1 Abhateesaroonike 5:4 - Iimuuma Iinyaaya

⁴ Nawe emwe, Abhakiriisitu bheejaasu, mutari mu-kisuute, ati orusuku ruyo rubhatakye rwa omwifi.

1 Abhateesaroonike 5:4 Iomraidhean Croise

Mataayo 10:15

Kimari enibhabhwira ati, orusuku runu Nyamuwanga ariramura abhaanu bha mu-musi guyo, aribharamurira makomeeye, okukira kutyo ariramurira abhakosi bha amabhiibhi abha mu-kyaro kya Sodoma na Gomora!”

Ruuka 21:34

“Mwikenge, emitima gyemwe gitaaja okusingwa na obhuwubhaaru, na obhukorwa, na iinyanko ya mu-bhurame bhunu. Kimwi mutaka era orusuku rwa obhuteero ndubhayikira ndubhagwata rwa intyanyi ku-rutuura!

Ebhikorwa bhya Abhatumwa 26:18

Eneenda ubheeshe ameeso, ubhayindure bhasige okwikara mu-kisuute, bheekare mu-bhweru. Bhasooke mu-bhuturo bhwa Sitaani, bhayindukire ku-Nyamuwanga. Bhakakora kutyo bhaabhirwe ebhikayo bhyebhwe, na bhayaanwe omugabho amwi na abhandi bhanu bheesiibhwe okuturira ku-kunyiikirisha.’

Abhakorosaayi 1:13

Akyerusiishe okusooka mu-bhukama bhwa ekisuute, ˆnaakingʼaanyisisha mu-bhukama bhwa Omwana waaye omwende.

1 Abhateesaroonike 5:2

kwa okubha emwe abheene mumenyere kujomu ati orusuku runu Raatabhugenyi arisubha, ruritakya rwa mwifi kutyo akaaja mu-ngeta.

2 Peetero 3:10

Nawe orusuku rwa Raatabhugenyi murirutaka era rwa kutyo omwifi keebha. Orusuku ruyo, orwire rurisoosibhwa-wo na omuyiriro omunene, na ebhiinu bhyende-mo bhyone kutyo bhiryokibhwa mu-muriro, ekyaro kyone kutyo na ebhibhumbwa bhyone bhinu bhirimo bhiriweerera.

1 Yowana 2:8

Na woori, enibhakaamira ekiraagiro ekiyaaya, riingʼana rya ekimari erya Yeesu. Riingʼana rinu riri mu-mutima gwaye na mu-mitima gyemwe, kwa okubha ekisuute ekitura, na obhweru bhwa ekimari bhwamarire okungʼarabhya.

Obhusomboorerwa 16:15

Raatabhugenyi Yeesu kaaika ati, “Mwitegeereshe! Niriija rwa omwifi, kutyo abhaanu abhataka era eejire. Nyakara omuunu unu keekara eeyangariiye, afwaye kimwi gingibho gyaye aasiga kuribhata kinaabhi abhaanu mbamurora ˆneeswara.”

Obhusomboorerwa 3:3

Muyiite ganu ꞉mweeyigisiibhwe, mugagwatira na okugeekirisha. Mugwatirire gayo, munuge ebhikayo. Nawe mukarema okwangarira, niriija rwa omwifi, na mutarimenya ebhaga rinu niriija.