1 Abhateesaroonike 4:16 - Iimuuma Iinyaaya

¹⁶ Raatabhugenyi Yeesu omwene ariika okusooka mu-rwire. ˆNaamura obhuku ˆnaasiiga rwa obhuraka bhwa maraayika omukuru, na riikombi rya Nyamuwanga ndirira. Ayo niwe bhanu ꞉bhaafuuye bheekirisiishe Kiriisitu, bharisuuka okwamba.

1 Abhateesaroonike 4:16 Iomraidhean Croise

Mataayo 16:27

Omwana wa Adaamu, ariija amwi na bhaamaraayika bhaaye mu-bhugungyo bhwa esemwene. Ayo niwe aririya abhaanu wumwiwumwi okuriingʼaana na ebhikorwa bhyebhwe.

Mataayo 16:28

Kimari enibhabhwira ati, mu-bhanu bhayambaaye anu, bhariwo abhandi bhanu bhatarifwa, bhatarorere Omwana wa Adaamu naaja ari ku-bhukama bhwaye.”

Mataayo 25:31

Yeesu ˆnaagenderera okuroma na bheeyigira bhaaye, ˆnaabhabhwira ati, “Bhunu Omwana wa Adaamu ariija mu-bhugungyo bhwaye, ari na bhaamaraayika abhataakatiifu bhoone kutyo, niwe ariikara ku-kitebhe kyaye kinu kiri na obhugungyo.

Mataayo 26:64

Yeesu ˆnaamusubhya ati, “Ni awe waaika. Nawe enibhabhwira ati, okwambira woori, omuuja okurora Omwana wa Adaamu eekaaye orubhaara rwa ebhuryo orwa Nyamuwanga, owa amanaga goone kutyo, ˆnaaja ari ku-meere.”

Ebhikorwa bhya Abhatumwa 1:11

Kimwi mbabhwira abhatumwa bhayo ati, “Abhaanu bha Gariraaya emwe, ndora muyambaaye enu muragamiiye ku-rwire? Yeesu aagegwa okusooka kw-imwe okuja mu-rwire, kutyo mwamurora ˆnaagenda mu-rwire, nikwo kutyokutyo arisubha.”

1 Abhakorinto 15:18

Na abhaanu bhoone kutyo bhanu ꞉bhaafuuye bheekirisiishe Kiriisitu, bhabhurire kimwi.

1 Abhakorinto 15:20

Nawe woori ekimari ni ati, Kiriisitu ꞉aasuukire okusooka mu-bhafuuye, uyo niwe owa okwamba okusuuka mu-bhafuuye.

1 Abhakorinto 15:23

Nawe abhaanu wumwiwumwi arisuurwa ku-kabhaga kaaye omwene, Kiriisitu niwe owa okwamba okusuuka, na bhunu arisubha arisuura abhaanu bhaaye.

1 Abhateesaroonike 1:10

Bhamenyere na kutyo omurindirira Omwana wa Nyamuwanga, unu Nyamuwanga ꞉aasuurire okusooka mu-bhafuuye, asubhe okusooka mu-rwire. Omwana uyo ni Yeesu, niwe eejire okukyerusha okusooka mw-isungu rya Nyamuwanga rinu ririija.

1 Abhateesaroonike 3:11

Mmbe, Raata Nyamuwanga omwene, na Yeesu Raatabhugenyi weeswe, akikorere injira ya okuuja kw-imwe.

2 Abhateesaroonike 1:7

emwe bhanu omunyanka woori, arikimuunyisha bhoone kutyo amwi. Arikora gayo bhunu Raatabhugenyi Yeesu arituurwa ku-bhweru okusooka mu-rwire, ari amwi na bhaamaraayika bhaaye abha amanaga,

2 Abhateesaroonike 2:1

Mmbe woori Abhakiriisitu bheejaasu, ku-rubhaara rwa okusubha kwa Raatabhugenyi weeswe Yeesu Kiriisitu na kutyo kirisangira anu aribha ekibheesaasaama ati,

2 Peetero 3:10

Nawe orusuku rwa Raatabhugenyi murirutaka era rwa kutyo omwifi keebha. Orusuku ruyo, orwire rurisoosibhwa-wo na omuyiriro omunene, na ebhiinu bhyende-mo bhyone kutyo bhiryokibhwa mu-muriro, ekyaro kyone kutyo na ebhibhumbwa bhyone bhinu bhirimo bhiriweerera.

Yuuda 1:9

Nawe Mikayiri maraayika omukuru woone, bhunu abhuushaanyaga na okubhambashaanya na Sitaani ku-nsonga ya omubhiri gwa Musa, ꞉ataasakire okumuramurira, na kumubhwira mangʼana ga injabhuro. Nawe ꞉aamubhwiriiye era ati, “Raatabhugenyi Nyamuwanga omwene akugonye!”

Obhusomboorerwa 1:10

Rusuku rumwi ruri rusuku rwa okuramya Raatabhugenyi, Mwoyo Omutaakatiifu ˆnnaawunga. Nintaka era nuungwa riisi enene iinyuma waani muna ekombi eribhumwa.

Obhusomboorerwa 1:7

Mwitegeereshe! Yeesu ariijira mu-meere! Abhaanu bhoone kutyo bharimurora, Na bhanu ꞉bhaamusomere na riitimu bharimurora, na abhaanu bha amayito goone kutyo aga mu-kyaro bharirira mbatogoonya ku-nsonga yaaye. Yee! Nikwo kutyo garibha. Amina.

Obhusomboorerwa 14:13

Nuungwa riisi okusooka mu-rwire, ndyaika ati, “Kaama ati, okwambira woori kutya, nyakara abhaanu bhanu abhafwa bheekirisiishe Raatabhugenyi Yeesu.” Mwoyo Omutaakatiifu woone ˆnaaika ati, “Yee, bhamuunye okusooka mu-nyanko gyebhwe, kwa okubha bhaririywa okuriingʼaana na ebhikorwa bhyebhwe ebhijomu.”

Obhusomboorerwa 8:13

Okumara gayo, nindora ekikoona kinene nkibhurukaga ku-rwire. Nuungwa ekikoona kiyo nkyamura obhuku nkyaikaga ati, “Garibhanyoora! Garibhanyoora! Garibhanyoora! Emwe bhanu mwikaaye mu-kyaro, kwa okubha bhaamaraayika abhasatu bhanu bhaasigara, bhakabhuma amakombi geebhwe amangʼana agakomeera, na woori bhari ayeeyi okugabhuma!”

Obhusomboorerwa 8:2

Kimwi nindora bhaamaraayika mungati bhanu abhayambaaraga imbere ku-kitebhe kya Nyamuwanga, mbayaanwa amakombi mungati.