1 Abhateesaroonike 4:8 - Iimuuma Iinyaaya

⁸ Mmbe, omuunu woonewoone unu kaarema ameeyigisho ganu, atakurema muunu, tari kaarema Nyamuwanga, unu kaabhayaana emwe Mwoyo Omutaakatiifu waaye.

1 Abhateesaroonike 4:8 Iomraidhean Croise

Ruuka 10:16

Kimwi, Yeesu ˆnaabhabhwira abheeyigira bhaaye ati, “Unu aribheetegeereesha emwe, kaabha anyiitegeeresiishe anye. Na unu aribharema emwe, noone kaabha andemere. Na omuunu akandema anye, kaabha aremere Nyamuwanga, unu antumire.”

Yowana 12:48

Omuunu woonewoone unu kaandema, unu atakwikirisha amangʼana gaani, ari na unu arimuramurira. Riingʼana rinu enaaika niryo ririmuramurira ku-rusuku rwa obhuteero.

Ebhikorwa bhya Abhatumwa 13:41

‘Emwe bhanu omurora mujeera, muringire! Muruguure na muweerere, kwa okubha enikora amangʼana mu-nsiku gyemwe ginu, amangʼana ganu mutakuuja okugeekirisha, raabhé omuunu akabheekasha ˆnaabhatondera muno.’”

Abharuumi 5:5

Obhwisige bhuyo bhutakutura okukiswasha, kwa okubha Nyamuwanga akisukiiye obhwendi bhwaye mu-mitima gyeswe, okuturira Mwoyo Omutaakatiifu waaye unu akiyaaye.

1 Abhakorinto 2:10

Nawe Nyamuwanga akituuriiye abhweru amangʼana gayo, okuturira ku-Mwoyo Omutaakatiifu. Mwoyo Omutaakatiifu kaaringira eetegeeresiishe goone kutyo na gimbisike gya Nyamuwanga.

1 Abhakorinto 7:40

Nyakara omukimari uyo eekare omwene era, asige okugabhurwa. Nikwo kutyo anye enirora, enigamba ati, anye noone niri na Mwoyo wa Nyamuwanga.

2 Abhakorinto 1:22

ˆnaakituura-ko orubhano rwaye, ˆnaakiyaana Mwoyo Omutaakatiifu mu-mitima gyeswe, insonga abhe ingomboro ya amangʼana goone kutyo ganu Nyamuwanga arikiyaana.

Abhagaraatiya 4:6

Na kwa okubha woori kiri bhaana bha Nyamuwanga, Nyamuwanga ꞉aatumire Mwoyo Omutaakatiifu wa omwana waaye mu-mitima gyeswe. Mwoyo uyo niwe kaakora nkyamurira Nyamuwanga obhuraka nkimubhirikiraga ati, “Abha,” insonga yeende-ko, “Raata.”

1 Peetero 1:12

Nyamuwanga ꞉aatuuriiye ku-bhweru abharagi bhayo ati amangʼana ganu ꞉bhaariga mbaraga, ꞉gaariga gari ku-nsonga yeemwe, itari ku-nsonga yeebhwe. Ganu ꞉bhaaikire nigo garya mwaraasisiibhwe na bhanu ꞉bhaabhareeteeye Amangʼana Amajomu ngaaikiraga Yeesu Kiriisitu. Abharaasha bhayo ꞉bhaabhatondeeye Amangʼana Amajomu gayo kwa obhuturo bhwa Mwoyo Omutaakatiifu unu ꞉aariga atumirwe okusooka mu-rwire. Amangʼana gayo bhaamaraayika bhoone abheegomba muno okugamenya.

2 Peetero 1:21

kwa okubha obhuragi ꞉bhutaasoosiibhwe woonewoone, rwa kutyo omuunu keenda omwene. Tari abhaanu ꞉bhaasoosiishe obhuragi okusooka ku-Nyamuwanga bhatangasiibhwega na Mwoyo Omutaakatiifu.

1 Yowana 3:24

Omuunu woonewoone unu koongwa ebhiraagiro bhya Nyamuwanga, ari na obhumwi nawe. Na Nyamuwanga omwene woone ari na obhumwi na omuunu uyo. Eswe kimenyere ati kiri na obhumwi na Nyamuwanga, okuturira ku-Mwoyo Omutaakatiifu unu akiyaaye.

Yuuda 1:8

Nikwo kutyo na abhaanu bhanu naaika ati bhatakuungwa Nyamuwanga bhari. Abhaaika ati Nyamuwanga kaabhayaana ebhirooto, ˆnaabhayaana obhuturo bhwa okutaara ameega mbakootya emibhiri gyebhwe, abharema obhutungi bhwa Nyamuwanga, mbajabhura na ebhibhumbwa bhya obhugungyo bhwaye bhinu bhiri mu-rwire.