2 Abhateesaroonike 2:7 - Iimuuma Iinyaaya

⁷ Na woori Omujeemi uyo kaakora emirimu bhwiyibhise. Nawe ariwo unu kaamuyinga woori, okuyikira anu arisoosibhwa-wo.

2 Abhateesaroonike 2:7 Iomraidhean Croise

Ebhikorwa bhya Abhatumwa 20:29

“Anye nimenyere ati nikamara okusooka kw-imwe, abhaanu bha ameeyigisho amabhiibhi abhaaja okwiyingisha mw-imwe, na bhataribhafwira ekigongo uri rwa ginsunji.

2 Abhateesaroonike 2:6

Na kiriwo kinu ekiyinga Omujeemi uyo okubha-wo woori, insonga abhe-wo ku-kabhaga kaaye, kanu Nyamuwanga arimutuura abhweru.

1 Timoteeyo 3:16

Kitariwo kiitimaato kyonekyone ku-bhunene bhwa imbisike ya obhwikirisha bhweswe kwa okubha, Kiriisitu ꞉aatuuywe ku-bhweru ari muunu, Mwoyo Omutaakatiifu ˆnaamwaika ati ni murengeresi, bhaamaraayika mbamurora, abhaanu mbamuraasha mu-bhyaro bhyone kutyo, abhaanu bhoone kutyo abha mu-kyaro mbamwikirisha, ˆnaagegwa ˆnaasirwa iiguru ku-bhugungyo.

1 Yowana 2:18

Abhaana bhaani abheende, ginu ni nsiku gya obhuteero! Mwamarire okuungwa ati omuremi wa Kiriisitu aribha-wo, na woori kutya abharemi bhaafu bhaabheeye-wo. Insonga iyo niyo eyikora nkimenya ati kiri mu-nsiku gya obhuteero.

1 Yowana 4:3

Nawe woonewoone unu atakwikirisha ati Yeesu ꞉aabheeye na omubhiri rwa ogwa omuunu, atakutangasibhwa na Mwoyo Omutaakatiifu wa Nyamuwanga. Omuunu uyo kaatangasibhwa na omwoyo gwa omuremi wa Kiriisitu. Na emwe mwone, mwoonguuywe ati omwoyo guyo oguuja, na woori gwamarire okubha-wo mu-kyaro.

Obhusomboorerwa 17:5

Ku-kisuusu kyaye ꞉aariga akaamirwe-ko riisiina rinu insonga yaaryo ꞉yaariga iri mbisike. Riisiina eryene ni rinu ati, omusi omukuru ogwa bhabheri nyira abhasimbe na amafururusho ga ekyaro.

Obhusomboorerwa 17:7

Niwe maraayika wurya ˆnambuusha ati, “Kubhaki owuruguura? Siga nikubhwire kinu kiiyibhisire ku-mugasi uyo na intyanyi ya emitwe mungati na mayembe ekumi inu ariinyire-ko.