2 Abhateesaroonike 2:2 - Iimuuma Iinyaaya

² muunu woonewoone aasiga okubhatitibhasha musooka ku-bhukene bhwemwe ku-Kiriisitu. Mwasiga kutaka muubhaya engʼana ryoneryone, ribhe rya obhuragi, ribhe rya okuraasha, amwi ati nyarubha inu omutura okutoga ati isookere kw-iswe, ati orusuku rwa okuuja Raatabhugenyi rurayikire.

2 Abhateesaroonike 2:2 Iomraidhean Croise

Mataayo 24:24

Bhariija abharagi abhabheeyi na abhaanu bhanu bhariiyaaikaga ati nibho Kiriisitu. Bharikora bhimenyegesho bhinene na ebhiruguusho bhyafu insonga bhajimye abhaanu, na bhaakatura bhajimye na abhasorwa bha Nyamuwanga.

Maariko 13:7

Bhunu muryungwa amangʼana ga amaremo na amaremo agandi ganu ageenda okwamba, mwasiga okuubhaya. Gayo okubha-wo garibha-wo, nawe obhuteero bhwa amangʼana goone kutyo obhubha bhukyari.

Ruuka 21:19

Na murisimbiira, muryerusibhwa.”

Ruuka 21:9

Na bhunu muryungwa amangʼana ga amaremo, na aga obhusoko mu-bhaanu, musige okuubhaya. Gayo okubha-wo, garibha-wo, nawe obhuteero bhwa amangʼana goone kutyo, obhubha bhukyari.”

Yowana 14:1

Yeesu ˆnaagenderera okubheeyigisha ˆnaaikaga ati, “Mwasiga okutitibhara mu-mitima gyemwe, omwikirisha Nyamuwanga, munyiikirishe anye noone.

Yowana 14:27

Enibhasigira omurembe, enibhayaana omurembe gwani. Omurembe gunu anye enibhayaana, gutari rwa gunu ekyaro ekibhayaana. Musige okutitibhara mu-mitima gyemwe, na musige okuubhaya.

1 Abhakorinto 1:8

Omwene niwe kaaja okubhakomeesha okuyikira ku-bhuteero, insonga mwasiga okwisigiinyirwa, orusuku runu arisubha okuramurira abhaanu.

1 Abhakorinto 14:32

Ekiyaanwa kya okusoosha obhuragi, ekikora kutyo unu kaasoosha obhuragi keenda,

1 Abhakorinto 7:26

Anye enirora ati, ku-nsonga ya iinyanko inu iriwo, nyakara omuunu asigare kutyo ari.

Abhaefeso 5:6

Omuunu woonewoone aasiga okubhajimya na mangʼana ganu gatari na bhwera, kwa okubha amangʼana rwa gayo naabhabhwira, nigo agakora Nyamuwanga ˆnaabha na riisungu ku-bhaanu bhanu bhatakumuungwa.

1 Abhateesaroonike 3:3

꞉Kyakorere kutyo insonga, muunu woonewoone aasiga kutitibhara ku-nsonga ya ebhinyansho bhiyo, kwa okubha emwe abheene mumenyere ati, kiisire kiturire mu-bhinyansho bhiyo.

1 Abhateesaroonike 4:15

Ganu ekibhabhwira ni meeyigisho ga Raatabhugenyi Yeesu ati, eswe bhanu kiribha bhaworu, bhanu kirisigara-wo okuyikira bhunu omwene arisubha, kitaritangatira abhafuuye bhayo.

1 Abhateesaroonike 5:2

kwa okubha emwe abheene mumenyere kujomu ati orusuku runu Raatabhugenyi arisubha, ruritakya rwa mwifi kutyo akaaja mu-ngeta.

2 Abhateesaroonike 2:15

Woori Bhakiriisitu bheejaasu, musimbiire, na mugwate ameeyigisho ganu ꞉mwaramiiye okuturira ku-mangʼana geeswe ganu ꞉kyaraasiishe, na ganu kyabhakaamiiye mu-nyarubha gyeswe.

2 Abhateesaroonike 3:17

Ni anye Pawuro, enibhakaamira obhukeesha bhunu na okubhoko kwani omwene. Kinu nikyo ekibharikisho mu-nyarubha gyani gyone, runu nirwo orukaamo rwani.

Obhusomboorerwa 19:20

Nawe intyanyi iyo, na omuragi omubheeyi unu ꞉aariga ˆnaayikorera ebhigwa, mbasingwa, mbagwatwa mw-iremo riyo. Ku-bhigwa bhinu omuragi omubheeyi uyo ꞉aakorere, ꞉aajimiishe abhaanu bhanu ꞉bhaariga bhatuuywe-ko orubhano rwa intyanyi iyo na okuramya ekisusano kyayo. Bhoone kutyo bhabhiri ꞉bheeserwe mw-ibheri riinene erya omuriro gwa ekibhiriiti enu mbarora. Obhunene bhwa riibheri riyo ꞉bhwariga bhuri rwa omwaro.