2 Abhateesaroonike 2:1 - Iimuuma Iinyaaya

¹ Mmbe woori Abhakiriisitu bheejaasu, ku-rubhaara rwa okusubha kwa Raatabhugenyi weeswe Yeesu Kiriisitu na kutyo kirisangira anu aribha ekibheesaasaama ati,

2 Abhateesaroonike 2:1 Iomraidhean Croise

Mataayo 16:27

Omwana wa Adaamu, ariija amwi na bhaamaraayika bhaaye mu-bhugungyo bhwa esemwene. Ayo niwe aririya abhaanu wumwiwumwi okuriingʼaana na ebhikorwa bhyebhwe.

Mataayo 16:28

Kimari enibhabhwira ati, mu-bhanu bhayambaaye anu, bhariwo abhandi bhanu bhatarifwa, bhatarorere Omwana wa Adaamu naaja ari ku-bhukama bhwaye.”

Mataayo 24:31

Na arituma bhaamaraayika bhaaye, mbabhumaga muno amakombi, insonga bhakumanye abhasorwa bha Nyamuwanga bhoone kutyo, okusooka mbaara gyone kutyo ena egya ekyaro. Bhariija okusooka ku-bhuteero bhwa orubhaara orumwi rwa orwire okuyikira ku-bhuteero bhwa orubhaara orundi.”

Mataayo 25:32

Na abhaanu bha mu-bhyaro bhyone kutyo bharimusangira. Omwene woone aribhaawura rwa kutyo omureefi kaawura giingʼondi mu-mbusi.

Maariko 13:27

Arituma bhaamaraayika bhakumanye abhasorwa bhaaye okusooka mbaara gyone kutyo ena egya ekyaro, okusooka ku-bhuteero bhwa ekyaro, okuyikira ku-bhuteero bhwa orwire.

Abharuumi 12:1

Woori Bhakiriisitu bheejaasu, mumenyere kutyo Nyamuwanga kaakifwira ekigongo. Mmbe, enibheesaasaama ati, mwisooshe emwe abheene ku-Nyamuwanga. Mubhe rwa ebhimweso bhinu ebhirora, ebhitaakatiifu, bhinu ebhijomisha Nyamuwanga. Kiyo nikyo ekiramyo kinu kiri na obhwera ku-Nyamuwanga.

Abhaefeso 1:10

Imbisike eyeene ni inu ati, akabhaga akeene kariyika-wo, arituura ebhiinu bhya ku-kyaro na ebhya mu-rwire bhyone kutyo amwi, bhibhe ku-bhutungi bhwa Kiriisitu.

1 Abhateesaroonike 2:19

Ni emwe omukora nkibha na obhwisige ku-Raatabhugenyi Yeesu bhunu ariija. Ni emwe omukora nkijomerwa. Okugenderera kwemwe okwikirisha Raatabhugenyi, okukora nkiirora ati, ꞉kitaakoreeye bhusa.

1 Abhateesaroonike 3:13

Kweki abhasimbiishe emyoyo gyemwe gyasiga okubha na esoro, na mubhe bhaanu bha mitima myeru. Mwasiga okubha na ekikayo mu-meeso ga Nyamuwanga, Raata, bhunu Raatabhugenyi weeswe Yeesu ariija, ari na abhataakatiifu bhaaye bhoone kutyo.

1 Abhateesaroonike 4:1

Woori kinu ekisigara Bhakiriisitu bheejaasu, ꞉mweeyigiiye okusooka kw-iswe kutyo Nyamuwanga keenda mwikare, insonga mumujomishe. Ni kimari omukora kutyo. Woori, ekibhasabha nkibheesaasaama kwa bhuturo bhwa Raatabhugenyi Yeesu ati, mugenderere okukora kutyo na okwambuka.

2 Abhateesaroonike 1:3

Mmbe woori Abhakiriisitu bheejaasu, eswe kiisire kikumye Nyamuwanga kiyana ku-nsonga yeemwe, nikwo kutyo eyeendwa kikore, kwa okubha obhwikirisha bhwemwe obhugenderera okukura, na okwendana kwemwe okugenderera okwiyongesha muno.

2 Timoteeyo 4:1

Enikuragirira mu-meeso ga Nyamuwanga na aga Kiriisitu Yeesu unu ariramurira abharore na abhafuuye bhunu arisubha okutunga ku-bhukama bhwaye.