1 Abhateesaroonike 4:5 - Iimuuma Iinyaaya

⁵ Musige kubha na nambá ya amabhiibhi rwa abhaanu bhanu bhatakwikirisha Nyamuwanga.

1 Abhateesaroonike 4:5 Iomraidhean Croise

Mataayo 6:32

Amangʼana gayo, nigo aganyansha abhaanu bhanu bhatakwikirisha Nyamuwanga. Mwasiga okuganyankirira kwa okubha Esomwana unu ari mu-rwire amenyere ati omugakena.

Ruuka 12:30

Amangʼana gayo, nigo aganyansha abhaanu bhanu bhatakwikirisha Nyamuwanga. Mwasiga okuganyankirira kwa okubha Esomwana amenyere ati omugakena.

Ebhikorwa bhya Abhatumwa 17:23

Neeyinda enu na enu mu-musi gwemwe nindingiraga bhinu omuramya, mu-bhiyo naaringira, naarora kw-ishengero erimwi mukaamire-ko ati, ku-nyamuwanga unu atakumenyekana. Mmbe woori, Nyamuwanga uyo emwe omuramya enu mutaamumenya, niwe anye eneenda nibharaasishe amangʼana gaaye.

Abharuumi 1:24

Mmbe, ku-nsonga iyo, Nyamuwanga ꞉aabhasigire bhaseete amajomerwa amajabhi aga emitima gyebhwe, mbakoreranaga aga ginswaro ku-mibhiri gyebhwe.

Abharuumi 1:26

Ku-nsonga iyo, Nyamuwanga abhasigire bhakore amajomerwa geebhwe amabhiibhi aga ginswaro. Abhagasi bhasigire okukora ameega okuriingʼaana na kutyo ꞉bhaabhumbirwe bhakore, woori abhakora ameega abhagasi na abhagasi.

Abharuumi 1:28

Kwa okubha abhaanu bharemere okuungwa Nyamuwanga, Nyamuwanga woone abhasigire bhaseete obhwiganiirisha bhwebhwe bhunu obhubhayabhya. Woori abhakora amangʼana ganu gateesire kukorwa.

1 Abhakorinto 1:21

Enaaika kutyo, kwa okubha Nyamuwanga okuriingʼaana na obhwenge bhwaye, ꞉aaramuuye ati abhaanu bhatakutura okumumenya okuturira ku-bhwenge bhwebhwe abheene. Tari omwene ꞉aaramuuye okwerusha bhanu abhamwikirisha okuturira ku-mangʼana ganu ekiraasha ganu abhandi abhaaika ni ga kisiru.

1 Abhakorinto 15:34

Mubhe na obhwenge, mukore kutyo eyeendwa, na mwasiga okukora ebhikayo, kwa okubha abhandi agati weemwe bhatakumenya Nyamuwanga. Enaaika gayo, insonga nibhatitibhashe.

Abhagaraatiya 4:8

Kara ayo, kwa okubha ꞉mwariga mutakumenya Nyamuwanga, ꞉mwariga muri bhagaya ku-misambwa, na giyo gitari Nyamuwanga bhusimukwa.

Abhaefeso 2:12

Muyiite ati mw-ibhaga rinu ꞉mwariga mutakumenya Kiriisitu, emwe ꞉mwariga mutakubharirwa amwi na Abhaijirayeeri abhaanu bha Nyamuwanga. ꞉Mwariga muri bhagenyi ku-muuma inu Nyamuwanga ꞉aatuuye-wo. ꞉Mwariga mwikaaye mu-kyaro mutakuramya Nyamuwanga, mutari na bhwisige bhwonebhwone.

Abhakorosaayi 3:5

Mmbe woori, musige kimwi amangʼana goone kutyo aga mu-kyaro anu ganu gari mu-mitima gyemwe, obhutaasi bhwa ameega, obhujabhi, amajomerwa amabhiibhi, obhwiganiirisha obhubhiibhi, na okwenda obhuniibhi. Okwenda obhuniibhi okurengekanyibhwa na ekikayo kya okuramya ebhisusano.

2 Abhateesaroonike 1:8

eeyindirwe na omuriro. Omwene niwe ariramurira abhaanu bhoone kutyo bhanu abharema Nyamuwanga na bhanu bhatari bhoongwani ku-Mangʼana Amajomu aga Raatabhugenyi weeswe Yeesu.

1 Peetero 4:3

Riibhaga rya okukora amabhiibhi ganu abhaanu bhanu abharema Nyamuwanga abhakoraga, ryeesire. ꞉Mwariga mutaara ameega, munambaariiye okukora amabhiibhi, obhukorwa, okukora amagenyi aga okurya na okunywa obhwarwa na okuramya ebhisusano, riyo riremerwe na Nyamuwanga.