-mo ekiraawa kiri na moogi gabhiri. Obhusu bhwaye ꞉bhwariga mbungʼarabhya bhuseekaanire rwa riisuubha rya mu-mwisi.

Obhusomboorerwa 13:5

Mmbe, intyanyi iyo niiyaanwa obhuturo bhwa okwikumangya na okujabhura Nyamuwanga. Kweki niiyaanwa obhuturo bhwa okutunga ebhaga rya meesi makumi gana na ebhiri.

Obhusomboorerwa 19:15

Ekiraawa ekyugi ꞉kyariga nkisooka mu-kanwa kaaye, insonga okuturira kiyo ayige abhaanu bha mu-bhyaro. Aribhatunga na insimbo ya ekyuma na okumiga iidivaayi mu-kiinu kya okumigira giijabhiibhu gya riisungu rya Nyamuwanga wa Obhutungi bhwone kutyo.

Obhusomboorerwa 2:16

Mmbe woori munuge ebhikayo! Mukarema, enibhaaja-ko bhwangu. Nikaaja eyo eniija okurwana abhaanu bhayo na ekiraawa kyani kinu ekisooka mu-kanwa kaani.

Obhusomboorerwa 20:10

Sitaani, unu ꞉aabhajimiishe, aryeswa mw-ibheri rya omuriro gwa ekibhiriiti rinu riri rwa omwaro. Muyo nimwo intyanyi irya na omuragi omubheeyi, ꞉bheeserwe. Bhoone kutyo bharyokibhwaga muyo mu-ngeta na mu-mwisi, akajaanende koone kutyo.