1 Abhateesaroonike 4:11 - Iimuuma Iinyaaya

¹¹ Mwikomeeshe okusiiriika. Muunu woonewoone aasiga kwiyingisha mu-mangʼana ga abhandi, nawe akore emirimu gyaye omwene, rwa kutyo ꞉kyabharagiriiye.

1 Abhateesaroonike 4:11 Iomraidhean Croise

Abhaefeso 4:28

Omuunu unu ꞉aariga ˆneebha aasiga okwibha kweki, tari nyakara eekomeeshe okukora emirimu emijomu na amabhoko gaaye omwene, insonga abhe na ekiinu kya okusakira abhakene.

1 Peetero 3:4

tari obhureesi bhwemwe bhwambire mu-mitima gyemwe. Obhureesi bhwa mu-mitima, ni okusiiriika mu-mutima na obhufura. Bhuyo nibhwo bhutakutura okunyamuka, na nibhwo bhwenderwe muno mu-meeso ga Nyamuwanga,

Tiito 3:14

Wiiyigishe na Abhakiriisitu bheejaasu bhoone, bhakomeere okukora amajomu, insonga bhature okusakira abha obhukene obhunene. Bhaakakora kutyo, bhurame bhwebhwe bhutakutura okubha bhwa bhusa.

1 Timoteeyo 2:2

Musabhire abhakama na abhatungi bhoone kutyo, insonga kiikare kisiiriikire kiri na omurembe nkikoraga ganu Nyamuwanga keenda, kiri na ntungwa njomu.

1 Abhakorinto 4:12

Ekiikomeesha muno okukora emirimu gyeswe kwa amabhoko geeswe abheene. Abhaanu bhakakifuma, ekibhasabhira giinonkwe. Bhakakinyansha, ekisimbiira.

1 Peetero 4:15

Aasiga kubha-wo muunu woonewoone agati weemwe unu kaayaanwa ebhirusho kwa okubha ati ni mwiti, ni mwifi, ni mukayi, amwi ati ni mugwatanya wa bhaanu.

1 Timoteeyo 5:13

Ukasiga gayo abheeyigira obhurenga na obhutereeganu bhwa okuribhataga bhuyagayaga mu-misi gya abhaanu. Na bhutari bhurenga era, tari ni bhagwatanya bha abhaanu na bheebhuusirisha bha amangʼana ga abhandi, enu mbaaikaga amangʼana ganu gatakubhasaasa na ganu gateesire.

2 Abhakorinto 5:9

Mmbe, kibhe ati kiri mu-mibhiri ginu, amwi ati kitari mu-mibhiri ginu, kinu eswe ekyenda ni kujomisha Raatabhugenyi.

Abharuumi 12:11

Mwasiga okubha bharenga okukora emirimu gya Raatabhugenyi Yeesu, tari Mwoyo Omutaakatiifu abhasakire okugenderera okukora emirimu giyo okusooka mu-mitima gyemwe.

Ebhikorwa bhya Abhatumwa 20:35

Ku-mangʼana gayo goone kutyo, ꞉naariga nimbeeresha ati kiisire kikorega emirimu eswe abheene, kyone kinyoore ebhiinu bhya okusakira bhanu bhatari nabhyo. Mukorega kutyo muyiita amangʼana ganu Raatabhugenyi Yeesu ꞉aaikire ati, ‘Nyakara okusoosha, okukira okuramira.’ ”

Maariko 13:34

“Okuuja kwaye okurengekanyibhwa na omuunu unu kaagenda orugendo, ˆnaasiga abhagaya bhaaye bhamwangaririre iinyumba yaaye. ˆNaagabhira wumwiwumwi emirimu gyaye egya okukora. ˆNaaragirira omuriisi wa omusi ati, akyeeshega obhwire.”

Abharuumi 15:20

Mu-gayo goone kutyo, eniikomeesha okuraasha Amangʼana Amajomu anu abhaanu bhakyariga okuraasha amangʼana ga Kiriisitu. Enikora kutyo, insonga nisige okusubhira okwambisha bhuyaaya emirimu anu omuunu owundi aamarire okukora.

Ebhikorwa bhya Abhatumwa 18:3

ˆneekara eweebhwe ayo, mbakoraga emirimu amwi, kwa okubha abheene bhoone ꞉bhaariga mbaroosha amawuuna rwa Pawuro.