1 Abhateesaroonike 4:3 - Iimuuma Iinyaaya

³ Nyamuwanga keenda musigane na obhutaasi bhwa ameega, mubhe bhaanu bhataakatiifu.

1 Abhateesaroonike 4:3 Iomraidhean Croise

Mataayo 12:50

Omuunu woonewoone unu kaakora ganu Raata Nyamuwanga wa mu-rwire keenda, uyo niwe omumura waasu, maayi, na omusubhaati waani.”

Mataayo 15:19

Mu-mutima gwa omuunu, nimwo obhusooka obhwiganiirisha obhubhiibhi, obhwiti bhwa abhaanu, obhutaasi bhwa ameega, obhwifi, obhubheeyeresha, na amafumo.

Mataayo 5:32

Nawe anye enibhabhwira ati, omuunu woonewoone unu kaataana na omugasi waaye, itari ati amugwatire ekiroogi, kaakora omugasi waaye uyo abhe mutaasi wa meega. Na omuunu unu kaamugabhura woone kaabha ˆnaataara ameega.”

Mataayo 7:21

“Bhatari bhoone kutyo bhanu abhambirikira ati, ‘Raatabhugenyi, Raatabhugenyi,’ ati bhariingira mu-bhukama bhwa mu-rwire. Tari, unu kaakora ganu Raata wa mu-rwire keenda, uyo niwe ariingira-mo.

Maariko 3:35

Omuunu woonewoone unu kaakora ganu Nyamuwanga keenda, uyo niwe omumura waasu, uyo niwe maayi, na omusubhaati waani.”

Yowana 4:34

Yeesu ˆnaabhasubhya ati, “Ebhyokurya bhyani ni okukora ganu Raata unu ꞉aantumire keenda, na okukuumisha emirimu gyaye.

Yowana 7:17

Omuunu woonewoone unu keenda okukora kutyo Nyamuwanga keenda, uyo niwe kaatura okusombookerwa ati, ameeyigisho gayo agasooka ku-Nyamuwanga, amwi ati ni anye era enigaaika.

Ebhikorwa bhya Abhatumwa 15:20

Nawe kiisire kibhakaamire iinyarubha era, kibhabhwire ati, bhaasiga okubha ayeeyi na ebhiinu bhinu bhisoosiibhwe okushengera, bhaasiga okutaara ameega, bhaasiga okurya gintyanyi ginu gibhuutirwe, bhaasiga na okunywa orwamba.

Ebhikorwa bhya Abhatumwa 15:29

Ekibhabhwira era ati, mwasiga okurya ebhyokurya bhinu bhisoosiibhwe okushengera. Mwasiga na okunywa orwamba, na okurya gintyanyi ginu gibhuutirwe. Mwasiga na okubha bhataasi bha meega. Raabhe mukeekenga na gayo, omubha mukorere kujomu. Ambe mubhe-wo na omurembe.

Ebhikorwa bhya Abhatumwa 20:32

“Woori anye noone, enibhatuura mu-mabhoko ga Nyamuwanga, na kw-ingʼana rya iinema yaaye. Riyo niryo eritura okubhakomeesha, na okubhayaanira amwi omugabho na abhaanu bha Nyamuwanga abhandi bhanu bheesiibhwe ku-nsonga yaaye.

Ebhikorwa bhya Abhatumwa 26:18

Eneenda ubheeshe ameeso, ubhayindure bhasige okwikara mu-kisuute, bheekare mu-bhweru. Bhasooke mu-bhuturo bhwa Sitaani, bhayindukire ku-Nyamuwanga. Bhakakora kutyo bhaabhirwe ebhikayo bhyebhwe, na bhayaanwe omugabho amwi na abhandi bhanu bheesiibhwe okuturira ku-kunyiikirisha.’

Abharuumi 1:29

Ni bhakosi bha ebhikayo mbaga bhyafu, na obhubhiibhi bhwone kutyo, ni bheemi, na bhari na orwango. Bheendere iinyombo, ni bheeti bha abhaanu, na ni bhagwatanya bha abhaanu. Ni bhabheeyi, na abheeganiirisha amabhiibhi. Ni bhagambi bha abhaanu,

Abharuumi 12:2

Mwasiga okwiyigira gintungwa gya abhaanu bha ku-kyaro kunu, tari Nyamuwanga abhayindure emitima gyemwe, insonga mubhe na obhwiganiirisha bhuyaaya. Ayo niwe woori omuuja okumenya kujomu amajomu ganu Nyamuwanga keenda, ganu agamujomisha, na ganu gakuumiiye.

Abharuumi 6:22

Nawe woori mwamarire okuyaanwa obhwiyagaaro na Nyamuwanga, insonga mwasiga okubha bhagaya bha ebhikayo, tari mubhe bhagaya bhaaye. Kinu munyoorere-mo okusooka ku-Nyamuwanga, ni kwesibhwa, mumare munyoore obhurame bhunu bhutakuweera.

1 Abhakorinto 1:30

Nyamuwanga niwe abhayimbanyiishe na Kiriisitu Yeesu. Niwe akorere Kiriisitu abhe obhwenge bhweswe. Okuturira ku-Yeesu kibheeye bharengeresi, bhataakatiifu mu-meeso ga Nyamuwanga na kituuriibhwe.

1 Abhakorinto 7:2

Nawe ku-nsonga ya obhutaasi bhwa ameega, nyakara omurume abhe na omugasi waaye omwene, omugasi woone abhe na omurume waaye omwene.

2 Abhakorinto 12:21

Enuubhaya ati, bhunu niriija kw-imwe kweki, Nyamuwanga waani arikora niisware mu-meeso geemwe. Nirisurumbara okurora abhaanu bhaafu agati weemwe bhanu ꞉bhaakorere ebhikayo, na bhakyari okunuga ebhikayo bhyebhwe ebhya obhutaasi bhwa ameega, gintungwa gimbiibhi ku-meega, na amangʼana agandi ganu agaswasha.

Abhagaraatiya 5:19

Mmbe, ebhikorwa bhinu omubhiri ogukora bhimenyekeene ati ni bhinu, okutaara ameega, gintungwa gimbiibhi ku-meega, na amangʼana agandi ganu agaswasha,

Abhaefeso 5:17

Ku-nsonga iyo, mwasiga kubha bhasiru, tari mumenyegeshe ati ni kiinuki Raatabhugenyi Yeesu keenda mukore.

Abhaefeso 6:6

Mukorega kutyo, itari mu-kabhaga kanu abhabha bhariwo mbabharora era insonga mubheekumbe, tari mukore emirimu rwa abhagaya bha Kiriisitu, mukoraga ganu agajomisha Nyamuwanga emitima gyerere.

Abhakorosaayi 1:9

Ku-nsonga iyo, ekibhasabhira kiyana, okwambira orusuku runu ꞉kyoonguuywe amangʼana geemwe. Ekisaasaama ku-Nyamuwanga abhayaane obhumenyi bhwone kutyo ku-ganu omwene keenda. Abhayaane obhwenge bhwone kutyo na obhumenyi bhunu obhusooka ku-Mwoyo Omutaakatiifu.

Abhakorosaayi 3:5

Mmbe woori, musige kimwi amangʼana goone kutyo aga mu-kyaro anu ganu gari mu-mitima gyemwe, obhutaasi bhwa ameega, obhujabhi, amajomerwa amabhiibhi, obhwiganiirisha obhubhiibhi, na okwenda obhuniibhi. Okwenda obhuniibhi okurengekanyibhwa na ekikayo kya okuramya ebhisusano.

Abhakorosaayi 4:12

Epafura, omujuuma wa Kiriisitu Yeesu, omuunu wa ewaanyu eyo, kaabhakeesha. Akomeeye muno okubhasabhira insonga mukomeere, mugenderere okusimbiira mu-bhwikirisha bhwemwe, mumenye kujomu ganu Nyamuwanga keenda.

1 Abhateesaroonike 4:2

Mumenyere kujomu maragiriroki ganu ꞉kyabharagiriiye kwa bhuturo bhwa Raatabhugenyi Yeesu.

1 Abhateesaroonike 4:4

Emwe mwone musige kunyansibhwa na emibhiri gyemwe, mubhe bhataakatiifu, na mubhe bheetongeeye.

1 Abhateesaroonike 5:18

Mukumye Nyamuwanga ku-mangʼana goone kutyo, kwa okubha nikwo kutyo Nyamuwanga keenda mukorega, mukamara okubha ku-Kiriisitu Yeesu.

1 Abhateesaroonike 5:23

Anye noone enibhasabhira ku-Nyamuwanga ati, abhayaane omurembe, na abhasoosiishe-ko ebhikayo bhyone kutyo. Abhaangarire emyoyo, emitima, obhurame bhwemwe, na emibhiri gyemwe, insonga mwasiga kubha na masoro. Na abhaanu bhaasiga okubhaaika kubhiibhi okuyikira anu Raatabhugenyi Yeesu Kiriisitu ariija.

2 Abhateesaroonike 2:13

Nawe iisire eswe kikumye Nyamuwanga ku-nsiku, ku-nsonga yeemwe, emwe Abhakiriisitu bheejaasu bhanu mwenderwe na Raatabhugenyi. Kyenderwe kikore kutyo, kwa okubha Nyamuwanga ꞉aabhasorere okusooka ku-bhwambiro bhwa okubhumba kwaye, insonga mwerusibhwe. Obhwerusha bhuyo mubhuramiiye okuturira ku-Mwoyo Omutaakatiifu unu keesha emitima gyemwe na okuturira ku-kwikirisha kwemwe ekimari.

Tiito 2:14

꞉Eesoosiishe omwene ku-nsonga yeeswe, insonga akituurye okusooka mu-bhubhiibhi bhwone kutyo. ꞉Eendere okukyesha, insonga kibhe abhaanu bhaaye bha ekimari, bhanu bheesoosiishe okukora amajomu.

Abhaebhuraaniya 10:36

Omwendwa mubhe bhasimbiiru, insonga mukorega ganu Nyamuwanga keenda. Mukakora kutyo, omuuja okuramira ganu Nyamuwanga ꞉aaragire okubhayaana.

Abhaebhuraaniya 12:16

Mwiyangarire, insonga aasiga kubha-wo omutaasi wa ameega agati weemwe, amwi ati omuunu unu atakukora ganu Nyamuwanga keenda rwa Esawu. Esawu ꞉aagusiishe ekibharo kya obhwibhurwa bhwa okwamba ku-nsonga ya ebhyokurya bhya okurya rumwi era.

Abhaebhuraaniya 13:21

Nyamuwanga abhayaane amanaga ga okukora ganu keenda. Na akore mu-mitima gyeswe ganu agamujomisha okuturira ku-Yeesu Kiriisitu. Nyamuwanga agungibhwe akajaanende koone kutyo. Amina.

Abhaebhuraaniya 13:4

Obhugabhusi na obhugabhurwa bhuyaanwe ekibharo na abhaanu bhoone kutyo. Omurume na omugasi bheekenge na obhutaasi bhwa ameega, kwa okubha Nyamuwanga ariramurira bhataasi bha ameega bhoone kutyo.

1 Peetero 1:2

Raata Nyamuwanga ꞉aariga abhamenyere okwambira kara eyo ˆnaabhasora. Okuturira okwesibhwa na Mwoyo Omutaakatiifu, ꞉aabhakorere mubhe bhataakatiifu, insonga mumuungwe na mwesibhwe na amaanyinga ga Yeesu Kiriisitu. Nyamuwanga abhoongeshe iinema na omurembe.

1 Peetero 4:2

Na woori, atakugenderera okukora amajomerwa amabhiibhi aga abhaanu bha ku-kyaro kunu, nawe kaakora ganu agajomisha Nyamuwanga ku-kabhaga kanu akyari nako, aka okwikara mu-kyaro kinu.

1 Yowana 2:17

Ekyaro kinu na obhubhiibhi bhwende-mo, bhwone obhutura. Nawe, omuunu woonewoone unu kaakora ganu Nyamuwanga kaakena, kaarama kajaanende.

Obhusomboorerwa 21:8

Nawe abhoobha bhoone kutyo, bhanu bhatakwikirisha, bhanu abhakora ebhibhiibhi, abheeti bha abhaanu, abhataasi bha meega, abharosi, bhanu abharamya ebhisusano, na abhabheeyi bhoone kutyo, bharyeswa mw-ibheri rya omuriro gwa ekibhiriiti rinu riri rwa omwaro. Na ruyo nirwo orufu rwa akabhiri.”

Obhusomboorerwa 22:15

Nawe abharosi bhoone kutyo, abhataasi bha meega, abheeti bha abhaanu, bhanu abharamya ebhisusano, na bhanu bheendere okubheeya, bharibha anja wa omusi guyo rwa gimbwa.